biThaai jaaeingi parde mein bibayaan kab tak — Akbar Allahabadi

"fitna uTThe koi yaa ghaat mein dushman baiThe kaar-e-ulfat pe to ab hazrat-e-dil Than baiThe shaikh kaa'be mein kalisaa mein barahman baiThe ham to kuche mein tire maar ke aasan baiThe su-e-daulat nazar aai na jo raah-e-e'zaaz masnad-e-sabr-o-tavakkul hi pe ham tan baiThe huun main vo rind agar hashr mein mulzim Thahrun faisle ke liye huron kaa commission baiThe inqilaab-e-ravish-e-charkh ko dekh ai 'akbar' kal jo the dost mire aaj 'adu ban baiThe hind se aap ko hijrat ho mubaarak 'akbar' ham to gangaa hi pe ab maar ke aasan baiThe"

"rahaa kartaa hai murgh-e-fahm shaaki nai tahzib ke anDe hain khaaki chhuri se un ki kaTvaa kar falak ne khudaa jaane hamaari naak kyaa ki abhi engine gayaa hai is taraf se kahe deti hai taariki havaa ki rahi raat asia ghaflat mein soti nazar europe ki kaam apnaa kiyaa ki"

"muntashir zarron ko yakjaai kaa josh aaya to kyaa chaar din ke vaaste miTTi ko hosh aaya to kyaa aarzi hain mausam-e-gul ki ye saari mastiyaan laala gulshan mein agar saaghar-ba-dosh aaya to kyaa daur-e-aakhir bazm-e-duniyaa kaa hai jaam-e-khun-e-dil taish is mahfil mein ban kar baada-nosh aaya to kyaa hadd-e-hairat hi mein rakkhaa zo'f ne idraak ko paikar-e-khaaki ko is 'aalam mein hosh aaya to kyaa"

"jiine mein ye ghaflat fitrat ne kyon tab'-e-bashar mein daakhil ki marne ki musibat jaanon par kyon qudrat-e-haq ne naazil ki kyon tul-e-amal mein uljhaayaa insaan ne apne daaman ko kyon zulf-e-havas ke phande mein phansti hai tabi'at ghaafil ki kyon hijr ke sadme hote hain kyon murdon pe zinde rote hain kyon jang mein jaanein jaati hain kyon baDhti hai himmat qaatil ki mantiq kaa to daa'vaa ek taraf taaqat ki ye shokhi ek taraf kyaa farq hai khair-o-shar mein yahaan kyaa jaanch hai haqq-o-baatil ki"

"hasti ke shajar mein jo ye chaaho ki chamak jaao kachche na raho balki kisi rang mein pak jaao main ne kahaa qaail main tasavvuf kaa nahin huun kahne lage is bazm mein aao to thirak jaao main ne kahaa kuchh khauf collector kaa nahin hai kahne lage aa jaaein abhi vo to dubak jaao main ne kahaa varzish ki koi had bhi hai aakhir kahne lage bas is ki yahi had hai ki thak jaao main ne kahaa afkaar se pichhaa nahin chhuTtaa kahne lage tum jaanib-e-mai-khaana lapak jaao main ne kahaa 'akbar' mein koi rang nahin hai kahne lage she'r us ke jo sun lo to phaDak jaao"

"duniyaa mein huun duniyaa kaa talabgaar nahin huun baazaar se guzraa huun kharidaar nahin huun zinda huun magar ziist ki lazzat nahin baaqi har-chand ki huun hosh mein hushyaar nahin huun is khaana-e-hasti se guzar jaaungaa be-laus saaya huun faqat naqsh-ba-divaar nahin huun afsurda huun ibrat se davaa ki nahin haajat gham kaa mujhe ye zoaf hai bimaar nahin huun vo gul huun khizaan ne jise barbaad kiyaa hai uljhun kisi daaman se main vo khaar nahin huun yaa rab mujhe mahfuz rakh us but ke sitam se main us ki inaayat kaa talabgaar nahin huun go daava-e-taqvaa nahin dargaah-e-khudaa mein but jis se hon khush aisaa gunahgaar nahin huun afsurdagi o zoaf ki kuchh had nahin 'akbar' kaafir ke muqaabil mein bhi din-daar nahin huun"

"phulon mein ek rang hai aankhon ke niir kaa manzar tamaam-tar hai ye fasl-e-zamir kaa rishta vo kyaa huaa miri aankhon se niir kaa muddat hui hai haadsa dekhe zamir kaa paani utar gayaa to zamin sanglaakh thi tikhaa saa har savaal thaa raanjhe se hiir kaa teri azaan ke saath main uThtaa huun pau phaTe sar mein liye hue koi sajda asiir kaa dekhaa na doston ne imaarat ke us taraf puchhaa kabhi na haal kisi ne faqir kaa aaina gir paDaa thaa mire haath se kabhi phir yaad haadsa nahin koi zamir kaa sahraa-e-jism ruuh ke andar utar gayaa ab kyaa dikhaae mo'jiza insaan zamir kaa aansu ki ek buund ko aankhein taras gaiin is dhuup mein jhulas gayaa dohaa kabir kaa aadhaa falak ke paas thaa aadhaa zamin par main naa-tamaam khvaab thaa badr-e-munir kaa pakke huruf gard ki surat bikhar gae siine mein ghaav rah gayaa kachchi lakir kaa hoti raheingi baarishein 'ahmad' visaal ki khaali rahegaa jaam hamesha faqir kaa"

"tumhaari aur miri kaj-adaaiyaan hi rahin rahe jo paas to baaham laDaaiyaan hi rahin zi-bas-ki karte rahe be-kason pe tum bedaad sadaa gali mein tumhaari dohaaiyaan hi rahin hui na saaz miri us ki sohbat ik shab haae idhar se ijz udhar se rukhaaiyaan hi rahin daregh yaar se bichhDe to aise ham bichhDe ki taa-ba-roz-e-qayaamat judaaiyaan hi rahin ab us ke milne kaa kyaa lutf 'mushafi' baaham na vo suluk na vo aashnaaiyaan hi rahin"

"na doharaao mujhe us ki kami achchhi nahin lagti adhuri daastaan-e-zindagi achchhi nahin lagti chalo mil kar kaTe raste pe ham ik pul banaa Daalein hamein bhi guftugu ab duur ki achchhi nahin lagti ye kaisaa daur aaya hai ki apne ghar ke bachchon ko buzurgon ki ab achchhi baat bhi achchhi nahin lagti 'uruj-e-zindagi paayaa hai jis ne pal ke ghurbat mein usi insaan ko ab muflisi achchhi nahin lagti mujhe jab yaad aa jaataa hai manzar ghar ke jalne kaa charaaghon ki bhi 'aatish' raushni achchhi nahin lagti"

"faqih-e-shahr ki majlis se kuchh bhalaa na huaa ki us se mil ke mizaaj aur kaafiraana huaa abhi abhi vo milaa thaa hazaar baatein kiin abhi abhi vo gayaa hai magar zamaana huaa vo raat bhuul chuko vo sukhan na doharaao vo raat khvaab hui vo sukhan fasaana huaa kuchh ab ke aise kaDe the firaaq ke mausam tiri hi baat nahin main bhi kyaa se kyaa na huaa hujum aisaa ki raahein nazar nahin aatin nasib aisaa ki ab tak to qaafila na huaa shahid-e-shab faqat ahmad-'faraaz' hi to nahin ki jo charaagh-ba-kaf thaa vahi nishaana huaa"