"yusuf-e-husn kaa husn aap kharidaar rahaa pahle bazaar-e-azal misr kaa baazaar rahaa bismil-e-naaz rahaa Kushta-e-raftaar rahaa zindagi bhar mujhe marne se sarokaar rahaa jurm-e-naa-karda uqubat kaa sazaa-vaar rahaa shaikh sarshaar-e-siyah masti-e-pindaar rahaa parda-e-chashm jo paas-e-adab-e-yaar rahaa main rahaa saamne tu bhi pas-e-divaar rahaa dil ye shaadi-e-jaraahat se huaa baalida ki tiraa tiir yahaan taa-lab-e-sufaar rahaa gir ke nazron se tiri phir na zamin se uTThaa main subuk bhi jo huaa tu bhi giraan-baar rahaa aaj hi aaj hai fardaa-e-qayaamat maujud do ghaDi aur jo hangaama-e-raftaar rahaa tuur tu barq-e-tajalli se huaa khaakistar aur main sokhta-e-hasrat-e-didaar rahaa rahm us saada-dili par ki miraa zakhm-e-jigar ghair se chaara-o-darmaan kaa talabgaar rahaa main vo ik mujrim-e-taazir talab huun ki sadaa badle dushman ke uqubat kaa sazaa-vaar rahaa bas-ki dil mein rahi ik kashmakash yaas-o-ummid dard jo dil mein rahaa jaan se bezaar rahaa ab vo fardaa bhi nahin roz ki taskin ke liye ab faqat hashr hi par vaada-e-didaar rahaa pi bhi jaa shaikh ki saaqi ki inaayat hai sharaab main tire badle qayaamat mein gunahgaar rahaa khush huun chup rahne se un ke dam-e-paighaam-e-visaal ki ye inkaar to kuchh shaamil-e-iqraar rahaa sar pe phirtaa hi rahaa aur na giraa mujh pe kabhi aasmaan ban ke tiraa saaya-e-divaar rahaa garche kyaa kuchh the magar aap ko kuchh bhi na ginaa ishq-e-barham zan-e-kaashaana-e-pindaar rahaa tum ne yuun ghar mein to kyaa kuchh na uThaae fitne ik qayaamat kaa uThaanaa sar-e-baazaar rahaa haae vo chashm ki dekhe tujhe sargarm-e-adaa vaae vo dil ki tiraa mahram-e-asraar rahaa main rahaa bhi to rahaa khaar ki surat ki sadaa teri nazron mein subuk-dil pe tire yaar rahaa chashm par nashsha-e-saaqi jo rahi aks-fagan chuur masti se har ik saaghar-e-sarshaar rahaa huun mein vo jins ki huun raunaq-e-baazaar-e-kasaad huun vo saudaa ki kharidaar bhi bezaar rahaa kuchh khabar hoti to main apni khabar kyuun rakhtaa ye bhi ik be-khabari thi ki khabar-daar rahaa thak ke baiThe ho dar-e-saumaa par kyaa 'anvar' do-qadam aur ki ye khaana-e-khummaar rahaa"
یوسف حسن کا حسن آپ خریدار رہا پہلے بازار ازل مصر کا بازار رہا بسمل ناز رہا کشتۂ رفتار رہا زندگی بھر مجھے مرنے سے سروکار رہا جرم نا کردہ عقوبت کا سزا وار رہا شیخ سرشار سیہ مستیٔ پندار رہا پردۂ چشم جو پاس ادب یار رہا میں رہا سامنے تو بھی پس دیوار رہا دل یہ شادئ جراحت سے ہوا بالیدہ کہ ترا تیر یہاں تا لب سوفار رہا گر کے نظروں سے تری پھر نہ زمیں سے اٹھا میں سبک بھی جو ہوا تو بھی گراں بار رہا آج ہی آج ہے فردائے قیامت موجود دو گھڑی اور جو ہنگامۂ رفتار رہا طور تو برق تجلی سے ہوا خاکستر اور میں سوختۂ حسرت دیدار رہا رحم اس سادہ دلی پر کہ مرا زخم جگر غیر سے چارہ و درماں کا طلب گار رہا میں وہ اک مجرم تعذیر طلب ہوں کہ سدا بدلے دشمن کے عقوبت کا سزاوار رہا بسکہ دل میں رہی اک کشمکش یاس و امید درد جو دل میں رہا جان سے بیزار رہا اب وہ فردا بھی نہیں روز کی تسکیں کے لیے اب فقط حشر ہی پر وعدۂ دیدار رہا پی بھی جا شیخ کہ ساقی کی عنایت ہے شراب میں ترے بدلے قیامت میں گنہ گار رہا خوش ہوں چپ رہنے سے ان کے دم پیغام وصال کہ یہ انکار تو کچھ شامل اقرار رہا سر پہ پھرتا ہی رہا اور نہ گرا مجھ پہ کبھی آسماں بن کے ترا سایۂ دیوار رہا گرچہ کیا کچھ تھے مگر آپ کو کچھ بھی نہ گنا عشق برہم زن کاشانۂ پندار رہا تم نے یوں گھر میں تو کیا کچھ نہ اٹھائے فتنے اک قیامت کا اٹھانا سر بازار رہا ہائے وہ چشم کہ دیکھے تجھے سرگرم ادا وائے وہ دل کہ ترا محرم اسرار رہا میں رہا بھی تو رہا خار کی صورت کہ سدا تیری نظروں میں سبک دل پہ ترے یار رہا چشم پر نشہ ساقی جو رہی عکس فگن چور مستی سے ہر اک ساغر سرشار رہا ہوں میں وہ جنس کہ ہوں رونق بازار کساد ہوں وہ سودا کہ خریدار بھی بیزار رہا کچھ خبر ہوتی تو میں اپنی خبر کیوں رکھتا یہ بھی اک بے خبری تھی کہ خبردار رہا تھک کے بیٹھے ہو در صومعہ پر کیا انورؔ دو قدم اور کہ یہ خانۂ خمار رہا
यूसुफ़-ए-हुस्न का हुस्न आप ख़रीदार रहा पहले बाज़ार-ए-अज़ल मिस्र का बाज़ार रहा बिस्मिल-ए-नाज़ रहा कुश्ता-ए-रफ़्तार रहा ज़िंदगी भर मुझे मरने से सरोकार रहा जुर्म-ए-ना-कर्दा उक़ूबत का सज़ा-वार रहा शैख़ सरशार-ए-सियह मस्ती-ए-पिंदार रहा पर्दा-ए-चश्म जो पास-ए-अदब-ए-यार रहा मैं रहा सामने तू भी पस-ए-दीवार रहा दिल ये शादी-ए-जराहत से हुआ बालीदा कि तिरा तीर यहाँ ता-लब-ए-सूफ़ार रहा गिर के नज़रों से तिरी फिर न ज़मीं से उट्ठा मैं सुबुक भी जो हुआ तू भी गिराँ-बार रहा आज ही आज है फ़र्दा-ए-क़यामत मौजूद दो घड़ी और जो हंगामा-ए-रफ़्तार रहा तूर तू बर्क़-ए-तजल्ली से हुआ ख़ाकिस्तर और मैं सोख़्ता-ए-हसरत-ए-दीदार रहा रहम उस सादा-दिली पर कि मिरा ज़ख़्म-ए-जिगर ग़ैर से चारा-ओ-दरमाँ का तलबगार रहा मैं वो इक मुजरिम-ए-ताज़ीर तलब हूँ कि सदा बदले दुश्मन के उक़ूबत का सज़ा-वार रहा बस-कि दिल में रही इक कश्मकश यास-ओ-उम्मीद दर्द जो दिल में रहा जान से बेज़ार रहा अब वो फ़र्दा भी नहीं रोज़ की तस्कीं के लिए अब फ़क़त हश्र ही पर वा'दा-ए-दीदार रहा पी भी जा शैख़ कि साक़ी की इनायत है शराब मैं तिरे बदले क़यामत में गुनहगार रहा ख़ुश हूँ चुप रहने से उन के दम-ए-पैग़ाम-ए-विसाल कि ये इंकार तो कुछ शामिल-ए-इक़रार रहा सर पे फिरता ही रहा और न गिरा मुझ पे कभी आसमाँ बन के तिरा साया-ए-दीवार रहा गरचे क्या कुछ थे मगर आप को कुछ भी न गिना इश्क़-ए-बरहम ज़न-ए-काशाना-ए-पिंदार रहा तुम ने यूँ घर में तो क्या कुछ न उठाए फ़ित्ने इक क़यामत का उठाना सर-ए-बाज़ार रहा हाए वो चश्म कि देखे तुझे सरगर्म-ए-अदा वाए वो दिल कि तिरा महरम-ए-असरार रहा मैं रहा भी तो रहा ख़ार की सूरत कि सदा तेरी नज़रों में सुबुक-दिल पे तिरे यार रहा चश्म पर नश्शा-ए-साक़ी जो रही अक्स-फ़गन चूर मस्ती से हर इक साग़र-ए-सरशार रहा हूँ में वो जिंस कि हूँ रौनक़-ए-बाज़ार-ए-कसाद हूँ वो सौदा कि ख़रीदार भी बेज़ार रहा कुछ ख़बर होती तो मैं अपनी ख़बर क्यूँ रखता ये भी इक बे-ख़बरी थी कि ख़बर-दार रहा थक के बैठे हो दर-ए-सौम'अ पर क्या 'अनवर' दो-क़दम और कि ये ख़ाना-ए-ख़ु़म्मार रहा
