dekhaa jo marg to marnaa ziyaan na thaa — Anwar Dehlvi

"ab apnaa haal ham unhein tahrir kar chuke khaama supurd kaatib-e-taqdir kar chuke kahte hain tum visaal ki tadbir kar chuke goyaa hamaare haq mein vo taqdir kar chuke tadbir ko havaala-e-taqdir kar chuke ham be-zabaan bhi yaar se taqrir kar chuke dil-e-khaar-khaar khanda-e-chashm-e-asar hai ab dil-e-garm sirf naala-e-shab-gir kar chuke martaa huun yuun ki basta-e-fitraak kyuun nahin main huun vahi ki tum jise nakhchir kar chuke ham jaan kyuun na dein dam-e-guftaar baar baar par dekhte hain ye ki vo taqrir kar chuke baahar hai zabt-e-sharm se aashuftagi miri tum bhi asir-e-zulf-e-girah-gir kar chuke vaqt-e-payaam vasl vo kahte hain ho chukaa shaayad 'adu se vasl ki tahrir kar chuke bas intizaar-e-subh-e-qayaamat nahin qubul ham ab to 'azm naala-e-shab-gir kar chuke kuchh muzd-e-ranj baazu-e-qaatil nahin ki dil nazr adaa-e-burrash-e-shamshir kar chuke khultaa nahin ye 'uqda ki ho baiThe shaad kyuun kis ko asir-e-zulf-e-girah-gir kar chuke kahiye ki shaan-e-ishq mein kyaa ho gai kami go aap khuub si miri tahqir kar chuke dil hai yahaan do-nim qusur-e-tapish mu'aaf tum bhi nigaah-e-bazm ko shamshir kar chuke khultaa hai aur naala-saraai se dil miraa naala ye biin to un pe bhi taasir kar chuke surat chhupaaiye kisi surat-parast se ham dil mein naqsh aap ki tasvir kar chuke daaman-kashaan chale hain miri khaak par se vo barbaad karne ki miri tadbir kar chuke kuchh hashr-khezi shab-e-gham-e-intizaar-e-marg kuchh duur zulm vaqt ki taakhir kar chuke gautam ne us ko rakh ke nazar mein giraa diyaa lekin 'adu ki izzat-o-tauqir kar chuke taa-charkh hain uDaae phire mujh ko zo'f mein naale kahaan kahaan mujhe tashhir kar chuke hai vahaan nigah nigah ko sar-e-dil-bari magar dil ko mere vo qismat-e-sad-tir kar chuke kahiye ki zor-e-baazue mein kidhar gayaa sau baar ghair aap ki taqsir kar chuke pahle jabin havaala-e-taqdir kar chuke dil musir hai ki kaar-kunaan-e-qazaa ai saamaan-e-sad-shikastin taa'mir kar chuke chun chun ke be-gunah ko vo laate hain zer-e-tegh ham jab se is umiid pe taqsir kar chuke aakhir to baa'd us ke hai yaas se umiid jo kuchh ham apni aah ki taasir kar chuke ab kyaa kahein ki qaul-e-vafaa de chuke unhein pahle hi qat' daaman-e-taqrir kar chuke ab kyaa rahaa lapeT mein daaman se aap ke miTTi ham apni aap jo tauqir kar chuke hai chashm-e-dajla baaz to kyaa ham ko chashm-e-zist kaashaana ru-e-aab pe taa'mir kar chuke kyuun iltijaa-e-qatl se kijiye unhein satang jab vaqt aa gayaa to vo taakhir kar chuke ham kis se shukr-o-madh qubul-o-duaa karein lab qismat-e-shikaayat-e-taasir kar chuke ab munh se bolti koi tasvir aap ki jaan apni ham havaala-e-taqdir kar chuke is lab pe imtihaan ke liye mar miTe hain ham jiine se pahle marne ki tadbir kar chuke hotaa hai vo hi yahaan ki jo manzur hai vahaan 'anvar' ham aazmaaish-e-taqdir kar chuke"

"ho rahaa hai TukDe TukDe dil mere gham-khvaar kaa hai mire zakhm-e-jigar mein kaaT tegh-e-yaar kaa shor hai ghul hai jahaan mein murdan-e-dushvaar kaa ek chaltaa vaar hai tegh-e-nigaah-e-yaar kaa naghma dilkash hai dushman andalib-e-zaar kaa hai qafas mein band honaa kholnaa minqaar kaa mast kuchh aisaa huun chashm-e-nim-e-mast-e-yaar kaa zarf khaali jaantaa huun saaghar-e-sarshaar kaa kyaa kahun kyaa haal hai mujh naa-tavaan-o-zaar kaa huun nigaah-e-vaapsin apni dil-e-bimaar kaa aasmaan phirtaa hai hasb-e-muddaa-e-muddai raah par laanaa ghazab hai aise kaj-raftaar kaa bal be-bad-khui mizaaj-e-yaar mein sau bal paDe ek bal niklaa jo taar-e-gesu-e-kham-daar kaa dast-e-saaqi par lagaae aankh rahtaa hai mudaam jaam-e-mai hai dida-e-hasrat kisi mai-khvaar kaa kis qadar bashshaash hai asraar se khaali nahin rang meraa uD gayaa munh dekh kar sofaar kaa main giraftaar-e-vafaa huun chhuT ke jaaungaa kahaan baal baandhaa chor huun har taar-e-zulf-e-yaar kaa koi ik gardish to ho aisi bhi haan ai chashm-e-yaar shaikh puchhe mujh se rasta khaana-e-khummar kaa vaah re qismat ki vo mere muqaddar mein paDaa aah ne jo bal nikaalaa charkh-e-kaj-raftaar kaa le chalo vaaiz ko haathon-haath uThaae mai-kasho paasbaan chal kar banaa do khaana-e-khummar kaa jaan sunne vaalon ki vaaiz labon par aa gai vaah kyaa kahnaa hai hazrat aap ki guftaar kaa hai jo uftaadon se kuchh nafrat to nafrat hi sahi kyuun zamin par gir paDaa saaya teri divaar kaa shakl-e-marham dekh kar Dartaa hai meraa zakhm-e-dil khol kar aankh apni dekhaa hai jo munh sofaar kaa naala mere lab pe aataa hai jo sau sau naaz se koi partav le uDaa shaayad tiri raftaar kaa ye to zaahir hai ki vasl un kaa kahaan aur ham kahaan lekin is paighaam mein kuchh lutf hai takraar kaa dil ko le jaa mujh se yaa to aap le yaa baanT de par ye hissa hai teri gesu ke ik ik taar kaa al-amaan us burrish-e-tegh-e-nazar se al-amaan maanti hai barq bhi lohaa teri talvaar kaa haath sambhlaa rakhiyo ai mashshaata-e-jaadu-taraaz ik jahaan-e-dil hai basta turra-e-tarraar kaa huun to divaana vale hushyaari-e-matlab to dekh sar bhi phoDaa DhunD kar patthar tiri divaar kaa kuchh idhar se arz matlab aur udhar se kuchh nahin ik judaagaana mazaa hai vasl mein takraar kaa kitnaa gustaakhi se khinchaa hai tujhe aaghosh mein main gale kaa haar huun tere gale ke haar kaa kyuun nahin girtaa mire aafat-zadon par haae haae aasmaan bhi hai magar saaya tiri divaar kaa chhu gai kaafir havaa kis ki nigaah-e-garm se phuul kumlaayaa huaa hai kuchh gul-e-rukhsaar kaa milti hai aakhir ko kuchh kaifiyat-e-soz-o-gudaaz saaiqa hissa hai pahlaa taalib-e-didaar kaa ek jalva par chamak uThti hai sab aqlim-e-ishq kaun aalam hai hamaare dida-e-bedaar kaa aasmaan rakhtaa hai aankhein mehr-o-mah se us se puchh kaun aalam hai hamaare dida-e-bedaar kaa husn mein khud-raftagi hai to nahin maane hijaab bu-e-gul ko phaandnaa kyaa baagh ki divaar kaa vo hi apni chaal hai koi mare koi jiye le uDe saaraa chalan tum charkh-e-kaj-raftaar kaa naakhun-e-shamshir-e-qaatil ko duaa dete hain ham uqda kholaa khuub 'anvar' murdan-e-dushvaar kaa"

