dekhaa to zindagi mein bahut kaamyaab the — Yusuf Taqi

be-sadaa kyuun guzarte ho aavaaz do
ab bhi kuchh log andar makaanon mein hain

aao puraani yaad ke shoalon mein taap lein
kitne hain haath sard mulaaqaat ki tarah

ai paDosi tu bataa ham ko to kuchh hosh nahin
thaa hamaaraa bhi koi ghar tire ghar se pahle

shab palang par haanpte saae rahe
khvaab darvaaze khaDaa taktaa rahaa

khaansti maddham si ik aavaaz jab se kho gai
ghairiyat ki bu se mahkaa mujh ko apnaa ghar milaa

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

lai na TuuTe zindagi ke saaz ki
zindagi aavaaz hi aavaaz hai

chheDiye saaz-e-zindagi naghma-navaaz ho na ho
aah to kar ke dekhiye soz mein saaz ho na ho

judaa jo ho gae tasbih-e-roz-o-shab se 'adil'
main zindagi mein vo daane piro nahin saktaa