"hai bhi aur phir nazar nahin aati dhyaan mein vo kamar nahin aati mukhtasar haal-e-dard-e-dil ye hai maut ai chaara-gar nahin aati niind kaa kaam garche aanaa hai meri aankhon mein par nahin aati be-tarah paDti hai nazar un ki khair dil ki nazar nahin aati jaan deni to ham ko aati hai dil ko taskin agar nahin aati un kaa aanaa to ek aanaa hai maut bhi vaqt par nahin aati 'anvar' is shab ki dekh lo taakhir subh hoti nazar nahin aati"
Anwar Dehlvi"na main samjhaa na aap aae kahin se pasina pochhiye apni jabin se chali aati hai honTon par shikaayat nadaamat Tapki paDti hai jabin se agar sach hai hasinon mein talavvun to hai ummid-e-vasl un ki nahin se kahaan ki dil-lagi kaisi mohabbat mujhe ik laag hai jaan-e-hazin se idhar laao zaraa dast-e-hinaai pakaD dein chor dil kaa ham yahin se junun mein is ghazab ki khaak uDaai banaayaa aasmaan ham ne zamin se vahaan aashiq-kushi hai ain-imaan unhein kyaa bahs 'anvar' kufr-o-din se"
Anwar Dehlvi"ashk betaab va nigah be-baak va chashm-e-tar kharaab chashm-e-binaa se agar dekho to ghar kaa ghar kharaab girya be-taasir o fariyaad-e-dil-e-muztarib kharaab kaar-e-ishq-o-aashiqi naaqis tamaam aksar kharaab ik hamaaraa naam jo pahunche na teri bazm tak ik hamaari khaak hai jo phirti hai dar dar kharaab hai adab se nutq band ab kyaa bayaan ho muddaaa pahle hi yahaan ho chukaa guftaar kaa daftar kharaab dil kharaab aur sab havaa-o-hirs-e-dil bekaar hai hai fazaa-e-dahr mein haal-e-but-o-but-gar kharaab jaan hi jaati hai guftaar-e-shakar-aalud par bul-havas se niyyat-e-aashiq hai kuchh baDh kar kharaab shab-e-adu ke saath din ko mujh se chhupte phirte ho al-gharaz phirte ho yuun hi raat-bhar din-bhar kharaab dil kharaabaat-e-mughaan se ham uThaa sakte nahin ho gae is khaak-daan mein chaar din rah kar kharaab phoDnaa sar kaa hi aa Thahraa to laakhon sang hain kijiye kyuun aastaan-e-yaar kaa patthar kharaab jo muqaabil mein balaa aae vo maujud us mein hai dil huaa apnaa safaa se aaina ban kar kharaab ik sanam ke haath bik jaataa na phirtaa dar-ba-dar but-faroshi se huaa hai kis qadar aazar kharaab lutf-e-saaqi aam thaa par vaa-e-bakht andalib jaam-e-gil bekaar niklaa saaghar-e-abhar kharaab mere dil mein ek dam aate nahin misl-e-muraad ho gae aghyaar ki aankhon mein tum rah kar kharaab tum kisi vaada se phir jaao ki ho jaaun tamaam ho agar phirne mein mere halq par khanjar kharaab munharif ham dekhte hain kuchh nigaah-e-tez tez kis rag-e-jaan se huaa hai ye sar-e-nashtar kharaab aarzu-e-qatl bar aai to kyaa bar aai khaak kuchh yahaan qismat buri kuchh vahaan dam-e-khanjar kharaab yuun kharaabaat-e-mughaan bhi hai kharaab-e-rozgaar lekin us se bhi hai kuchh teraa dil-e-'anvar' kharaab"
