dosti ko 'aam karnaa chaahtaa hai — Aslam Habeeb

"luTi bahaar kaa sukhaa gulaab rahne do hamaari aankhon mein koi to khvaab rahne do nae sire se chalo koi ahd karte hain vafaa jafaa kaa puraanaa hisaab rahne do tamaam-umr guzaari hai in dayaaron mein khulus hogaa yahaan dastiyaab rahne do khumaar utraa nahin hai abhi to ashkon kaa abhi ye saaghar-o-minaa sharaab rahne do uThaae phirte ho kyaa shahr-e-be-basirat mein kise dikhaaoge dil ki kitaab rahne do abhi to ham pe puraane hi qarz baaqi hain savaal kar ke na kahiye javaab rahne do giraa zarur hai lekin miraa nahin 'aslam' takallufaat muravvat janaab rahne do"

"ziist ki dhuup se yuun bach ke nikaltaa kyuun hai tu jo suraj hai to phir saae mein chaltaa kyuun hai tu jo patthar hai to phir palkon pe aansu kaise tu samundar hai to phir aag mein jaltaa kyuun hai mere chehre mein jo shaaista-nazar aataa hai meri shiryaanon mein vo shakhs ubaltaa kyuun hai kal tumhin ne use ye pyaala diyaa thaa yaaro mo'tariz kyuun ho ki vo zahr ugaltaa kyuun hai meri saanson mein sisakne ki sadaa aati hai ek marghaT saa mire siine mein jaltaa kyuun hai jaane kin zarron se us khuun ki shanaasaai hai paanv us moD pe hi aa ke phisaltaa kyuun hai mahfil-e-laghv se tahzib ne kyaa lenaa hai aise shorida-saron mein tu sanbhaltaa kyuun hai"

"subuk saa dard thaa uThtaa rahaa jo zakhmon se to ham bhi karte rahe chheD-chhaaD ashkon se sabhi ko zakhm-e-tamannaa dikhaa ke dekh liye khudaa se daad mili aur na us ke bandon se dhuaan saa uThne lagaa fikr-o-fan ke aivaan mein lahu ki baas si aane lagi hai sheron se ab in se dekhiye kab manzilein huvaidaa hon uThaa ke laayaa huun kuchh naqsh teri raahon se bilak rahaa hai nigaahon mein hasraton kaa hujum laTak rahi hain patangein udaas khambon se ab aur kis se tire gham kaa tazkira karte tamaam-raat rahi guftugu sitaaron se bas ek jast mein aflaak se nikal jaaun phalaang jaaun zamin ko main chaar qadmon se"

"kaT gaiin saari patangein Dor se chalti hain kaise havaaein zor se bevafaa saare parinde ho gae dosti apni bhi thi ik mor se chand jazbe jang mein mashghul the raat-bhar main so na paayaa shor se aakhirash suraj uDaa ke le gae bhiik kab tak maangte ham bhor se ik na ik din sard jhonke aaeinge raabta rakhiye ghaTaa-ghanghor se qabr pe aansu bahaa ke aae hain baagh mein milne gae the mor se main ye samjhaa thaa qayaamat aa gai aadmi chikhaa thaa itni zor se"

"aankh ko ashk banaa ke dekh phir darshan ko jaa ke dekh manzil ki qimat mat puchh raah mein dhakke khaa ke dekh patthar bhi khil uTTheinge ek nazar muskaa ke dekh kaaba kaashi dekh liye mere bhi ghar aa ke dekh duniyaa meri muTThi mein logon ko bahkaa ke dekh andhiyaaron ko jot banaa khaamoshi ko gaa ke dekh kab tak puujaa ghairon ki khud pe imaan laa ke dekh"

"zakhmon kaa byopaari hai achchhi saahu-kaari hai bojhal bojhal palkon par raat abhi tak taari hai bas ik patthar jhuggi kaa shish-mahal par bhaari hai saanp Dase ik umr hui nashsha ab tak taari hai chand kahin ye fashion hai chand kahin bad-kaari hai amn-e-aalam ki khaatir jang yugon se jaari hai main hi 'aslam' sachchaa huun jhuTi duniyaa saari hai"

"mahv-e-hairat huun miraa khaar ne rasta dekhaa ek kirdaar kaa kirdaar ne rasta dekhaa kaun kahtaa hai talabgaar ne rasta dekhaa ek be-daar kaa bedaar ne rasta dekhaa kam-nasibi ki mulaaqaat se mahrum rahe khush-nasibi ki mire yaar ne rasta dekhaa anginat aae ruke aur ravaana bhi hue kab kisi shakhs kaa sansaar ne rasta dekhaa apne vaalon ne musibat mein bhulaayaa lekin dosti ke liye aghyaar ne rasta dekhaa main ne sachchaai ko jis roz se apnaayaa hai meraa aksar rasan-o-daar ne rasta dekhaa tujh se 'mahmud' use pyaar bahut thaa shaayad marte dam tak tire bimaar ne rasta dekhaa"

