"de mohabbat to mohabbat mein asar paidaa kar jo idhar dil mein hai yaa rab vo udhar paidaa kar dud-e-dil ishq mein itnaa to asar paidaa kar sar kaTe shama ki maanind to sar paidaa kar phir hamaaraa dil-e-gum-gashta bhi mil jaaegaa pahle tu apnaa dahan apni kamar paidaa kar kaam lene hain mohabbat mein bahut se yaa rab aur dil de hamein ik aur jigar paidaa kar tham zaraa ai adam-aabaad ke jaane vaale rah ke duniyaa mein abhi zaad-e-safar paidaa kar jhuuT jab bolte hain vo to duaa hoti hai yaa ilaahi miri baaton mein asar paidaa kar aaina dekhnaa is husn pe aasaan nahin pesh-tar aankh miri meri nazar paidaa kar subh-e-furqat to qayaamat ki sahar hai yaa rab apne bandon ke liye aur sahar paidaa kar mujh ko rotaa huaa dekhein to jhulas jaaein raqib aag paani mein bhi ai soz-e-jigar paidaa kar miT ke bhi duri-e-gulshan nahin bhaati yaa rab apni qudrat se miri khaak mein par paidaa kar shikva-e-dard-e-judaai pe vo farmaate hain ranj sahne ko hamaaraa saa jigar paidaa kar din nikalne ko hai raahat se guzar jaane de ruuTh kar tu na qayaamat ki sahar paidaa kar ham ne dekhaa hai ki mil jaate hain laDne vaale sulh ki khu bhi to ai baani-e-shar paidaa kar mujh se ghar aane ke vaade par bigaD kar bole kah diyaa ghair ke dil mein abhi ghar paidaa kar mujh se kahti hai kaDak kar ye kamaan qaatil ki tiir ban jaae nishaana vo jigar paidaa kar kyaa qayaamat mein bhi parda na uThegaa rukh se ab to meri shab-e-yaldaa ki sahar paidaa kar dekhnaa khel nahin jalva-e-didaar tiraa pahle muusaa saa koi ahl-e-nazar paidaa kar dil mein bhi miltaa hai vo kaaba bhi us kaa hai maqaam raah nazdik ki ai azm-e-safar paidaa kar zof kaa hukm ye hai honT na hilne paaein dil ye kahtaa hai ki naale mein asar paidaa kar naale 'bekhud' ke qayaamat hain tujhe yaad rahe zulm karnaa hai to patthar kaa jigar paidaa kar"
دے محبت تو محبت میں اثر پیدا کر جو ادھر دل میں ہے یا رب وہ ادھر پیدا کر دود دل عشق میں اتنا تو اثر پیدا کر سر کٹے شمع کی مانند تو سر پیدا کر پھر ہمارا دل گم گشتہ بھی مل جائے گا پہلے تو اپنا دہن اپنی کمر پیدا کر کام لینے ہیں محبت میں بہت سے یا رب اور دل دے ہمیں اک اور جگر پیدا کر تھم ذرا اے عدم آباد کے جانے والے رہ کے دنیا میں ابھی زاد سفر پیدا کر جھوٹ جب بولتے ہیں وہ تو دعا ہوتی ہے یا الٰہی مری باتوں میں اثر پیدا کر آئینہ دیکھنا اس حسن پہ آسان نہیں پیشتر آنکھ مری میری نظر پیدا کر صبح فرقت تو قیامت کی سحر ہے یا رب اپنے بندوں کے لیے اور سحر پیدا کر مجھ کو روتا ہوا دیکھیں تو جھلس جائیں رقیب آگ پانی میں بھی اے سوز جگر پیدا کر مٹ کے بھی دوری گلشن نہیں بھاتی یا رب اپنی قدرت سے مری خاک میں پر پیدا کر شکوۂ درد جدائی پہ وہ فرماتے ہیں رنج سہنے کو ہمارا سا جگر پیدا کر دن نکلنے کو ہے راحت سے گزر جانے دے روٹھ کر تو نہ قیامت کی سحر پیدا کر ہم نے دیکھا ہے کہ مل جاتے ہیں لڑنے والے صلح کی خو بھی تو اے بانئ شر پیدا کر مجھ سے گھر آنے کے وعدے پر بگڑ کر بولے کہہ دیا غیر کے دل میں ابھی گھر پیدا کر مجھ سے کہتی ہے کڑک کر یہ کماں قاتل کی تیر بن جائے نشانہ وہ جگر پیدا کر کیا قیامت میں بھی پردہ نہ اٹھے گا رخ سے اب تو میری شب یلدا کی سحر پیدا کر دیکھنا کھیل نہیں جلوۂ دیدار ترا پہلے موسیٰ سا کوئی اہل نظر پیدا کر دل میں بھی ملتا ہے وہ کعبہ بھی اس کا ہے مقام راہ نزدیک کی اے عزم سفر پیدا کر ضعف کا حکم یہ ہے ہونٹ نہ ہلنے پائیں دل یہ کہتا ہے کہ نالے میں اثر پیدا کر نالے بیخودؔ کے قیامت ہیں تجھے یاد رہے ظلم کرنا ہے تو پتھر کا جگر پیدا کر
