dard-e-dil ki davaa hai maah-e-nau — Anwar Jamal Anwar

"chaDhte tufaan ko saahil se guzarnaa thaa miyaan riit ke ghar ko bahar-haal bikharnaa thaa miyaan kab talak paanv ko toDe hue baiThaa rahtaa raah-e-dushvaar se rah-rav ko guzarnaa thaa miyaan itne maanus the sayyaad se jaate na kahin qaid mein par na parindon ke katarnaa thaa miyaan jab na samjhe to phir ab chheD ke pachhtaanaa kyaa chashm-e-namnaak mein ublaa huaa jharnaa thaa miyaan ishq ke gahre samundar mein gae kyuun 'anvar' uthle paani mein agar Duub ke marnaa thaa miyaan"

"raat kaa kyaa zikr hai shaam-o-sahar aayaa nahin kaun saa ilzaam hai jo mere sar aayaa nahin yuun to raah-e-be-khatar mein rahnumaa milte rahe pur-khatar raahon mein koi raahbar aayaa nahin kaun jaane kis ke Dar se aaj phir meraa rafiq chaahtaa thaa mere ghar aanaa magar aayaa nahin is qadar qurbat baDhi har naqsh dhundlaa ho gayaa vo thaa mere saamne lekin nazar aayaa nahin dil ko kyaa kahiye ki vo qaatil ke ghar khud hi gayaa laakh koshish ki magar vo raah par aayaa nahin laakh andeshon ne 'anvar' gher rakkhaa hai mujhe raat sar par aa gai aur naama-bar aayaa nahin"

"zindagi apni khvaab jaisi hai khub-ru be-naqaab jaisi hai sehn-e-gulshan mein aap ki hasti shaakh par ek gulaab jaisi hai kabhi Duubi hai aur kabhi ubhri aashiqi bhi hubaab jaisi hai hosh mein rah ke bhi hai be-hoshi ziist apni sharaab jaisi hai un ki shokhi to hai bahaar-e-chaman saadgi mahv-e-khvaab jaisi hai hai karishma ye un ki aankhon kaa khaamushi bhi khitaab jaisi hai guzre lamhon ke saath saath 'anvar' zindagi inqalaab jaisi hai"

"be-ghar thaa phir chhoD gayaa ghar jaane kyuun paar kiyaa hai saat samundar jaane kyuun aankhein hairaan dil viraan hain chehre zard chikh rahaa hai manzar manzar jaane kyuun aankhon mein mazlumon ke bas aansu hain fikr mein hai har ek sitam-gar jaane kyuun tapti riit jhulaste saae tund havaa ghar se niklaa mom kaa paikar jaane kyuun phuul saa chehra jhiil si us ki aankhein hain yaad aataa hai mujh ko aksar jaane kyuun aate jaate sab se baatein kartaa thaa chup baiThaa hai aaj qalandar jaane kyuun meri ghazlein sun kar 'anvar' chaahat se dekhtaa hai har ek sukhnavar jaane kyuun"

"zamaana uf ye kaisaa ho rahaa hai jo sidhaa thaa vo ulTaa ho rahaa hai ab ahl-e-ilm mein taarikiyaan hain jahaalat mein saveraa ho rahaa hai vahaan par zindagi kaise bachegi jahaan qaatil masihaa ho rahaa hai bashar kaa maqsad-e-takhliq dekho use honaa thaa kyaa kyaa ho rahaa hai ye hai taqlid-e-maghrib kaa natija judaa muslim se parda ho rahaa hai hamaari raast-goi kaam aai vafaa honaa thaa vaada ho rahaa hai jamaal-e-fikr-o-fan kaa tere 'anvar' sukhan-daanon mein charchaa ho rahaa hai"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"

"jaagte hi nazar akhbaar mein kho jaati hai zindagi dard ke ambaar mein kho jaati hai naa-khudaa aql ke patvaar uThaataa hai ki jab kashti-e-dil miri manjdhaar mein kho jaati hai be-sabab sochne vaale kabhi sochaa tu ne aagahi kasrat-e-afkaar mein kho jaati hai uDte rahte hain khayaalaat ke jugnu phir bhi baat kyuun parda-e-izhaar mein kho jaati hai us ke kaamon kaa hai rangin khushaamad pe madaar aur mehnat miri isaar mein kho jaati hai hurmat-e-parda zaruri hai 'ataa-ji' varna chiiz jaisi bhi ho baazaar mein kho jaati hai"

"kisi ki mehrbaani ho gai hai ayaan dil ki kahaani ho gai hai hare mausam ki pahli khvaahishein uf khushi gham ki divaani ho gai hai sabhi afraad ghar ke so gae hain bahut lambi kahaani ho gai hai rivaayat kaa hai ab bhi sahar qaaem har ik jiddat puraani ho gai hai pas-e-chehra milaa ik aur chehra 'aqidat paani paani ho gai hai"