shab-e-visaal tire dil ke saath lag kar bhi — Zafar Iqbal

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

sunaa hai vo mire baare mein sochtaa hai bahut
khabar to hai hi magar mo'tabar zyaada nahin

mujhe kharaab kiyaa us ne haan kiyaa hogaa
usi se puchhiye mujh ko khabar ziyaada nahin

tanhaa rahne mein bhi koi uzr nahin hai
lekin us ke saath hi tanhaa rah saktaa huun

ik dhuup si tani hui baadal ke aar-paar
ik pyaas hai ruki hui jharne ke baavajud

main baDaa ho gayaa huun magar bachpanaa
mere dil se kabhi bhi gayaa hi nahin

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

dil-e-haris hi apnaa na ho sakaa qaane
vagarna tere karam mein to kuchh kami na rahi

chaand ne taan li hai chaadar-e-abr
ab vo kapDe badal rahi hogi

main badalte hue haalaat mein Dhal jaataa huun
dekhne vaale adaakaar samajhte hain mujhe