ashk-baari se gham-o-dard ki kheti-baaDi — Waliullah Muhib

shaikh kahte hain mujhe dair na jaa kaaba chal
barhaman kahte hain kyuun yaan bhi khudaa hai ki nahin

jo apne jite-ji ko kunein mein Duboiye
to chaah mein kisi ki giraftaar hoiye

tamaam khalq-e-khudaa zer-e-aasmaan ki sameT
zamin ne khaai va-lekin bharaa na us kaa peT

ai dil tujhe karni hai agar ishq se baiat
zinhaar kabhu chhoDiyo mat silsila-e-dard

raqib jam ke ye baiThaa ki ham uThe naa-chaar
ye patthar ab na haTaae haTe hai kyaa kiije

kuchh na dekhaa kisi makaan mein ham
kahte hain laa-makaan mein kuchh hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

baarish ke baa'd raat saDak aaina si thi
ik paanv paaniyon pe paDaa chaand hil gayaa

koi shikva na gham na koi yaad
baiThe baiThe bas aankh bhar aai

mire aibon ko ginvaayaa to sab ne
kisi ne meri gham-khvaari nahin ki