ek pal mein dam-e-guftaar se lab-e-tar ho jaae — Mahtab Haider Naqvi

"ek tufaan kaa saamaan bani hai koi chiiz aisaa lagtaa hai kahin chhuT gai hai koi chiiz sab ko ik saath bahaae liye jaataa hai ye sail vo talaatum hai ki achchhi na buri hai koi chiiz ek main kyaa ki mah o saal uDe jaate hain ai havaa tujh se zamaane mein bachi hai koi chiiz ishq ne khud rukh-e-gulnaar ko bakhshaa hai farogh varna kab apne banaae se bani hai koi chiiz yaani zakhmon ke gulistaan pe bahaar aa gai phir yaani ab bhi miri aashufta-sari hai koi chiiz shaairi kyaa hai mujhe bhi nahin maalum magar log kahte hain ki ye dil ki lagi hai koi chiiz"

"aao ye khaamoshi toDein aaine se baat karein thoDi hairat aankh mein bhar lein thoDi si khairaat karein hijr o visaal ke rang the jitne taariki mein Duub gae tanhaai ke manzar mein ab kaun saa kaar-e-hayaat karein dekho is ke baad aaegi aur andheri kaali raat dhuup ke in TukDon ko chun lein jama yahi zarraat karein pyaason ke jhurmuT mein hain aur itnaa soch rahe hain ham aankhon ke is bojhal-pan ko kaise nahr-e-furaat karein paani paani kahne vaale dariyaa dariyaa Duub gae kis munh se saahil vaalon se tishna-labi ki baat karein"

"kisi ke ghar na maah o saal ke mausam mein rahte hain ki ham hijr-o-visaal-e-yaar ke aalam mein rahte hain vahi gul-gun qabaa-e-yaar hai nazzaara-e-hairat usi naa-mehrbaan ke gesu-e-pur-kham mein rahte hain vahi pyaasi zamin hai halqa-e-zanjir ki surat vahi ik aasmaan jis ke tale shabnam mein rahte hain hamein ye rang-o-bu ki baat ab achchhi nahin lagti buraa kyaa hai jo ham apni hi chashm-e-nam mein rahte hain guzar hi jaaegi umr-e-ravaan aahista aahista agarche ilm hai ham ik dam-e-be-dam mein rahte hain"

"dil to ik shakhs ko nakhchir banaane mein gayaa saaz-e-dil naghma-e-dil-gir banaane mein gayaa raat ik khvaab jo dekhaa to huaa ye maalum din bhi us khvaab ki tasvir banaane mein gayaa partav-e-khaana-e-mauhum ghanimat thaa magar vo bhi ik naqsha-e-taamir banaane mein gayaa ruuh to ruuh hai kuchh bas nahin is par lekin ye badan khaak ko iksir banaane mein gayaa yaar to dirham o dinaar banaane mein gae aur main ishq ki jaagir banaane mein gayaa sher taasir se khaali huaa vaqt-e-taabir nafs-e-mazmun bhi taqrir banaane mein gayaa"

"agar koi khalish-e-jaavedaan salaamat hai to phir jahaan mein ye tarz-e-fughaan salaamat hai abhi to bichhDe hue log yaad aaeinge abhi to dard-e-dil-e-raaegaan salaamat hai agarche is ke na hone se kuchh nahin hotaa hamaare sar pe magar aasmaan salaamat hai sabhi ko shauq-e-shahaadat to ho gayaa hai magar kisi ke dosh pe sar hi kahaan salaamat hai hamaare siine ke ye zakhm bhar gae hain to kyaa udu ke tiir udu ki kamaan salaamat hai jahaan mein ranj-e-safar ham bhi khinchte hain magar jo gum huaa hai vahi kaarvaan salaamat hai"

"zindagi kyaa hai ba-juz vahm-o-gumaan mere liye ye zamin jab ho gai be-aasmaan mere liye vo badan sahraa baDhaa detaa hai pahle meri pyaas aur ban jaataa hai phir aab-e-ravaan mere liye mausam-e-dil ne bikhere dil ke baahar apne rang rang-e-gul us ke liye rang-e-khizaan mere liye shahr mein lagti hai phir ik roz bujh jaati hai aag chhoD jaati hai magar saaraa dhuaan mere liye us se milne kaa samaan us se judaai ki ghaDi aur phir kuchh bhi nahin sud-o-ziyaan mere liye aasmaan-e-dil pe raushan lafz-o-maani ki tarah hai zamin-e-sher ki ye kahkashaan mere liye"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"