diyaa hai dil agar us ko bashar hai kyaa kahiye — Mirza Ghalib

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"masti ba-zauq-e-ghaflat-e-saaqi halaak hai mauj-e-sharaab yak-mizha-e-khvaab-naak hai juz zakhm-e-tegh-e-naaz nahin dil mein aarzu jeb-e-khayaal bhi tire haathon se chaak hai josh-e-junun se kuchh nazar aataa nahin 'asad' sahraa hamaari aankh mein yak-musht-e-khaak hai"

"hui taakhir to kuchh baais-e-taakhir bhi thaa aap aate the magar koi inaan-gir bhi thaa tum se bejaa hai mujhe apni tabaahi kaa gila us mein kuchh shaaiba-e-khubi-e-taqdir bhi thaa tu mujhe bhuul gayaa ho to pataa batlaa duun kabhi fitraak mein tere koi nakhchir bhi thaa qaid mein hai tire vahshi ko vahi zulf ki yaad haan kuchh ik ranj-e-giraan-baari-e-zanjir bhi thaa bijli ik kaund gai aankhon ke aage to kyaa baat karte ki main lab-tishna-e-taqrir bhi thaa yusuf us ko kahun aur kuchh na kahe khair hui gar bigaD baiThe to main laaiq-e-taazir bhi thaa dekh kar ghair ko ho kyuun na kalejaa ThanDaa naala kartaa thaa vale taalib-e-taasir bhi thaa peshe mein aib nahin rakhiye na farhaad ko naam ham hi aashufta-saron mein vo javaan-mir bhi thaa ham the marne ko khaDe paas na aayaa na sahi aakhir us shokh ke tarkash mein koi tiir bhi thaa pakDe jaate hain farishton ke likhe par naa-haq aadmi koi hamaaraa dam-e-tahrir bhi thaa rekhte ke tumhin ustaad nahin ho 'ghaalib' kahte hain agle zamaane mein koi 'mir' bhi thaa"

"chaak ki khvaahish agar vahshat ba-uryaani kare subh ke maanind zakhm-e-dil garebaani kare jalve kaa tere vo 'aalam hai ki gar kiije khayaal dida-e-dil ko ziyaarat-gaah-e-hairaani kare hai shikastan se bhi dil naumid yaa-rab kab talak aabgina koh par arz-e-giraan-jaani kare mai-kada gar chashm-e-mast-e-naaz se paave shikast mu-e-shisha dida-e-saaghar ki mizhgaani kare khatt-e-aariz se likhaa hai zulf ko ulfat ne 'ahd yak-qalam manzur hai jo kuchh pareshaani kare haath par gar haath maare yaar vaqt-e-qahqaha kirmak-e-shab-taab-aasaa mah par-afshaani kare vaqt us uftaada kaa khush jo qanaa'at se asad naqsh-paa-e-mor ko takht-e-sulaimaani kare"

"dekh kar dar-parda garm-e-daaman-afshaani mujhe kar gai vaabasta-e-tan meri uryaani mujhe ban gayaa tegh-e-nigaah-e-yaar kaa sang-e-fasaan marhabaa main kyaa mubaarak hai giraan-jaani mujhe kyuun na ho be-iltifaati us ki khaatir jama hai jaantaa hai mahv-e-pursish-haa-e-pinhaani mujhe mere gham-khaane ki qismat jab raqam hone lagi likh diyaa min-jumla-e-asbaab-e-viraani mujhe bad-gumaan hotaa hai vo kaafir na hotaa kaash ke is qadar zauq-e-navaa-e-murgh-e-bustaani mujhe vaae vaan bhi shor-e-mahshar ne na dam lene diyaa le gayaa thaa gor mein zauq-e-tan-aasaani mujhe vaada aane kaa vafaa kiije ye kyaa andaaz hai tum ne kyuun saunpi hai mere ghar ki darbaani mujhe haan nashaat-e-aamad-e-fasl-e-bahaari vaah vaah phir huaa hai taaza saudaa-e-ghazal-khvaani mujhe di mire bhaai ko haq ne az-sar-e-nau zindagi mirzaa yusuf hai 'ghaalib' yusuf-e-saani mujhe"

"hai bazm-e-butaan mein sukhan aazurda-labon se tang aae hain ham aise khushaamad-talabon se hai daur-e-qadah vajh-e-pareshaani-e-sahbaa yak-baar lagaa do khum-e-mai mere labon se rindaan-e-dar-e-mai-kada gustaakh hain zaahid zinhaar na honaa taraf in be-adabon se bedaad-e-vafaa dekh ki jaati rahi aakhir har-chand miri jaan ko thaa rabt labon se kyaa puchhe hai bar-khud ghalati-haa-e-azizaan khvaari ko bhi ik aar hai aaali-nasabon se go tum ko razaa-jui-e-aghyaar hai lekin jaati hai mulaaqaat kab aise sababon se mat puchh 'asad' vaada-e-kam-fursati-e-zist do din bhi jo kaaTe tu qayaamat taabon se"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"nahin piitaa main par navaazish hui hai baDi mausamon ki sifaarish hui hai bahut din se sahraa ke jaisaa ye dil hai na baadal ghire hain na baarish hui hai yahaan hai bulandi jo kirdaar ki to vahaan khaal-o-khad ki numaaish hui hai tiri jhiil jaisi jo dekhi hain aankhein miri Duub jaane ki khvaahish hui hai chhalaktaa nahin khuun zakhmon se aise kahin naakhunon ki bhi kaavish hui hai hamein 'ishq mein mubtalaa kar rahe hain nazar aur dil mein ye saazish hui hai vahaan dushmanon ki baDi yaad aai jahaan doston ki navaazish hui hai vafaa-daariyon kaa sila mil rahaa hai hamaari sadaa aazmaaish hui hai pareshaaniyon mein jo ham mubtalaa hain yaqinan koi ham se laghzish hui hai vahin apni aankhon ko ham chhoD aae jahaan manzaron ki numaaish hui hai raqibon ko hai chhuT mahfil mein un ki mire aane jaane pe bandish hui hai ghazal kahnaa 'faaruq' main chhoD dungaa isi baat par un se ranjish hui hai"

"jab se aayaa huun tere gaanv mein rang hi rang hain fazaaon mein aa ki dukh sukh ki koi baat karein baiTh kar shishamon ki chhaanv mein main bhi kartaa huun zabt ki koshish to bhi takhfif kar adaaon mein vo tiraa dafatan bichhaD jaanaa vo miraa dekhnaa khalaaon mein ho agar koi gosh-bar-aavaaz ik khamoshi bhi hai sadaaon mein yahi mere liye ghanimat hai saans le luun khuli fazaaon mein"

"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"

"phir bahaar aai hai phir josh mein saudaa hogaa zakhm-e-derinaa se phir khuun Tapaktaa hogaa biiti baaton ke vo naasur hare phir honge baat niklegi to phir baat ko rakhnaa hogaa yurishein kar ke umanD aaeingi suuni shaamein laakh bhaTkein kisi unvaan na saveraa hogaa ji ko samjhaaeinge matvaali havaa ke jhonke phir koi laakh sambhaale na sambhalnaa hogaa kaisi rut aai havaa chalti hai ji Doltaa hai ab to hansnaa bhi taDapne kaa bahaanaa hogaa TuuT jaaegaa ye laachaari-e-daaem kaa fusun aur is tarah ki jaise koi aataa hogaa dil dhaDakne ki sadaa aaegi sune-pan mein duur baadal kahin parbat pe garajtaa hogaa"