haal-e-dil sirf tumhein ham ne sunaane ke liye — Faizan Arif

"kuchh ehtimaam safar kaa zarur karnaa hai ki us ke shahr se ho kar mujhe guzarnaa hai main chup nahin huun kisi maslahat ke pesh-e-nazar main jaantaa huun kahaan ikhtilaaf karnaa hai hamaare jism se patthar bandhe hue hain magar samundaron ki tahon se hamein ubharnaa hai phisal rahi hai javaani ki ret muTThi se guzar rahe hain mire din inhein guzarnaa hai ye kaaenaat ki tasvir naa-mukammal hai abhi to is mein bahut rang us ne bharnaa hai miraa mizaaj nahin hai magar mujhe 'faizaan' kisi ke vaaste ik ahd se mukarnaa hai"

"jazbaat mein jo mere muqaabil khaDe hue ehsaas tab huaa mire bachche baDe hue dushman ki zad se us ko bachaa to liyaa magar siine mein mere tiir hain ab tak gaDe hue naayaab kis qadar hain tumhein kuchh khabar nahin ham mil gae jo raah mein tum ko paDe hue ik ishq ko to taaj mahal se milaa davaam ik ishq ki misaal vo kachche ghaDe hue taqdir kaa usuul hai ai dost sabr kar roze rakhe gharib ne to din baDe hue vo kyaa gayaa ki ab to sabhi kuchh badal gayaa pahle to shab hi thi so ab din bhi kaDe hue 'faizaan' aise dil mein basi hai kisi ki yaad jaise anguThiyon mein nagine jaDe hue"

"duaaon ke diye jab jal rahe the mire gham aansuon mein Dhal rahe the kisi neki kaa saaya thaa saron par jo lamhe aafaton ke Tal rahe the huaa ehsaas ye aadhi sadi baad yahaan par sirf raste chal rahe the vatan ki azmaton ko Dasne vaale vatan ki aastin mein pal rahe the bahut nazdik thi manzil hamaari magar sab raaste daldal rahe the nahin badle abhi munsif yahaan ke vahi hain faisle jo kal rahe the jahaan faizaan-e-aabaadi bahut hai vahaan par bhi ghane jangal rahe the"

"mire gumaan ki had se nikalne vaalaa thaa vo mujh se pahle hi rasta badalne vaalaa thaa tujhe hi jaane ki ujlat thi ai musaafir-e-man vagarna main bhi tire saath chalne vaalaa thaa jahaan pe qaafila-e-saalaar thak ke baiTh gayaa vahin se ik nayaa rasta nikalne vaalaa thaa nahin thi mujh ko zarurat kisi sahaare ki ki main to aap hi gir kar sambhalne vaalaa thaa main lauT aayaa samundar se Dar ke jab 'faizaan' usi ghaDi vo khazaana ugalne vaalaa thaa"

"nae shahron ki jab buniyaad rakhnaa puraane shahr bhi aabaad rakhnaa paDi ho paanv mein zanjir phir bhi hamesha zehn ko aazaad rakhnaa kisi ki yaad jab shiddat se aae bahut mushkil hai khud ko yaad rakhnaa dukhon ne jaD pakaD li mere andar zaruri thaa koi ham-zaad rakhnaa khudaayaa shaakh par kaliyaan khilaanaa koi paudaa na be-aulaad rakhnaa paDhaao Daalne vaalo hamesha guzishta hijraton ko yaad rakhnaa kahin bhi ghar basaa lenaa jahaan mein magar apne vatan ko yaad rakhnaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"