Anwar Dehlvi"nazar aae kyaa mujh se faani ki surat ki pinhaan huun dard-e-nihaani ki surat banaa huun vo main naa-tavaani ki surat ghazab hi khichi be-nishaani ki surat khamoshi jo hai jqtizaa-e-tabiat to un ko mili be-dahaani ki surat nazar aae kyaa jalva-e-husn baaqi ki parda hai duniyaa-e-faani ki surat tum aur zikr-e-aghyaar par chup rahoge kahe deti hai be-dahaani ki surat hamaare gale par to chalti dikhaao kahaan tegh mein hai ravaani ki surat qayaam apnaa us kucha mein paa-bigul hai mile khaak mein ham to paani ki surat gudaaz-e-dil-e-tishna kaa maan ghazab hai vo khanjar na bah jaae paani ki surat baraabar hai yahaan bud-o-naabud apni nishaan hai miraa be-nishaani ki surat araq-e-sharm se khaaksaari mein huun main huaa khaak bhi main to paani ki surat jo puchho to us chashm kaa dekhnaa hai vo hai gardish aasmaani ki surat Duboyaa mujhe aab mein sharm se vo khaDe hain mire sar pe paani ki surat numud apni vaaqe mein kuchh bhi nahin hai yahaan khvaab hai zindagaani ki surat vo dil ru-numaai mein lete hain pahle dikhaate hain jab jaan-sitaani ki surat mujhe kushta dekhaa to qaatil ne puchhaa yaqin hai yahaan bad-gumaani ki surat paDe mar ke miTne ko ham Thokaron mein magar kaT gai zindagaani ki surat zabaan par hai qaasid ki apni rasaai huaa huun payaam zabaani ki surat mujassam hi mauhum aane mein un ke nazar aati hai zindagaani ki surat tire vaade par ziist hai marg apni bahut hi baDhi naa-tavaani ki surat vo is shakl se meri baalin pe aae ki ik aafat-e-aasmaani ki surat nazar ban ke phirti hai aankhon mein apni kisi aalam-e-naujavaani ki surat na ho rashk to kijiye vahaan madh-e-dushman ki hai yaar ki raaz-daani ki surat mujhe dekho aur us ke vaa'de pe jiinaa ye hai zinda-e-jaavedaani ki surat vahaan bad-gumaani ki taa'rif kyaa ho yaqin ho jahaan bad-gumaani ki surat nazar-soz vo rukh vo inkaar behad magar hain vo ik lan-taraani ki surat dikhaate hain vo rakh se yuun naaz pinhaan ki alfaaz jaise ma'aani ki surat yahaan kyaa samaai dam-e-tegh qaatil ki nazron mein hai sakht jaani ki surat jo naqsh-e-fanaa hon to vo dil pe 'anvar' khinchi aur ik bad-gumaani ki surat"
