chaaragaron ne baandh diyaa mujh ko bakht se — Ahmad Faqih

"main kyaa huun mujhe tum ne jo aazaar pe khinchaa duniyaa ne masihaaon ko bhi daar pe khinchaa zindon kaa to maskan bhi yahaan qabr-numaa hai murdon ko magar darja-e-autaar pe khinchaa vo jaataa rahaa aur main kuchh bol na paayaa chiDiyon ne magar shor saa divaar pe khinchaa kuchh bhi na bachaa shahr mein juz rone ki rut ke har shoala-e-aavaaz ko malhaar pe khinchaa yusuf kabhi nilaam huaa kartaa thaa lekin yusuf ko bhi is shahr ne hai daar pe khinchaa phuTe hain mere dil mein phir inkaar ke sote phir dil ne mujhe haalat-e-dushvaar pe khinchaa har shai ki haqiqat mein utar jaaein ab aankhein zulmat ne mujhe dida-e-bedaar pe khinchaa dukh aalam-e-insaan ke the jo vo chhupaae khat chaand ko sar karne kaa akhbaar pe khinchaa tum ne to 'faqih' apni anaa kas ke mujhe bhi paikaan ki tarah haalat-e-paikaar pe khinchaa"

"vaqt ke har ik naqsh kaa maani itnaa badlaa badlaa hogaa mere vahm-o-gumaan mein kab thaa ishq kaa manzar aisaa hogaa aaj mujhe apni aankhon se us ke qurb ki khushbu aai meri nazar se us ne shaayad apne-aap ko dekhaa hogaa lams ke is kore taalaab mein chaand kaa pahlaa aks tumhi ho kaise nur-jahaani sur mein kis kis se vo kahtaa hogaa subh sunahri kyuun hai itni shaam mein itni laali kyuun hai vaqt ne shaayad teri aankh ki shabnam se munh dhoyaa hogaa aaj main aaine mein apni surat tak pahchaan na paayaa soch rahaa huun mujh se ziyaada kaun is shahr mein tanhaa hogaa chhoD 'faqih' ye honi kaa sur anhoni ki taan lagaao honi mein hai koi hunar kyaa honi ko to honaa hogaa"

"khud hi sang-o-khisht khud hi sar-junun-e-sar huun main khud hi main nakhchir daana khud hi baal-o-par huun main muntazir huun ek qatre kaa jo de izn-e-safar jo tah-e-sahraa hai mahv-e-khvaab vo saagar huun main chaand ko aabaad kar lekin meri fikr-o-nazar dekh muddat se hai jo viraan paDaa vo ghar huun main itnaa saada-dil ki dard-e-dil ke haq mein jaan duun par dar-e-kaa'ba na jaaun is qadar khud-sar huun main is qadar vahshi ki khud pi jaaun apnaa khun-e-dil itnaa shaaista ki shahr-e-'ishq kaa dilbar huun main tishna-lab par kuchh adab vaajib nahin dariyaaon kaa ye sabab hai jo rivaayat se khaDaa baahar huun main chiyunTiyon ke reingne ki bhi sadaa aae jahaan itne chup sahme nagar mein zarb aahan-gar huun main is qadar tanhaa ki Dar jaataa huun apni saans se itnaa pechida ki apni zaat mein lashkar huun main saans aati bhi nahin aur jaan se jaati bhi nahin hijr baahar thaa to hijrat dard ke andar huun main chand ghaDiyaan aur hai ye habs kaa mausam 'faqih' rukh havaa kaa dekh saktaa hai jo dida-var huun main"

"kaun si divaaron se main Takraayaa na vaqt se aage lekin main jaa paayaa na saare aqide habs ke maabad hain jin mein kabhi havaa kaa jhonkaa tak bhi aayaa na us ki yaad mein saari umr ganvaa baiThaa meraa kabhi khayaal bhi jis ko aayaa na us ne jab sannaaTe ki divaar chuni tum ne bhi to us dam shor machaayaa na jaane us ke lahje mein kyaa jaadu thaa kisi ne us ki baaton ko jhuThlaayaa na bas ik kaabe kaa patthar hi bachaa 'faqih' varna mujh par kaun saa patthar aayaa na"

"sadiyon ke andhere mein utaaraa kare koi suraj ko kisi roz hamaaraa kare koi ik khauf saa bas ghumtaa rahtaa hai saron mein duniyaa kaa mire ghar se nazaara kare koi rangon kaa tasavvur bhi uDaa aankh se ab to is shahr mein ab kaise guzaaraa kare koi yuun dard ne ummid ke laD se mujhe baandhaa dariyaaon ko jis tarah kinaaraa kare koi indhan se huaa jin ke safar chaand kaa mumkin un ke bhi to chulhe ko sanvaaraa kare koi raaton ki hukumat mein mire khvaab kaa taaraa jiine ke liye jaise ishaaraa kare koi ye aaj bhi apnaa hai 'faqih' is kaa bhi socho kis tak yunhi yaadon ko sahaaraa kare koi"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"shab ki taarik raahdaari hai aur miraa khauf iztiraari hai sabz khvaabon ki kam se kam qimat zindagi bhar ki ashk-baari hai ik musallat-shuda tamaddun ko ye na kahiye ki ikhtiyaari hai shash-jihaati mushaahida hai miyaan tajrabon ki sanad pe bhaari hai shukriya aap ki mohabbat kaa dil kaa maqsum sogvaari hai tajziye sun ke muskuraa denaa apni itni hi zimmedaari hai"

"ye hai mai-kada yahaan rind hain yahaan sab kaa saaqi imaam hai ye haram nahin hai ai shaikh ji yahaan paarsaai haraam hai jo zaraa si pi ke bahak gayaa use mai-kade se nikaal do yahaan tang-nazar kaa guzar nahin yahaan ahl-e-zarf kaa kaam hai koi mast hai koi tishna-lab to kisi ke haath mein jaam hai magar is pe koi kare bhi kyaa ye to mai-kade kaa nizaam hai ye janaab-e-shaikh kaa falsafa hai 'ajib saare jahaan se jo vahaan piyo to halaal hai jo yahaan piyo to haraam hai tujhe apne husn kaa vaasta mere shauq-e-did pa rahm khaa zaraa muskuraa ke naqaab uThaa ki nazar ko shauq-e-salaam hai na sunnaa to huur o qusur ki ye hikaayatein mujhe vaa'izaa koi baat kar dar-e-yaar ki dar-e-yaar hi se to kaam hai na to e'tikaaf se kuchh gharaz na savaab-o-zuhd se vaasta tiri diid aisi namaaz hai na sujud hai na qayaam hai ye durust ki 'aib hai mai-kashi ye ba-jaa ki baada haraam hai magar ab savaal ye aa paDaa ki tumhaare haath mein jaam hai jo uThi to subh-e-davaam thi jo jhuki to shaam hi shaam thi tiri chashm-e-mast mein saaqiyaa miri zindagi kaa nizaam hai miraa farz hai ki paDaa rahun tiri baargaah mein saaqiyaa koi tishna-lab hai ki sair hai yahi dekhnaa tiraa kaam hai isi kaaenaat mein ai 'jigar' koi inqalaab uThegaa phir ki buland ho ke bhi aadmi abhi khvaahishon kaa ghulaam hai"