"dushmani chalti rahi yaaron ke biich phuul bhi khilte rahe khaaron ke biich ho agar imaan-e-kaamil aaj bhi raqs ho saktaa hai angaaron ke biich dosti ki chhat banaanaa chaahiye ham ko bhi rahnaa hai divaaron ke biich aap ko to chaand kahte the sabhi aap kyon dhundlaa gae taaron ke biich khud-farebi ne sahaaraa de diyaa mil gayaa iqraar inkaaron ke biich khuub hai 'muztar' kaa rang-e-shaairi khuun ki surkhi hai ghazal-paaron ke biich"

"miri jaanib nigaah-e-naaz kar aahista aahista mire dil ke jazire mein utar aahista aahista mohabbat donon jaanib hai tafaavut sirf itnaa hai idhar hai tez-rau lekin udhar aahista aahista tiri beTi kaa qad tere baraabar ho gayaa shaayad tu apni khud-kushi par ghaur kar aahista aahista sahar aai na aae vo sitaaro jaao so jaao ki ab chalte hain ham bhi apne ghar aahista aahista jo kal tak meri barbaadi ki qasmein khaate phirte the vahi ab ho rahe hain dar-ba-dar aahista aahista na jaane rah-ravaan-e-raah kaa ab hashr kyaa hogaa bhaTakte jaa rahe hain raahbar aahista aahista khudaa ke vaaste samjhaa-bujhaa kar rok le koi vo dekho jaa rahe hain ruuTh kar aahista aahista adaavat dil mein rakhnaa muskuraa kar guftugu karnaa sabhi ko aa gayaa hai ye hunar aahista aahista nimaT luun doston ki dosti se pahle ai 'hamza' to lungaa dushmanon ki bhi khabar aahista aahista"

"gila hai apne muqaddar ki be-hisi se hamein aur is se baDh ke shikaayat hai zindagi se hamein kabhi nigaar-e-lab-e-shoala-vash kaa zikr chalaa kabhi hisaar-e-gham-e-jaan milaa kisi se hamein kabhi thaa qurb mein ik iztiraab kaa aalam kabhi qaraar milaa teri be-rukhi se hamein kabhi malaal huaa iltifaat-e-paiham se kabhi khushi thi bahut tark-e-dosti se hamein kabhi gumaan ki ye duniyaa hai ik fareb-e-nazar yaqin bhi hai khudaa ke vajud hi se hamein hayaat-e-jehd-e-musalsal mein kyon hai sargardaan zaraa pataa to chale ilm-o-aagahi se hamein agarche dil ko mili thi naved-e-subh-e-jamaal najaat mil na saki shab ki tirgi se hamein khaDe hain dasht-e-balaa-khez mein barahna-paa milaa hai izn-e-safar jazba-e-khudi se hamein 'sabaa' ye kaun si manzil hai dasht-e-imkaan mein na aashnaa se gharaz hai na ajnabi se hamein"

"ek dariyaa saa musalsal hai ravaan jaante hain ham zamaane se zamaane ko yahaan jaante hain raah-e-haq par hamein rakhnaa hain akele hi qadam saath degaa na hamaaraa ye jahaan jaante hain ham ne jo baat kahi vo bhi na samjhi tum ne dost to dost ki khaamosh zabaan jaante hain laakh aaraaishein mil jaaein magar un ke baghair ghar na ho paaegaa ham se ye makaan jaante hain daa'vaa karte hain khudaa ko bhi samajhne kaa magar ham yahaan Thiik se khud ko bhi kahaan jaante hain jism ke zakhm to sab bhar gae kab ke lekin ruuh par ab bhi jo hain ham vo nishaan jaante hain 'aarzu' kyon ho hamein ‘umr-daraazi ki jab zindagi ham tire sab sud-o-ziyaan jaante hain"

"rakht-e-safar kaa main ne iraada nahin kiyaa raushan charaagh-e-manzil-e-jaada nahin kiyaa tujh se bichhaD ke aur miraa dil udaas ho milne kaa is liye abhi vaada nahin kiyaa shiddat se thaa malaal shab-e-hijr kaa magar shaane pe tere sar ko nihaada nahin kiyaa dil mutmain hai baais-e-tajdid-e-dosti us ko khafaa bhi had se ziyaada nahin kiyaa sab kuchh ataa huaa tiri rahmat se is liye dast-e-talab ko aur kushaada nahin kiyaa shaayad ki meri ruuh ko baalidgi mile khud ko rahin-e-saaghar-o-baada nahin kiyaa shaayad miri jabin ko mile izn-e-bandagi dil ke varq ko is liye saada nahin kiyaa mujh ko na tamkanat kaa ho ehsaas-e-be-ziyaan qaamat ko apne aur sitaara nahin kiyaa apni talaash mein huun 'sabaa' is liye abhi su-e-haram safar kaa iraada nahin kiyaa"