"un se ham lau lagaae baiThe hain aag dil mein dabaae baiThe hain vo jo gardan jhukaae baiThe hain hashr kyaa kyaa uThaae baiThe hain tere kuche ke baiThne vaale apni hasti miTaae baiThe hain zor bal uf-re is nazaakat par khalq kaa dil dukhaae baiThe hain kyuun uThein un ki bazm se aghyaar rang apnaa jamaae baiThe hain kuchh nahin khaak-e-dasht-e-ulfat mein ham bahut khaak uDaae baiThe hain ham nahin aap mein khushi se ki vo ghar mein mehmaan aae baiThe hain kyuun na phailaaein paaon bazm mein ghair aap ke sar chaDhaae baiThe hain jang-ju vo milaap mein bhi rahe mujh se aankhein laDaae baiThe hain dil ke khoTe hain sab ye sim-andaam khuub ham aazmaae baiThe hain husn-e-nazzaara-soz hai parda go vo parda uThaae baiThe hain us ki aariz se ru-kashi kaisi gul pe ham khaar khaae baiThe hain jiite hain naam ko vagarna ham ishq mein ji khapaae baiThe hain haar dekhaa bhi khun-e-aashiq kaa aap aur sar jhukaae baiThe hain kyuun ki bigDaa huaa unhein kahiye bigDe aur munh banaae baiThe hain ji churaanaa aur us pe haae sitam aap aankhein churaae baiThe hain sharm bhi ik tarah ki chori hai vo badan ko churaae baiThe hain jo ki baiThe hain un ki pesh-e-nigaah maut aane ki jaae baiThe hain dekh saaqi ko apne dariyaa-dil zarf-e-mai-kash baDhaae baiThe hain us ke dar se lagaa ke maqtal tak jaan fidaa jaae jaae baiThe hain ghair baaton se aur ham aankhon se ek tufaan uThaae baiThe hain hai ye raushan ki hai hijaab mein chaand aap kyaa munh chhupaae baiThe hain is khushi mein hinaa lagaate hain ki miraa khuun bahaae baiThe hain jaantaa huun ki qatl par mere aap beDaa uThaae baiThe hain mere dil soz ban ke yaar mire muft ji ko jalaae baiThe hain kyaa sikhaaegaa un ko zulm-e-falak khud vo sikhe-sikhaae baiThe hain hai jahaan is se faizyaab 'anvar' jis ke dar par ham aae baiThe hain"

"hai bhi aur phir nazar nahin aati dhyaan mein vo kamar nahin aati mukhtasar haal-e-dard-e-dil ye hai maut ai chaara-gar nahin aati niind kaa kaam garche aanaa hai meri aankhon mein par nahin aati be-tarah paDti hai nazar un ki khair dil ki nazar nahin aati jaan deni to ham ko aati hai dil ko taskin agar nahin aati un kaa aanaa to ek aanaa hai maut bhi vaqt par nahin aati 'anvar' is shab ki dekh lo taakhir subh hoti nazar nahin aati"