Anwar Dehlvi"mohabbat ho to barq-e-jism-o-jaan ho vo aatish kyaa ki siine mein nihaan ho nahin ho aur phir kahne ko yaan ho harif-e-bad-gumaan ke ham-gumaan ho tahayyur-e-fart shauq-e-did se huun vahin mujh ko bhi dekho tum jahaan ho suni jaati ho jab mahshar mein rudaad to apni khatm kyunkar daastaan ho vo mustaghni sahi par dil gayaa hai jo phir ho to unhin par kuchh gumaan ho jo sach ho vaada-e-didaar un kaa to baaton mein qayaamat kyuun 'ayaan ho mujhe sar phoDne mein 'uzr kyaa hai magar un kaa hi hi sang-e-aastaan ho tumhein vo parda yahaan hai parda-daari mere dil mein nahin to phir kahaan ho rukaa jaataa hai dam siine mein kyaa kyaa gale par kaash khanjar saa ravaan ho chhupaae ham se kyaa kyaa raaz apne agar koi hamaaraa raaz-daan ho rahe kyuun talkhi-e-farhaad kaa zikr agar shirin ki shirin daastaan ho zulekhaa par na ho kyuun naazish-e-ishq ki jab yusuf mataa-e-kaarvaan ho 'adu khush khush hai kuchh kah kar sunaa hai na maanungaa kabhi tum be-dahaan ho milaa hai baiThe rahne kaa sahaaraa jahaan ho aur tumhaaraa aastaan ho usi mein faisla samjhaa huun dil kaa kahaan tak dekhiye zabt-e-fughaan ho yahaan baiThe ho par kuchh ukhDe ukhDe nazar milti nahin dil se kahaan huun saraapaa soz hai ulfat mein 'anvar' 'ajab kyaa hai agar aatish-zabaan ho"
Anwar Dehlvi"aankhein dikhaain ghair ko meri khataa ke saath matlab adaa vo karte hain aur kis adaa ke saath shokhi nigah ke saath taghaaful jafaa ke saath ushshaaq par hujum-e-balaa hai balaa ke saath aakhir huaa na zabt shab-e-vasl muddai naala nikal gayaa miri lab se duaa ke saath tere sitam se mujh ko milaa mansab-e-kalim ik vajh-e-guftagu nikal aai khudaa ke saath teraa hijaab uThte hi aaya vo naa-gahaan dushman ke paaon khul gae band-e-qabaa ke saath mein kyaa ki dushmanon ki bhi qismat ulaT gai tirchhi adaaein aur teri baanki adaa ke saath raah-e-talab mein shauq ki manzur hai numud miTte qadam qadam pe chale rahnumaa ke saath yaarab ghalat ho fahm-e-kaj-andesh kaa gumaan kuchh kah rahaa hai in se adu iltijaa ke saath dete nahin kisi ko pata apne haal kaa begaana ban ke chalte hain har aashnaa ke saath mai be-talab mili to hui yaar ki talab bandon ke naaz bhi hain niraale khudaa ke saath josh-e-qalaq mein dekhiye kyaa maangtaa huun main yaaron ke dam nikalte hain meri duaa ke saath ghar se mujhe nikaalte rahiye par is tarah gah muddai ke saath gahe muddaaa ke saath kyuun shauq mein giraaiye saath apne shaan-e-ishq aghmaaz bhi zarur hai kuchh iltijaa ke saath kahtaa huun ye nasib na dushman ko ho firaaq aa main vo kahte jaate hain meri duaa ke saath lailaa kaa naam zinda hai ab tak jahaan mein tum bhi nibaah do kisi ahl-e-vafaa ke saath phirte hi us ki aankh ke vaabasta-tar havaa main dil ke saath dil nigah-e-fitna-zaa ke saath ham aalam-e-khayaal mein kuchh bhi na