दे मोहब्बत तो मोहब्बत में असर पैदा कर जो इधर दिल में है या रब वो उधर पैदा कर दूद-ए-दिल इश्क़ में इतना तो असर पैदा कर सर कटे शम्अ की मानिंद तो सर पैदा कर फिर हमारा दिल-ए-गुम-गश्ता भी मिल जाएगा पहले तू अपना दहन अपनी कमर पैदा कर काम लेने हैं मोहब्बत में बहुत से या रब और दिल दे हमें इक और जिगर पैदा कर थम ज़रा ऐ अदम-आबाद के जाने वाले रह के दुनिया में अभी ज़ाद-ए-सफ़र पैदा कर झूट जब बोलते हैं वो तो दुआ होती है या इलाही मिरी बातों में असर पैदा कर आईना देखना इस हुस्न पे आसान नहीं पेश-तर आँख मिरी मेरी नज़र पैदा कर सुब्ह-ए-फ़ुर्क़त तो क़यामत की सहर है या रब अपने बंदों के लिए और सहर पैदा कर मुझ को रोता हुआ देखें तो झुलस जाएँ रक़ीब आग पानी में भी ऐ सोज़-ए-जिगर पैदा कर मिट के भी दूरी-ए-गुलशन नहीं भाती या रब अपनी क़ुदरत से मिरी ख़ाक में पर पैदा कर शिकवा-ए-दर्द-ए-जुदाई पे वो फ़रमाते हैं रंज सहने को हमारा सा जिगर पैदा कर दिन निकलने को है राहत से गुज़र जाने दे रूठ कर तू न क़यामत की सहर पैदा कर हम ने देखा है कि मिल जाते हैं लड़ने वाले सुल्ह की ख़ू भी तो ऐ बानी-ए-शर पैदा कर मुझ से घर आने के वादे पर बिगड़ कर बोले कह दिया ग़ैर के दिल में अभी घर पैदा कर मुझ से कहती है कड़क कर ये कमाँ क़ातिल की तीर बन जाए निशाना वो जिगर पैदा कर क्या क़यामत में भी पर्दा न उठेगा रुख़ से अब तो मेरी शब-ए-यलदा की सहर पैदा कर देखना खेल नहीं जल्वा-ए-दीदार तिरा पहले मूसा सा कोई अहल-ए-नज़र पैदा कर दिल में भी मिलता है वो काबा भी उस का है मक़ाम राह नज़दीक की ऐ अज़्म-ए-सफ़र पैदा कर ज़ोफ़ का हुक्म ये है होंट न हिलने पाएँ दिल ये कहता है कि नाले में असर पैदा कर नाले 'बेख़ुद' के क़यामत हैं तुझे याद रहे ज़ुल्म करना है तो पत्थर का जिगर पैदा कर
"ab kisi baat kaa taalib dil-e-naashaad nahin aap ki ain-inaayat hai ye be-daad nahin aap sharmaa ke na farmaaein hamein yaad nahin ghair kaa zikr hai ye aap ki rudaad nahin dam nikal jaaegaa hasrat hi mein ik din apnaa sach kahaa tum ne kuchh insaan ki buniyaad nahin pahle naale ko sunaa ghaur se phir hans ke kahaa aap ki saari hi banaavaT hai ye fariyaad nahin baad ustaad ke hai khatm ghazal 'bekhud' par moajaza kahiye ise tab-e-khudaa-daad nahin"
Bekhud Dehlvi"baat karne ki shab-e-vasl ijaazat de do mujh ko dam bhar ke liye ghair ki qismat de do tum ko ulfat nahin mujh se ye kahaa thaa main ne hans ke farmaate hain tum apni mohabbat de do ham hi chuke sahar-e-vasl manaanaa hi na thaa ab hai ye hukm ki jaane ki ijaazat de do muft lete bhi nahin pher ke dete bhi nahin yuun sahi khair ki dil ki hamein qimat de do kam nahin pir-e-kharaabaat-nashin se 'bekhud' mai-kasho to use mai-khaane ki khidmat de do"
Bekhud Dehlvi"har ek baat tiri be-sabaat kitni hai palaTnaa baat ko dam bhar mein baat kitni hai abhi to shaam hui hai abhi to aae ho abhi se puchh rahe ho ki raat kitni hai vo sunte sunte jo ghabraae haal-e-dil bole bayaan kitni hui vaardaat kitni hai tire shahid ko dulhaa banaa huaa dekhaa ravaan janaaze ke pichhe baraat kitni hai kisi tarah nahin kaTti nahin guzar chukti ilaahi sakht ye qaid-e-hayaat kitni hai hamaari jaan hai qimat to dil hai baiaana giraan-bahaa lab-e-naazuk ki baat kitni hai jo shab ko khilte hain ghunche vo din ko jhaDte hain bahaar-e-baagh-e-jahaan be-sabaat kitni hai mahinon ho gae dekhi nahin hai subh-e-ummid kise khabar ye musibat ki raat kitni hai udu ke saamne ye dekhnaa hai ham ko bhi kidhar ko hai nigah-e-iltifaat kitni hai ghazal likhein bhi to kyaa khaak ham likhein 'bekhud' zamin dekhiye ye vaahiyaat kitni hai"
