Yusuf Taqi

be-sadaa kyuun guzarte ho aavaaz do
ab bhi kuchh log andar makaanon mein hain

aao puraani yaad ke shoalon mein taap lein
kitne hain haath sard mulaaqaat ki tarah

ai paDosi tu bataa ham ko to kuchh hosh nahin
thaa hamaaraa bhi koi ghar tire ghar se pahle

dekhaa to zindagi mein bahut kaamyaab the
sochaa to jiit aai nazar maat ki tarah

shab palang par haanpte saae rahe
khvaab darvaaze khaDaa taktaa rahaa

khaansti maddham si ik aavaaz jab se kho gai
ghairiyat ki bu se mahkaa mujh ko apnaa ghar milaa