"yusuf-e-husn kaa husn aap kharidaar rahaa pahle bazaar-e-azal misr kaa baazaar rahaa bismil-e-naaz rahaa Kushta-e-raftaar rahaa zindagi bhar mujhe marne se sarokaar rahaa jurm-e-naa-karda uqubat kaa sazaa-vaar rahaa shaikh sarshaar-e-siyah masti-e-pindaar rahaa parda-e-chashm jo paas-e-adab-e-yaar rahaa main rahaa saamne tu bhi pas-e-divaar rahaa dil ye shaadi-e-jaraahat se huaa baalida ki tiraa tiir yahaan taa-lab-e-sufaar rahaa gir ke nazron se tiri phir na zamin se uTThaa main subuk bhi jo huaa tu bhi giraan-baar rahaa aaj hi aaj hai fardaa-e-qayaamat maujud do ghaDi aur jo hangaama-e-raftaar rahaa tuur tu barq-e-tajalli se huaa khaakistar aur main sokhta-e-hasrat-e-didaar rahaa rahm us saada-dili par ki miraa zakhm-e-jigar ghair se chaara-o-darmaan kaa talabgaar rahaa main vo ik mujrim-e-taazir talab huun ki sadaa badle dushman ke uqubat kaa sazaa-vaar rahaa bas-ki dil mein rahi ik kashmakash yaas-o-ummid dard jo dil mein rahaa jaan se bezaar rahaa ab vo fardaa bhi nahin roz ki taskin ke liye ab faqat hashr hi par vaada-e-didaar rahaa pi bhi jaa shaikh ki saaqi ki inaayat hai sharaab main tire badle qayaamat mein gunahgaar rahaa khush huun chup rahne se un ke dam-e-paighaam-e-visaal ki ye inkaar to kuchh shaamil-e-iqraar rahaa sar pe phirtaa hi rahaa aur na giraa mujh pe kabhi aasmaan ban ke tiraa saaya-e-divaar rahaa garche kyaa kuchh the magar aap ko kuchh bhi na ginaa ishq-e-barham zan-e-kaashaana-e-pindaar rahaa tum ne yuun ghar mein to kyaa kuchh na uThaae fitne ik qayaamat kaa uThaanaa sar-e-baazaar rahaa haae vo chashm ki dekhe tujhe sargarm-e-adaa vaae vo dil ki tiraa mahram-e-asraar rahaa main rahaa bhi to rahaa khaar ki surat ki sadaa teri nazron mein subuk-dil pe tire yaar rahaa chashm par nashsha-e-saaqi jo rahi aks-fagan chuur masti se har ik saaghar-e-sarshaar rahaa huun mein vo jins ki huun raunaq-e-baazaar-e-kasaad huun vo saudaa ki kharidaar bhi bezaar rahaa kuchh khabar hoti to main apni khabar kyuun rakhtaa ye bhi ik be-khabari thi ki khabar-daar rahaa thak ke baiThe ho dar-e-saumaa par kyaa 'anvar' do-qadam aur ki ye khaana-e-khummaar rahaa"

"na main samjhaa na aap aae kahin se pasina pochhiye apni jabin se chali aati hai honTon par shikaayat nadaamat Tapki paDti hai jabin se agar sach hai hasinon mein talavvun to hai ummid-e-vasl un ki nahin se kahaan ki dil-lagi kaisi mohabbat mujhe ik laag hai jaan-e-hazin se idhar laao zaraa dast-e-hinaai pakaD dein chor dil kaa ham yahin se junun mein is ghazab ki khaak uDaai banaayaa aasmaan ham ne zamin se vahaan aashiq-kushi hai ain-imaan unhein kyaa bahs 'anvar' kufr-o-din se"

"ham khaak-nashinon pe tum ilhaami 'ataa ho jaise kisi majzub ki maqbul du'aa ho le aao koi misr se mahbub kaa kurtaa taaki miri aankhon kaa diyaa phir se haraa ho is dhaj se manaane kaa hunar us ko hai haasil main phir se manaaungaa chalo phir se khafaa ho duniyaa mein hasin laakh hain par tum se nahin hain goyaa tumhein qudrat ne bhi fursat mein bunaa ho aao kabhi sahraa mein to ban jaae vo gulshan is mausam-e-naumid mein paighaam-e-ziyaa ho nikle hai du'aa dil se mire ye hi musalsal gunje jo mire ghar mein faqat teri sadaa ho hai un kaa bulaavaa mujhe aise ki ye goyaa sarkaar ke darbaar se ye hukm milaa ho ye chizein zaruri hain takhayyul ko hamaare ik jaam sar-e-shaam ho aur baad-e-sabaa ho kuchh nukta-varon se bhi abhi tai na huaa ye kyaa raaz tumhaaraa hai ki tum kaun ho kyaa ho ai kaash ki mujh ko bhi 'ataa ho vo haqiqat bas main huun miraa yaar ho aur ghaar-e-hiraa ho tum asl mein kyaa ho ye 'ayaan kyon nahin karte sultaan ho mahbub ho but ho yaa khudaa ho"