Bekhud Dehlvi"bevafaa kahne se kyaa vo bevafaa ho jaaegaa tere hote is sifat kaa dusraa ho jaaegaa shart kar lo phir mujhe barbaad honaa bhi qubul khaak mein mil kar to haasil muddaaa ho jaaegaa sar na hogaa dosh par to kyaa na hogi guftugu hichkiyon se shukr qaatil kaa adaa ho jaaegaa siina toDaa dil mein chuTki li jigar zakhmi kiyaa kyaa khabar thi tiir bhi teri adaa ho jaaegaa mere kahne mein hai dil jab tak mire pahlu mein hai aap le liije ise ye aap kaa ho jaaegaa saath un ke jaan bhi armaan bhi jaaeinge aaj subh se pahle ravaana qaafila ho jaaegaa main malun talvon se aankhein vo kahein samjhungaa main yaad rakh phikaa agar rang-e-hinaa ho jaaegaa phir vahi jhagDe kaa jhagDaa hai agar qum kah diyaa tegh kaa mansukh saaraa faislaa ho jaaegaa kis khushi mein haae kaisaa ranj phailaa kyaa karun kyaa khabar thi hanste hanste vo khafaa ho jaaegaa hashr tak kyuun baat jaae kyuun paDe ghairon ke munh ghar mein samjhautaa hamaaraa aap kaa ho jaaegaa aankh se hai vasl kaa iqraar dil dugdaa mein hai tum zabaan se apni kah doge to kyaa ho jaaegaa zulm se gar zabh bhi kar do mujhe parvaa nahin lutf se Dartaa huun ye meri qazaa ho jaaegaa us ne chheDaa thaa mujhe tum jaan doge kab hamein kah diyaa main ne bhi jab vaada vafaa ho jaaegaa yuun savaal-e-vasl par Taalaa kiyaa barson koi sabr kar muztar na ho teraa kahaa ho jaaegaa laakh duniyaa mein hasin hon laakh hurein khuld mein mujh ko jo tu hai vo koi dusraa ho jaaegaa tauba bhi kar li thi ye bhi nashsha ki thi ik tarang aap samjhe the ki 'bekhud' paarsaa ho jaaegaa"
Bekhud Dehlvi"khudaa rakkhe tujhe meri buraai dekhne vaale vafaadaari mein tarz-e-bevafaai dekhne vaale sambhal ab naala-e-dil ki rasaai dekhne vaale qayaamat Dhaaeinge roz-e-judaai dekhne vaale tire khanjar ko bhi teri tarah hasrat se takte hain tiri naazuk kamar naazuk kalaai dekhne vaale jhijak kar aaine mein aks se apne vo kahte hain yahaan bhi aa gae surat paraai dekhne vaale palak jhapki ki dil ghaaeb baghal khaali nazar aai tiri nazron ki dekheinge safaai dekhne vaale inhin aankhon se tu ne nek-o-bad aalam kaa dekhaa hai idhar to dekh ai saari khudaai dekhne vaale gire ghash khaa ke jab muusaa kahaa barq-e-tajalli ne qayaamat tak na degaa vo dikhaai dekhne vaale miri mayyat pe ban aai hai un ki sab se kahte hain vafaadaaron ki dekhein bevafaai dekhne vaale nazar milti hai pichhe pahle tanti hain bhanvein un ki kahaan tak dekhe jaaein kaj-adaai dekhne vaale miTaa inkaar to hujjat ye nikli munh dikhaane mein ki pahle jama kar dein ru-numaai dekhne vaale kahaan tak roein qismat ke likhe ko bas ulaT parda tujhe dekheinge ab teri khudaai dekhne vaale kabhi qadmon mein thaa ab un ke dil mein hai jagah meri mujhe dekhein muqaddar ki rasaai dekhne vaale koi itnaa nahin jo aa ke puchhe hijr mein 'bekhud' tiraa kyaa haal hai ranj-e-judaai dekhne vaale"
