Ishrat Zafar

ہر ایک عہد میں جو سنگسار ہوتا رہا لہو لہو میں اسی حرف کے بدن میں ہوں زبان کیوں نہیں بنتی ہے ہم نوا دل کی یہ شخص کون ہے میں کس کے پیرہن میں ہوں مرے لہو سے ہی اس نے سپر کا کام لیا اسے خبر تھی کہ میں طاق اپنے فن میں ہوں ہر آئنہ میں ہے محفوظ میری ہی تصویر بہت دنوں سے میں خود اپنی انجمن میں ہوں صدائیں دیتا ہے عشرتؔ کوئی مرے اندر کہ میں رفیق ترا راہ پر شکن میں ہوں

har ek ahd mein jo sangsaar hotaa rahaa

1 views

اٹھائے دوش پہ تاریخ حادثات جہاں گزر رہا ہے دیار حیات سے انساں بچھا رہا ہے فضاؤں میں دام کاہکشاں ترے گداز بدن کا تبسم پنہاں لبوں پہ لاکھ لگائے کوئی سکوت کی مہر مگر خموشی نہ ہوگی جراحتوں کی زباں بھڑک اٹھے نہ کہیں پھر چراغ زخم کی لو سنبھل سنبھل کے سناؤ حدیث شہر بتاں دھواں دھواں سی ملی ہے فضائے شہر جنوں بجھی ہے رات گئے جب بھی مشعل زنداں یہ وہ جہاں ہے کہ ہر شہر سنگ و خشت کے بعد قدم قدم پہ ہے عشرتؔ دیار شیشہ گراں

uThaae dosh pe taarikh-e-haadsaat-e-jahaan

1 views

فلک نے بھیجے ہیں کیا جانے کس وسیلے سے لہو کے بحر میں بھی کچھ صدف ہیں نیلے سے ابھی تو قافلۂ باد سبز راہ میں ہے اسی لیے تو ہیں اشجار دشت پیلے سے جو میرے ساتھ ہے صدیوں سے مثل عکس بہار خبر نہیں کہ ہے وہ شخص کس قبیلے سے پڑا ہے کب سے سیہ پوش میرا دشت بدن چراغ اس میں جلا دے کسی بھی حیلے سے قیاس کہتا ہے ان کے عقب میں ہے سورج چمک رہے ہیں افق پر جو زرد ٹیلے سے ہے لمس آب سے محروم دشت خاک و ہوا نہ جانے کس لیے ذرات پھر ہیں گیلے سے رگوں میں آج بھی روشن ہیں سرخ و زرد چراغ عجیب شے تھے وہ عشرت بدن نشیلے سے

falak ne bheje hain kyaa jaane kis vasile se

1 views

ساحل پہ سمندر کے کچھ دیر ٹھہر جاؤں ممکن ہے کہ موجوں کے ماتھے پہ ابھر جاؤں تپتے ہوئے لمحوں کو سیراب تو کر جاؤں اک موج صدا بن کر صحرا میں بکھر جاؤں ہر سنگ ہے اک شیشہ ہر شیشہ ہے اک پتھر اے شہر طلسم آخر ٹھہروں کہ گزر جاؤں لاؤ نہ اجالوں کو اس شہر کی سرحد تک ایسا نہ ہو میں اپنے سائے سے ہی ڈر جاؤں ہر سمت فضاؤں میں پتھراؤ کا عالم ہے شیشے کا بدن لے کر جاؤں تو کدھر جاؤں ہر شام مرے دل میں دیتا ہے صدا کوئی میں ڈوبتے سورج کے ہم راہ نہ مر جاؤں روکے نہ اگر مجھ کو اس دشت کی تنہائی عشرتؔ میں ہواؤں کے پیکر میں اتر جاؤں

saahil pe samundar ke kuchh der Thahar jaaun

1 views

چاروں طرف خلا میں ہے گہرا غبار سا پھر بھی کہیں پہ ہے یوں ہی کچھ آشکار سا کیا پھوٹتا ہے دل کی زمیں سے برنگ غم کیا تیرتا ہے آنکھ میں نقش بہار سا بکھرے ہیں میرے گرد نشان قدم مرے کھینچا ہے میں نے اپنے لیے بھی حصار سا فرصت جو ہو تو کھل کے برس میری خاک پر بن جاؤں میں بھی ایک شجر سایہ دار سا تنہا درخت میں بھی ہوں اس کے کنار میں وہ بھی مرے قریب ہے اک جوئبار سا عشرتؔ اداس طاق پہ یہ زرد رو چراغ تنہائیوں میں میری ہے اک غم گسار سا

chaaron taraf khalaa mein hai gahraa ghubaar saa

1 views

سیاہ خانۂ جاں میں شرار شوق کی ہے یہ تازگی یہ دمک نو بہار شوق کی ہے تمام سبزہ و دیوار زرد ہے پھر بھی دبی دبی سی صدا آبشار شوق کی ہے یہی بدن سے بدن کا ہے والہانہ کلام مری رگوں میں جو مستی خمار شوق کی ہے نہ تند و تیز ہوا ہے نہ موج طوفاں خیز یہی تو عمر میاں کاروبار شوق کی ہے ہے دیدنی در و دیوار آرزو کی چمک عجیب روشنی شمع مزار شوق کی ہے نگاہ ناز فسوں آفریں کو ہے معلوم کہ نوک ٹوٹی ہوئی دل میں خار شوق کی ہے یہی ہے نقطۂ آغاز شہر گل عشرتؔ اسی دیار میں خوشبو دیار شوق کی ہے

siyaah-khaana-e-jaan mein sharaar-e-shauq ki hai

1 views