Zaki Kakorvi

junun ke kaif-o-kam se agahi tujh ko nahin naseh
guzarti hai jo divanon pe divane samajhte hain

vaa.e nakami-e-qismat ki bhanvar se bach kar
lab-e-sahil pe jo aa.e to kagara TuuTa

log kahte rahe qarib hai vo
ham ne DhunDa to duur duur na tha

ye raat yunhi basar ho ga.i to kya hoga
tire baghair sahar ho ga.i to kya hoga

main ne tanha.iyon ke lamhon men
tum ko akasr qarib paaya hai

karvan to nikal gaya koson
raah bhaTke hue kahan jaa.en

yaad aae hain uff gunah kyaa kyaa
haath uThaae hain jab duaa ke liye

aql ne tark-e-taalluq ko ghanimat jaanaa
dil ko badle hue haalaat pe ronaa aayaa

tiri javaan umangon ko ho gayaa hai kyaa
Dari Dari si mohabbat mujhe pasand nahin

junun ke kaif-o-kam se aagahi tujh ko nahin naaseh
guzarti hai jo divaanon pe divaane samajhte hain

log kahte rahe qarib hai vo
ham ne DhunDaa to duur duur na thaa

ye raat yunhi basar ho gai to kyaa hogaa
tire baghair sahar ho gai to kyaa hogaa