be-khatar ranjish-e-dildaar uThaai jaae — Ali Ejaz Tamimi

"na shab kaa kuchh pata chale na din ki kuchh khabar lage main us nagar mein huun jahaan muhaafizon se Dar lage khudaa tire malang hain ye mast log tang hain yahaan pe kuchh sukun ho to ghar bhi apnaa ghar lage tabhi to ham ko saazishon ne sar ke bal giraa diyaa hami the bevaquf jo kisi ki aas par lage main hijr ke dayaar mein bhaTak bhaTak ke thak gayaa yahin kahin thiin manzilein yahin kahin the dar lage mujhe bhi us ke ishq par ho maan umr-bhar 'ali' main us kaa sirf us kaa huun use bhi umr-bhar lage"

"zabt ke qaafile phir bhi raahon mein the khvaab aankhon mein thaa aap baanhon mein the koi bichhDaa to phir hasbunallah kahaa gham ke maare tiri baargaahon mein the jheltaa kis tarah haakim-e-shahr gham tiir ashkon mein the tanz aahon mein the is liye bhi nahin jiit paayaa kabhi maat ke mashvare khair-khvaahon mein the ishq ke dar pe vaari gaiin azmatein kitne daaman-darida bhi shaahon mein the yaa-khudaa teri jannat to apni jagah kuchh maze bhi to the jo gunaahon mein the maan ne jaate hue thaa kahaa khair ho phir jahaan bhi gae ham panaahon mein the dekhnaa un kaa 'eajaaz' hai varna ham raushni mein khaDe ru-siyaahon mein the"

"jab se banaa liyaa tujhe parvardigaar yaar aati hai har taraf se sadaa yaar yaar yaar ye hijr ye firaaq hain qisse kahaaniyaan jaane kahaan gae hain sabhi duur paar yaar tu ham ko chhoD-chhaaD ke arshon pe jaa basaa ham ab bhi kar rahe hain tiraa intizaar yaar vo husn-e-be-misaal nazar aa gayaa mujhe dekhaa basaaraton se pare baar baar yaar vo dhaDkanon ki oT mein kartaa hai guftugu mujh mein basaa huaa hai mire aar-paar yaar daaman ko taar kar ke koi qais ho gayaa meri taraf bhi dekh badan taar-taar yaar jo ahlyaan-e-ishq the jaane kidhar gae ab to bache hain jhuuT ke qaul-o-qaraar yaar ai yaar dekh suratein viraan ho gaiin marne pe aa gae hain tire sogvaar yaar yaaraan-e-dardmand ne khushiyon ki di sadaa dekhaa gayaa na un se koi ashk-baar yaar 'eajaaz' vo judaa to huaa thaa gayaa nahin main roz mar rahaa huun magar qist-vaar yaar"

"ye umr thi na abhi hijr ke zamaane the mujhe to yaar abhi qahqahe lagaane the isi liye to chhupaae hain jaa ke miTTi mein vo log log nahin qimti khazaane the vahi judaai vahi duriyon kaa maatam hai jadid daur mein sadme vahi puraane the ghaDi ki ek suui hil nahin rahi jaise bichhaDte vaqt kaa lamha kai zamaane the jahaan-e-kun-fayakun mujh pe naaz kartaa thaa mire khudaa-o-payambar se dostaane the kanaar-e-aab thi suraj se dosti jis kaa yahaan pe aks kahin aur par Thikaane the ye kis ne raat ke baarah baje uThaayaa hai abhi to khvaab mujhe raushni ke aane the yahi bayaan hai phir amn tak laDeinge ham muraad ye ki abhi aur bam chalaane the tumhi ne call milaai nahin vagarna to bas ek phone pe ahbaab maan jaane the shikastagi se baDi pukhtagi milaani thi ye haadsaat kisi jiit ke bahaane the hamein to aur bhi 'eajaaz'-e-fan dikhaanaa thaa bahut se harf saraa-e-sukhan mein aane the"

"mohabbat hui to gumaan ho rahaa hai miri zindagi mein tumhaari kami thi nigaahon se qissa bayaan ho rahaa hai miri zindagi mein tumhaari kami thi piyaa jo dikhaa do vahi meri duniyaa sanam jo kaho tum vo hans ke karungi yahi qaul dil ki zabaan ho rahaa hai miri zindagi mein tumhaari kami thi khud hi hans rahaa huun khud hi ro rahaa huun yaqin ho chalaa hai tumhaaraa huaa huun huaa jo nahin thaa yahaan ho rahaa hai miri zindagi mein tumhaari kami thi khayaalon mein mere tumhi bas gae ho miri ruuh Tak mein tumhi rach gae ho miraa dil tumhaaraa makaan ho rahaa hai miri zindagi mein tumhaari kami thi miri raah mein shaam ki talkhiyaan thiin ye pur-kaif raatein kahaan par nihaan thiin andheraa ajab kahkashaan ho rahaa hai miri zindagi mein tumhaari kami thi main 'eajaaz' anmol ashaar kah kar ghazal likh rahaa huun tumhein yaar kah kar miraa har sukhan shaadmaan ho rahaa hai miri zindagi mein tumhaari kami thi"

"dariyaa-e-ishq jo thaa utar kar nahin rahaa baatin kaa haq-shanaas magar mar nahin rahaa achchhaa to aap khud hi rivaayat ko toD dein koi agar kisi kaa bhalaa kar nahin rahaa jazbaat is liye nahin phule phale kabhi dil yaad-e-ishq-e-yaar kaa mehvar nahin rahaa shaamil nahin hai yaar jo huraan-e-khuld mein ginti mein meri aaj se sattar nahin rahaa aise sitam-shiaar kaa bantaa nahin hai gham jo chhoDte hue bhi tujhe Dar nahin rahaa phir yuun huaa ki yaar ne divaar khinch di jo mushtarak thaa nakhl-e-sanobar nahin rahaa 'eajaaz' kam nahin ye fasurda-dili kaa bhi ham Dubne chale to samandar nahin rahaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"