haqiqaton se mafar chaahi thi 'yashab' main ne — Yashab Tamanna

karne ko kuchh nahin hai nae saal mein 'yashab'
kyon naa kisi se tark-e-mohabbat hi kijiye

samajh sakaa na use main qusur meraa hai
ki mere saamne to vo khuli kitaab rahaa

paDh chuke hain nisaab-e-tanhaai
ab likheinge kitaab-e-tanhaai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

khayaal-e-vaada tiraa bas-ki shab nazar mein rahaa
tamaam raat miraa ji sadaa-e-dar mein rahaa

khushbuon kaa nuzul hotaa thaa
pahle pattaa bhi phuul hotaa thaa

main khushbuon ke zikr pe khaamosh hi rahaa
haalaanki ek phuul mire haafize mein thaa