Shayar Jamali

tum aasmaan ki bulandi se jald lauT aanaa
hamein zamin ke masaail pe baat karni hai

chhup gayaa eid kaa chaand nikal kar der hui par jaane kyon
nazrein ab tak Tiki hui hain masjid ke minaaron par

aur agar ho na sake kuchh bhi ujaalon ki sabil
ik charaagh apne lahu se hi jalaa dein ham log

yuun bhi kaT sakte hain ye tishna-labi ke lamhaat
baiTh kar bazm mein saaqi ko duaa dein ham log

jis ke saae mein taassub ki tapish shaamil ho
vaqt kahtaa hai vo divaar giraa dein ham log