"jaane se tere mujh pe ye kaisaa asar paDaa sadiyon kaa jaise ho koi viraan ghar paDaa qissa kai sadi kaa phir aankhon mein aa gayaa gaanv ke raaste pe jo buDhaa shajar paDaa sunte hain chaand taare hain puure 'uruj par hujre mein aasmaan magar be-khabar paDaa ik saanahe ne mujh se liyaa chhin mujh ko yuun khud ko bhi DhunDhnaa mujhe phir dar-ba-dar paDaa itni tavil thi shab-e-yaldaa ki jis ke baa'd aakhir pe daura dil kaa hi vaqt-e-sahar paDaa kyaa kyaa sunaaein dil kaa hai ye qissa mukhtasar dahliz-e-yaar par rahaa hai 'umr bhar paDaa"

"jab bhi taqdir kaa halkaa saa ishaara hogaa aasmaan par kahin meraa bhi sitaara hogaa dushmani niind se kar ke huun pashemaani mein kis tarah ab mire khvaabon kaa guzaara hogaa muntazir jis ke liye ham hain kai sadiyon se jaane kis daur mein vo shakhs hamaaraa hogaa main ne palkon ko chamakte hue dekhaa hai abhi aaj aankhon mein koi khvaab tumhaaraa hogaa dil parastaar nahin apnaa pujaari bhi nahin devtaa koi bhalaa kaise hamaaraa hogaa tez-rau apne qadam ho gae patthar kaise kaun hai kis ne mujhe aise pukaaraa hogaa"

"meri palkon ki dahliz par is tarah mere ashkon na tum jagmagaate raho kaifiyat dil ki zaahir kisi par na ho gham khushi ki jhalak mein chhupaate raho Dagmagaane na do hauslon ke qadam apni himmat kaa rakhnaa hai tum ko bharam bijliyaan aashiyaana jalaati rahein tum nayaa aashiyaana banaate raho kar dein viraan na ye amn ki bastiyaan bughz-o-nafrat ki ye sar-phiri aandhiyaan in ko rakhnaa hai tum ko jo auqaat mein tum charaagh-e-mohabbat jalaate raho kyaa khabar kyaa hain aisi bhi majburiyaan baDh gaiin khuni rishton mein bhi duriyaan dosto ye taqaazaa hai haalaat kaa duriyaan tum dilon ki miTaate raho sar kaTe yaa rahe is kaa gham na karo zulm ke saamne tum kahin na jhuko jo ghalat hai tum us ki mazammat karo aur aavaaz-e-haq bhi uThaate raho ji lo khud ke liye kuchh nahin faaeda zindagi kaa hai 'aalam' yahi qaa'eda maqsad-e-zindagi hogaa haasil tumhein dusron ke sadaa kaam aate raho"

"chupke chupke yaad ye kis ki aai hai dard mein Duubi aaj miri tanhaai hai jis ne kiyaa barbaad hamaare gulshan ko ghair nahin hai vo apnaa hi bhaai hai kaun hai apnaa kaun paraayaa kaisi vafaa sach kahne mein apni hi rusvaai hai apni gharaz ke bande hain sab log yahaan sab kaa maqsad jag mein khud-aaraai hai kis ki hui hai jo teri meri hogi ye duniyaa to yug yug se harjaai hai lauT ke pichhe jaanaa bhi hai naa-mumkin aage dushman pichhe gahri khaai hai unchi unchi baatein kyon kartaa hai 'majid' sasti shohrat kaa tu bhi shaidaai hai"

"aarzu ko salaam karte hain dil kaa qissa tamaam karte hain aa sakegaa na lab pe raaz-e-ishq husn kaa ehtiraam karte hain is fareb-e-khayaal ke sadqe aap mujh se kalaam karte hain ai falak kuchh to chain lene de do ghaDi ko maqaam karte hain khaak bhi ab nahin shahidon ki kyuun vo azm-e-khiraam karte hain sab hi dete hain jaan yuun 'kaifi' aap kyaa aisaa kaam karte hain"