All Writings Of Abdullah Khalid

"ma.āl-e-sabr hai merā nashāt-e-hasrat-afzā.ī tabī'at bazm kī ḳhūgar magar qismat hai tanhā.ī achānak un ḳhayāl-angez āñkhoñ meñ chamak aa.ī bas itnī baat kaafī thī mujhe hone ko saudā.ī zahe-uzlat ki jaarī hai ba-shakl-e-ḳhvāb bedārī sar-e-shām-e-tamannā ehtimām-e-bazm-ārā.ī 'adū kī fauj saf-basta musallah bhī munazzam bhī magar ham haiñ abhī ġharq-e-ḳhayāl-e-razm-ārā.ī savāl is kā nahīñ vīrān hai dil mas.ala ye hai agar andar na thā koī to phir kis kī sadā aa.ī darīchoñ par koī bandish nahīñ thī aaj phir 'ḳhālid' koī bhūlī huī ḳhushbū havā ke saath dar aa.ī"

"'āshiqī kā ye dard-e-sar jaa.e maiñ bhī mar jā.ūñ tū bhī mar jaa.e aa.iye ḳhud ko DhūñD lete haiñ is se pahle ki din guzar jaa.e tai kiyā hai ki ham na bikhreñge aa.ina Tuut kar bikhar jaa.e ye batāo kahīñ sukūn bhī hai aadmī jaa.e to kidhar jaa.e is liye sab se hoshiyār raho kyā ḳhabar kaun daao kar jaa.e shor karnā hī kyā zarūrī hai vaqt ārām se guzar jaa.e aadmī huuñ koī machine nahīñ merā ehsās kaise mar jaa.e"

"māhaul-e-dil-e-zār abhī kyā thā abhī kyā hai ye shahr bhī hairat-kada-e-hosh-rubā hai ik vo haiñ ki asbāb-e-zamāna haiñ mulāzim ik ham ki mayassar na davā hai na du'ā hai sab kaam dalīloñ se nahīñ chalte jahāñ meñ gar ham ko yaqīñ hai ki ḳhudā hai to ḳhudā hai tasvīr-e-mukammal huuñ magar merā musavvir lagtā hai yahāñ rakh ke mujhe bhuul gayā hai bekār hai dīvāroñ se sar phoḌnā 'ḳhālid' kuchh dād-rasī ho to shikāyat bhī bajā hai"

"apnoñ ke darmiyāñ hai magar be-amān sā dil bhī sitam-rasīda hai hindostān sā nā-mehrbāñ hai vaqt magar ek mehrbāñ sāya-fagan hai sar pe mire āsmān sā aġhyār tang-dil haiñ to apne munāfiqīn merā bhī haal zaar hai urdu zabān sā muhtāt qurbatoñ kā maza hī ajiib hai maiñ ḳhush-gumān sā huuñ na to bad-gumān sā ālām-o-sānehāt-o-havādis ke rū-ba-rū kab tak ye musht-e-ḳhāk banegā chaTān sā sail-e-shikast-e-ḳhvāb guzar to gayā magar āñkhoñ meñ rah gayā hai lahū kā nishān sā apnā safar havāoñ ke rahm-o-karam pe hai hastī safīna-rang hai tan bādbān sā is daur meñ sukūn-o-qarār-o-qiyām-e-amn 'ḳhālid' mujhe to lagtā hai vahm-o-gumān sā"

"ik shahr-e-nāsapās kā nauha hai aur maiñ ab sub.h-o-shām vus'at-e-sahrā hai aur maiñ ummīd-o-intizār kā vaqfa hai aur maiñ dil hai vo nīm-bāz darīcha hai aur maiñ phir nik.hat-e-sabā ke ta'āqub kā hai junūñ phir dil-lagī kā ek vasīla hai aur maiñ tum ne ye kis maqām pe chhoḌā hai merā saath kis kis pe chārasāzī kā dhoka hai aur maiñ hālāt pur-sukūn na māhaul sāzgār parvardigār terā sahārā hai aur maiñ allāh ek vaqt meñ kis kis ko duuñ javāb vo haiñ junūn-e-shauq hai duniyā hai aur maiñ"

"vaqt aisā bhī hai aane vaalā ḳhud bhī ro.egā rulāne vaalā kuchh bhī ho daad kā haqdār to hai tiir par tiir chalāne vaalā mar gayā maiñ to kahoge sab se haa.e vo ḳhvāb dikhāne vaalā uf ye ḳhāmoshī kā 'ālam jaise koī tūfān ho aane vaalā na sunī aah na aañsū dekhe kitnā be-mehr thā jaane vaalā"

"savār koī pas-e-parda-e-ġhubār na thā magar tajassus-e-nazzāra ko qarār na thā maiñ is qadar bhī to auhām kā shikār na thā ḳhushā vo din ki tirā lutf baar baar na thā vo ek shaḳhs jo rah rah ke yaad aatā hai vafā-shanās thā lekin vafā-shi'ār na thā ye hādisa bhī 'ajab hai ki mere hone par sivā.e mere koī aur sogvār na thā mire yaqīn kī zanjīr kaT ga.ī hotī tire fareb kā ḳhanjar hī āb-dār na thā vo hādse ki lahū-rang ho gayā ehsās vo sānahe ki mujhe jin kā intizār na thā"

"āvārgī ke naqsh ubhar kar bikhar ga.e vo shab-guzār log na jaane kidhar ga.e tajdīd-e-dostī ke sabab ye huā zarūr kuchh zaḳhm taaza ho ga.e kuchh zaḳhm bhar ga.e aa.e to hāthoñ-hāth liyā aur dam-e-vidā’ kāñdhoñ pe sab uThā.e hameñ chhoḌ kar ga.e vo din bhī the ki madd-e-muqābil na thā koī ye din bhī hai ki aa.ina dekhā to Dar ga.e hamdard ġham-gusār mizāj-āshnā rafīq kuchh log ās-pās the jaane kidhar ga.e sar-basta raaz hī rahī ham par hamārī zaat ham be-ḳhabar hī aa.e the aur be-ḳhabar ga.e gumnām kar na paa.e to badnām kar diyā ahbāb mere haq meñ baḌā kaam kar ga.e 'ḳhālid' jo kah rahe the ki hai 'umr-bhar kā saath afsos merā saath vahī chhoḌ kar ga.e"

"'ishq legā dil meñ jab añgḌā.iyāñ sab dharī rah jā.eñgī dānā.iyāñ avval avval anjuman-ārā.iyāñ āḳhirash mahrūmiyāñ tanhā.iyāñ soch liije phir tamanna kījiye sab ko raas aatī nahīñ ūñchā.iyāñ dekh lenā raushnī tak saath haiñ dostoñ kī ḳhushnumā parchhā.iyāñ haiñ hamārī nek-nāmī kī dalīl duur tak phailī huī rusvā.iyāñ zalzale sailāb tūfāñ hādse vaqt kī allāh re añgḌāiyāñ kyoñ na ho apnā ta'alluq ḳhush-gavār tum bhī duniyā-dār maiñ bhī kā.iyāñ"