khush hue hai rashk-e-ghair yaad-e-lab-e-jaan-fazaa ke saath ab to baDaa khayaal teri ranjishon kaa hai mahshar mein dekh leinge khudaa ki khudaa ke saath kahtaa hai Dar ke haath vafaa se uThaa liyaa dushman ki baat ban gai meri duaa ke saath aataa hai bu-e-dost mein kaafir basaa huaa qaasid bhi ik raqib hai apnaa sabaa ke saath kyaa DhunDhte ho dahr mein 'anvar' jamaal-e-dost chande phiro chalo kisi mard-e-khudaa ke saath"
Anwar Dehlvi"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"
Irfan Sattar"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"
Irfan Sattar"nahin piitaa main par navaazish hui hai baDi mausamon ki sifaarish hui hai bahut din se sahraa ke jaisaa ye dil hai na baadal ghire hain na baarish hui hai yahaan hai bulandi jo kirdaar ki to vahaan khaal-o-khad ki numaaish hui hai tiri jhiil jaisi jo dekhi hain aankhein miri Duub jaane ki khvaahish hui hai chhalaktaa nahin khuun zakhmon se aise kahin naakhunon ki bhi kaavish hui hai hamein 'ishq mein mubtalaa kar rahe hain nazar aur dil mein ye saazish hui hai vahaan dushmanon ki baDi yaad aai jahaan doston ki navaazish hui hai vafaa-daariyon kaa sila mil rahaa hai hamaari sadaa aazmaaish hui hai pareshaaniyon mein jo ham mubtalaa hain yaqinan koi ham se laghzish hui hai vahin apni aankhon ko ham chhoD aae jahaan manzaron ki numaaish hui hai raqibon ko hai chhuT mahfil mein un ki mire aane jaane pe bandish hui hai ghazal kahnaa 'faaruq' main chhoD dungaa isi baat par un se ranjish hui hai"
Farooque Adil"jab se aayaa huun tere gaanv mein rang hi rang hain fazaaon mein aa ki dukh sukh ki koi baat karein baiTh kar shishamon ki chhaanv mein main bhi kartaa huun zabt ki koshish to bhi takhfif kar adaaon mein vo tiraa dafatan bichhaD jaanaa vo miraa dekhnaa khalaaon mein ho agar koi gosh-bar-aavaaz ik khamoshi bhi hai sadaaon mein yahi mere liye ghanimat hai saans le luun khuli fazaaon mein"
Rifat Sultan"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"
Arshad Jamal Sarim"phir bahaar aai hai phir josh mein saudaa hogaa zakhm-e-derinaa se phir khuun Tapaktaa hogaa biiti baaton ke vo naasur hare phir honge baat niklegi to phir baat ko rakhnaa hogaa yurishein kar ke umanD aaeingi suuni shaamein laakh bhaTkein kisi unvaan na saveraa hogaa ji ko samjhaaeinge matvaali havaa ke jhonke phir koi laakh sambhaale na sambhalnaa hogaa kaisi rut aai havaa chalti hai ji Doltaa hai ab to hansnaa bhi taDapne kaa bahaanaa hogaa TuuT jaaegaa ye laachaari-e-daaem kaa fusun aur is tarah ki jaise koi aataa hogaa dil dhaDakne ki sadaa aaegi sune-pan mein duur baadal kahin parbat pe garajtaa hogaa"
Mukhtar Siddiqui