ab mohabbat nahin kareinge ham — Ahmad Safeer

"asir-e-gham huun rihaai hai aarzu meri chalo zabaan pe to aai hai aarzu meri khayaal-e-yaar bhi hai aarzu miri yaaro so zehn-o-dil mein samaai hai aarzu meri isi liye to judaa kar diyaa use main ne vo keh rahaa thaa judaai hai aarzu meri guzar gayaa vo zamaana ki jab vo apni thi 'safir' ab to paraai hai aarzu meri"

"tum hamaare na ham tumhaare hain yaa'ni ham donon be-sahaare hain aise ham donon hain judaa jaise ek dariyaa ke do kinaare hain saari khushiyaan hamaari aap ki hain saare gham aap ke hamaare hain ham ne bhi khoyaa hai sukun apnaa baazi-e-ishq ham bhi haare hain itni ulfat hai tum se mere sanam jitne aakaash pe sitaare hain"

"ab tiraa intizaar hai hi nahin yaa'ni ab tujh se pyaar hai hi nahin pahle dil be-qaraar hotaa thaa aur ab be-qaraar hai hi nahin teri in aankhon ke sivaa jaanam kisi shai mein khumaar hai hi nahin munh lagaanaa tiri tarah sab ko ye miraa kaar-o-baar hai hi nahin"

"aur to kuchh nahin kiyaa main ne khud ko barbaad kar diyaa main ne tere gham mein kiyaa thaa chaak jise vo garebaan abhi siyaa main ne Thiik kuchh bhi nahin huaa varna sabr se kaam bhi liyaa main ne jaam-e-mai to kabhi piyaa hi nahin zahr gham kaa magar piyaa main ne ab samajh aa rahaa hai mujh ko 'safir' 'ishq kar ke gunah kiyaa main ne"

"jab kabhi lauT kar vo aaegaa mujh ko khoyaa huaa hi paaegaa us ko apnon ki yaad aaegi jab vo ghairon se dhokaa khaaegaa ab vo khud se hi ruuTh jaaegaa aur phir khud ko hi manaaegaa tu mohabbat kharid legaa magar itne paise kahaan se laaegaa jis ne khoyaa nahin kisi ko kabhi vo bhalaa ashk kyon bahaaegaa 'ishq kar ke pataa chalaa yaaro mujh ko ye khaak mein milaaegaa"

"suno kuchh kar na paaogi main jab bhi yaad aaungaa faqat aansu bahaaogi main jab bhi yaad aaungaa chhupaati aa rahi ho sab se par apni saheli ko mire baare bataaogi main jab bhi yaad aaungaa na koi giit gaaogi na khul ke muskuraaogi magar sar ko jhukaaogi main jab bhi yaad aaungaa kisi ki yaad mein khud ko bhulaanaa Thiik hai lekin khudaa ko bhuul jaaogi main jab bhi yaad aaungaa tumhaare yaar ki tasvirein achchhi hain magar phir bhi miri D-p lagaaogi main jab bhi yaad aaungaa tiri surat banaataa huun ki jab tum yaad aati ho magar tum munh banaaogi main jab bhi yaad aaungaa ye maanaa jism do hain ham magar ik jaan hai jaanaan mujhe bhi yaad aaogi main jab bhi yaad aaungaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"