Bekhud Dehlvi"maashuq hamein baat kaa puuraa nahin miltaa dil jis se milaaein koi aisaa nahin miltaa duniyaa mein agar DhunDiye to kyaa nahin miltaa sab milte hain ik chaahne vaalaa nahin miltaa ushshaaq se yuun aankh tumhaari nahin milti aghyaar se dil jaise hamaaraa nahin miltaa rahti hai kasar ek na ik baat ki sab mein ham ko to in achchhon mein bhi achchhaa nahin miltaa kuchh haal sune kuchh hamein tadbir bataae gham-khvaar to kaisaa koi itnaa nahin miltaa kyaa muft mein tum dil ke kharidaar bane ho be-kharch kiye daam ye saudaa nahin miltaa jab dekhiye hamraah hai dushman kaa tasavvur ham se to vo khalvat mein bhi tanhaa nahin miltaa dil koi milaataa nahin TuuTe hue dil se duniyaa mein hamein joD hamaaraa nahin miltaa barbaad kiyaa yaas ne yuun khaana-e-dil ko DhunDe se bhi ab daagh-e-tamannaa nahin miltaa jo baat hai duniyaa se niraali hai nai hai andaaz kisi mein bhi tumhaaraa nahin miltaa aankhein kahe deti hain ki dil saaf nahin hai miltaa hai vo is rang se goyaa nahin miltaa kahte hain jalaane ko ham aghyaar ke munh par aison se to vo rashk-e-masihaa nahin miltaa zaahir hai mulaaqaat hai baatin mein judaai tum milte ho dil ham se tumhaaraa nahin miltaa afsos to ye hai ki tumhein qadr nahin hai aashiq to zamaane mein bhi DhunDaa nahin miltaa kahnaa vo sharaarat se tiraa dil ko churaa kar kyaa DhunDte ho ham se kaho kyaa nahin miltaa 'bekhud' nigah-e-lutf pe de Daaliye dil ko jo miltaa hai sarkaar se thoDaa nahin miltaa"
Bekhud Dehlvi"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"
Divyansh Rawat"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"
Mahmood Nashtari"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"
Divyansh Rawat"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"
"murattab aur bhi ik goshvaara ho rahaa hai to kyaa hai gar abhi ham ko khasaara ho rahaa hai hamaare paas to ham se ziyaada tu nahin thaa so tu kyaa ab to khud se bhi kinaara ho rahaa hai hamaare khvaab mein ahmiyat-e-shab thi ziyaada so ab vo khvaab aankhon mein sitaara ho rahaa hai tumhaari aarzu hone se pahle bhi to ham the guzaara ho rahaa thaa so guzaara ho rahaa hai hayaa-aalud aankhein hain na aanchal hai na chilman ye kis viraan duniyaa kaa nazaara ho rahaa hai abhi ham faisla karne ki ujlat mein nahin hain magar lagtaa hai jiine se khasaara ho rahaa hai khalaa se is zamin par sang-rezo ki ye baarish kisi jaanib se kyaa koi ishaara ho rahaa hai"
Irfan Sattar"choT par choT khaa rahaa huun main 'aadatan muskuraa rahaa huun main us ke uupar to kuchh asar hi nahin apnaa dil kyon jalaa rahaa huun main aaj tanhaai mein jo baiThe ho kyaa tumhein yaad aa rahaa huun main kaun aaegaa mujh se milne ko apnaa ghar kyon sajaa rahaa huun main aaj ji bhar ke dekh lo mujh ko ab bahut duur jaa rahaa huun main kyaa tumhein ab bhi kuchh shikaayat hai ab to sab kuchh kamaa rahaa huun main haath mein Digriyaan sajaae hue Thokarein kitni khaa rahaa huun main ab mujhe peT in se bharnaa hai ye jo khanjar banaa rahaa huun main kal koi is ko bhi na chhoDegaa ye jo paudaa lagaa rahaa huun main"
Saleem Amrohvi