ham se bhi gaahe gaahe mulaaqaat chaahiye — Anjum Rumani

"har chand unhein ahd faraamosh na hogaa lekin hamein us vaqt koi hosh na hogaa dekhoge to aaegi tumhein apni jafaa yaad khaamosh jise paaoge khaamosh na hogaa guzre hain vo lamhe ki sadaa yaad raheinge dekhaa hai vo aalam ki faraamosh na hogaa ham apni shikaston se hain jis tarah baghal-gir yuun qabr se bhi koi ham-aaghosh na hogaa pi jaate hain zahr-e-gham-e-hasti ho ki mai ho ham saa bhi zamaane mein balaa-nosh na hogaa hone ko to duniyaa mein kai parda-nashin hain lekin tiri surat koi ru-posh na hogaa paaoge na aazaad-e-gham-anjum kisi dil ko hogaa gham-e-fardaa jo gham-e-dosh na hogaa"

"nahin naam-o-nishaan saae kaa lekin yaar baiThe hain uge shaayad zamin se khud-ba-khud divaar baiThe hain savaar-e-kashti-e-amvaaj-e-dil hain aur ghaafil hain samajhte hain ki ham dariyaa-e-gham ke paar baiThe hain ujaaD aisi na thi duniyaa abhi kal tak ye aalam thaa yahaan do-chaar baiThe hain vahaan do-chaar baiThe hain phir aati hai isi sahraa se aavaaz-e-jaras mujh ko jahaan majnun se divaane bhi himmat haar baiThe hain samajhte ho jinhein tum sang-e-mil ai qaafile vaalo sar-e-rah khastgaan-e-hasrat-raftaar baiThe hain ye jitne masale hain mashghale hain sab faraaghat ke na tum be-kaar baiThe ho na ham be-kaar baiThe hain tumhein 'anjum' koi us se tavaqqo ho to ho varna yahaan to aadmi ki shakl se be-zaar baiThe hain"

"jab bhi koi baat ki aansu Dhalke saath ham bhi paagal ho gae man paagal ke saath raat ko kaali chaandni din ko kaali dhuup DhunDein aankhein raushni rahein dhundalke saath maarein Taamak-Toiye andhiyaare mein log taare saare bujh gae dil ke kanval ke saath aaj hai man mein ran paDaa aaj ki rakkho laaj jhuTi kal ki dosti jhuTe kal ke saath paap karo ji khol kar dhabbon ki kyaa soch jab ji chaahaa dho liye gangaa-jal ke saath guru to khair guru huaa us ki bhali kahi chaltaa hai kyaa baalakaa uchhal uchhal ke saath rail bajaae siTiyaan dauDo vaqt chalaa huqqa piine chaudhari gayaa ajal ke saath toton ne hain aaj kal khole yahaan schōl bailon ne hain aadmi juute hal ke saath aan ki aan mein ho gai duniyaa aur se aur ham tum baiThe rah gae biite pal ke saath duniyaa ki ye riit hai maange bhiik na de paae vahi jo chhin le baDh kar bal ke saath koi vaqt ko rok lo gayaa na aae haath aataa pal bhi lo gayaa jaate pal ke saath ghar baiThe hogi nahin vahshat dil ki duur raas rachi hai shahr mein dekho chal ke saath madh maate kaa saath kyaa aai lahr gayaa partav le man baanvaraa har aanchal ke saath ham ko dekho pi gae maTke zahr bhare tum to be-sudh ho gae ik botal ke saath jaataa thaa ik qaafila rup-nagar ki aur ham bhi 'anjum' ho liye bhes badal ke saath"

"dukhi dilon ke liye taaziyaana rakhtaa hai har ek shakhs yahaan ik fasaana rakhtaa hai kisi bhi haal mein raazi nahin hai dil ham se har ik tarah kaa ye kaafir bahaana rakhtaa hai azal se Dhang hain dil ke ajiib se shaayad kisi se rasm-o-rah ghaaebaana rakhtaa hai koi to faiz hai koi to baat hai is mein kisi ko dost yunhi kab zamaana rakhtaa hai faqih-e-shahr ki baaton se dar-guzar behtar bashar hai aur gham-e-aab-o-daana rakhtaa hai muaamlaat-e-jahaan ki khabar hi kyaa us ko muaamlaa hi kisi se rakkhaa na rakhtaa hai hamin ne aaj tak apni taraf nahin dekhaa tavaqquaat bahut kuchh zamaana rakhtaa hai qalandari hai ki rakhtaa hai dil ghani 'anjum' koi dukaan na koi kaar-khaana rakhtaa hai"

"hai jo taasir si fughaan mein abhi log baaqi hain kuchh jahaan mein abhi dil se uThtaa hai subh-o-shaam dhuaan koi rahtaa hai is makaan mein abhi saath hai ek umr kaa lekin kashmakash si hai jism-o-jaan mein abhi mar na rahiye to aur kyaa kiije jaan hai jism-e-naa-tavaan mein abhi aur kuchh din kharaab ho liije suud apnaa hai is ziyaan mein abhi vo manaazir miri nigaah mein hain jo nahin vahm mein gumaan mein abhi nahin faarigh zamin se 'anjum' kaam baaqi hai aasmaan mein abhi"

"din ho ki raat, kunj-e-qafas ho ki sehn-e-baagh aalaam-e-rozgaar se haasil nahin faraagh raghbat kise ki lijiye aish-o-tarab kaa naam fursat kahaan ki kijiye sahbaa se pur ayaagh viraana-e-hayaat mein aasuda-khaatiri kis ko milaa is aahu-e-ram-khurda kaa suraagh aasaar-e-ku-e-dost hain aur paa-shikastagi khushbu-e-zulf-e-yaar hai aur ham se be-dimaagh kis ki jabin pe hain ye sitaare araq araq kis ke lahu se chaand kaa daaman hai daagh daagh karte hain kasb-e-nur isi tirgi se ham 'anjum' hain dil ke daagh guhar-haa-e-shab-charaagh"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"