aarzu-e-visaal kyaa matlab — Dr. Naresh

"khud se bichhaD ke zaat ke paikar mein qaid huun ghar se nikal gayaa thaa magar ghar mein qaid huun huun naara-e-jihaad bhi azm-e-javaan bhi dil mein kabhi muqim thaa ab sar mein qaid huun mushtaaq-o-muntazir huun ki chingaariyaan milein kyaa khuub aag ho ke bhi patthar mein qaid huun dekho to kaaenaat dikhaai de zer-e-paa sochun to jaise khud hi samundar mein qaid huun vo to bulaa rahe hain magar ai 'naresh' main apni anaa ke gumbad-e-be-dar mein qaid huun"

"tujh pe donon nisaar hain qaatil jaan-e-muztar ho yaa dil-e-bismil qahr hai qahr-e-ishq ki manzil har qadam aag hai nai mushkil ho gae dekh kar vo aaina apni surat pe aap hi maail gham se aazaad kar diyaa ham ko kyon na pir-e-mughaan ke hon qaail kis qadar dil-kushaa fazaa hogi aap jab honge zinat-e-mahfil aadmiyyat ko naaz thaa jin par ab vo daanaa rahe na vo 'aaqil chaara-saazi mariz-e-ulfat ki aap ke vaaste nahin mushkil aarzuon mein mach gai halchal kaun ye yaad aa gayaa ai dil tu ubhaare jo ham ko pasti se tujh ko yaarab nahin koi mushkil haae jo baat bhi kahi main ne zer-e-lab tu ne kah diyaa mohmil kyaa bharosa karein kisi pe 'naresh' aadmi aadmi kaa hai qaatil"

"vo jo mahfil mein khuub hanstaa thaa haae vo shakhs kitnaa tanhaa thaa chup kaa ye tajraba bhi kaisaa thaa saaraa ghar saaein saaein kartaa thaa tum se ruThaa to thaa zarur magar khud se Dar kar main ghar se bhaagaa thaa jitne aansu the mere apne the aur har qahqaha paraayaa thaa husn kyaa zehn ki zarurat thi ishq kyaa jism kaa taqaazaa thaa pak chuki fasl kaaT ab is ko khet vahmon kaa tu ne boyaa thaa tum ne jis ki duaaein maangi thiin abr vo parbaton pe barsaa thaa mere andar kaa main visaal ki shab mujh se bhi tez tez dauDaa thaa haae vo din 'naresh' jab us ne khat na likhiye ye khat mein likkhaa thaa"

"yuun ba-zaahir dekhne mein go ki be chehra huun main mujh mein apne khaal-o-khat dekho ki aaina huun main jazba-e-sahra-navardi thak ke kab ruktaa huun main paanv se kaanTaa nikalne de abhi chaltaa huun main haal zahr-aalud maazi faut mustaqbil siyaah aaj ke insaan ki taqdir paDh saktaa huun main mai-kashi to kyaa bujhaa paaegi meri tishnagi dijiye mujh ko samundar pyaas kaa sahraa huun main vo khayaalon mein barahna jism kyaa aae 'naresh' raat bhar apne badan ki aanch se sulgaa huun main"

"vo shakhs jo hai mire vaaste adu ki tarah ragon mein dauDtaa phirtaa hai kyon lahu ki tarah gavaah hain mire ghar ki tamaam divaarein ki teri yaad ko rakkhaa hai aabru ki tarah simaT sako to simaT kar gulaab ban jaao bikhar sako to bikhar jaao rang-o-bu ki tarah uThaa thaa surat-e-fariyaad subh-dam ai dost miTaa huun shaam ko muflis ki aarzu ki tarah 'naresh' baandh ke rakkhegaa mujh ko kaun ki main bikhar chukaa huun fazaaon mein guftugu ki tarah"

"zikr-e-maazi se shab-o-roz sataate hain mujhe mere ahbaab hi divaana banaate hain mujhe main to ik jumla-e-baa-maani-o-baa-matlab huun aur vo harf-e-ghalat kah ke miTaate hain mujhe ek be-rabt taalluq kaa sahaaraa le kar log kyaa ishq ke andaaz sikhaate hain mujhe jo the apne hi khad-o-khaal se ghaafil kal tak aaj vo log bhi aaina dikhaate hain mujhe kuchh tabiat hi baghaavat ki taraf maail hai varna maikhaane ke aadaab to aate hain mujhe kuchh taalluq koi nisbat nahin lekin phir bhi ai 'naresh' aaj sunaa hai ki banaate hain mujhe"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"

"jaagte hi nazar akhbaar mein kho jaati hai zindagi dard ke ambaar mein kho jaati hai naa-khudaa aql ke patvaar uThaataa hai ki jab kashti-e-dil miri manjdhaar mein kho jaati hai be-sabab sochne vaale kabhi sochaa tu ne aagahi kasrat-e-afkaar mein kho jaati hai uDte rahte hain khayaalaat ke jugnu phir bhi baat kyuun parda-e-izhaar mein kho jaati hai us ke kaamon kaa hai rangin khushaamad pe madaar aur mehnat miri isaar mein kho jaati hai hurmat-e-parda zaruri hai 'ataa-ji' varna chiiz jaisi bhi ho baazaar mein kho jaati hai"

"kisi ki mehrbaani ho gai hai ayaan dil ki kahaani ho gai hai hare mausam ki pahli khvaahishein uf khushi gham ki divaani ho gai hai sabhi afraad ghar ke so gae hain bahut lambi kahaani ho gai hai rivaayat kaa hai ab bhi sahar qaaem har ik jiddat puraani ho gai hai pas-e-chehra milaa ik aur chehra 'aqidat paani paani ho gai hai"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"