ahl-e-jahaan harif hamaare hue to kyaa — Khalid Nadeem Budauni

"sar pe jis ke ridaa nahin hoti vo zamin paarsaa nahin hoti nam to hoti hai aankh baadal ki aabdida havaa nahin hoti khvaahishon ke qusur hote hain aadmi se khataa nahin hoti sirf patthar gunaah karte hain aainon se khataa nahin hoti iltijaa tu agar nahin suntaa mere lab par duaa nahin hoti zindagi ki duaaein mat diije is se baDh kar sazaa nahin hoti ghar ke jalte hue charaaghon se kyaa sabab hai ziyaa nahin hoti tirgi ke harif mausam mein raushni jaa-ba-jaa nahin hoti"

"hamaare shahr kaa manzar badalne vaalaa hai siyaah raat mein suraj nikalne vaalaa hai nayaa libaas jo har din badalne vaalaa hai amir-e-shahr ke TukDon pe palne vaalaa hai ye aur baat miTaa dein harif tahrirein miraa qalam to haqiqat ugalne vaalaa hai havaa se kah do ke ab ehtimaam se aae phir ik charaagh dariche pe jalne vaalaa hai ye kis maqaam pe laai hai bebasi mujh ko miraa vajud to khushbu mein palne vaalaa hai libaas shakl rifaaqat khulus mehr-o-vafaa is inqalaab mein sab kuchh badalne vaalaa hai kisi bhi shakl mein fitrat badal nahin sakti ye kaun kahtaa hai patthar pighalne vaalaa hai"

"ishq se jab aashnaa husn-e-zulekhaa ho gayaa misr ke baazaar mein yusuf kaa saudaa ho gayaa ishq ki raanaaiyon se aap kyaa vaaqif hue guftugu mein aap ki andaaz paidaa ho gayaa chaand taaron se na miT paayaa andhere kaa vajud ek jugnu ke chamakne se ujaalaa ho gayaa ye karishma ham ne dekhaa bazm-e-fitna-saaz mein jo tamaasha karne aayaa khud tamaasha ho gayaa kam na thiin yuun bhi to 'khaalid' ishq ki nairangiyaan aap ke aane se mausam aur suhaanaa ho gayaa"

"tamaazat mein jo yaktaa kal rahe hain vo suraj ki tarah ab Dhal rahe hain na tum khush-bu na ham sandal rahe hain havaadis kaa bus ik jangal rahe hain hamaare paaon zakhmi hain magar ham tumhaare saath phir bhi chal rahe hain salibein ab muqaddar hain tumhaaraa kabhi ham bhi sar-e-maqtal rahe hain khirad ki chaar-divaari ke andar iraade phir junun ke pal rahe hain na lagnaa tum hamaare munh na lagnaa ham apne vaqt ke paagal rahe hain ham aise sakht-jaan hain is chaman mein zamin ke jism par makhmal rahe hain har ik mausam ki khushiyaan hain tumhaari shab-e-hijraan to ham bekal rahe hain"

"naam puchheinge kabhi tum se nasab puchheinge apni mazlumi kaa ham tum se sabab puchheinge be-qusuri ki sazaa kaise mili hai ham ko thartharaate hue maa'sum ke lab puchheinge ahl-e-mansab ko to har baat ki rahti hai khabar kaise divaar mein lagtaa hai naqab puchheinge kaarvaan zulm kaa jab had se guzar jaaegaa ahl-e-daanish mire ahvaal ko tab puchheinge shahryaari ki tire sar se jab utregi kulaah ham tiri zaat tiraa naam-o-nasab puchheinge ik na ik roz to ham ko bhi milegaa mansab tum se ilzaam-taraashi kaa sabab puchheinge"

"taajdaaron se miraa rishta na thaa is liye bhi qad miraa unchaa na thaa jab nazar ne aaina dekhaa na thaa mere rukh par ek bhi dhabba na thaa us se kyuun be-zaar the ahl-e-nazar tamkanat mein vo agar Duubaa na thaa zillatein vo jaantaa kyaa ishq ki khalvaton mein jo kabhi royaa na thaa aap to khud paikar-e-kirdaar the aap ko kirdaar se girnaa na thaa bastiyaan simTi hui thiin jab talak jangalon ko koi bhi khatra na thaa kyaa bataate qaaede ki baat ham ghar mein koi mashvara kartaa na thaa kaise jaatin mere ghar se gardishein gardishon se to miraa yaaraana thaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"