havaaon kaa zor aazmaate rahe — Manzar Shahab

"baarishein khuun ki tez hain tez hain khuun ki aandhiyaan chaak-dar-chaak uDne lagin khuun mein ziist ki chhatriyaan raat petrol ki aag se shahr mein yuun charaaghaan huaa kaanp kar bujh gaiin dil ke raushan jharokon ki sab battiyaan be-amaan khalq curfew-zada roz-o-shab ke andhere mein gum apni gardan mein Daale hue apne katbaat ki takhtiyaan donon hi likh rahi thiin lahu se mire saaneha qatl kaa ik taraf hamla-var aastin ik taraf paasbaan vardiyaan gar yunhi aag daaman se uThti rahi to jalaa Daalegi husn-e-gul-rang kaa pairahan ishq-e-gulnaar ki dhajjiyaan jalti aankhon ke moti pighalte rahe aur ehsaas ke reg-zaaron mein tapti rahin mere khvaabon ki parchhaaiyaan marg-e-amboh kaa jashn-e-maatam hai raushan karein ham 'shahaab' phuljhaDi ashk-e-khush-rang ki taaza zakhmon ki mahtaabiyaan"

"jaise jaise khud-navisht-e-dostaan paDhte gae dushmanon ke baab mein kuchh-kuchh varaq jhuTe lage khush-yaqin huun mere andar koi hai mahv-e-kalaam main faqat do honT huun jo bhi kahe vo hi kahe kyaa bharosa pattharon mein Duub jaae aabshaar saans mein jhakkaD chale kab jism kaa tuuda Dhahe regzaar-e-sharq mein ab juue khuun hai tez-gaam vo abaabilein kahaan hain jin se sail-e-gham thame halki-halki baarishon ki jhaalron ki oT mein surmagin kohsaar ke kaafir nazaare kyaa hue kaun saa rishta hamaare dil ko chhutaa saa lagaa ye samajhnaa thaa na mushkil garche ham anjaan the ahd-e-aadam se rahe hain dushman-e-imaan 'shahaab' pur-kashish rukhsaar do aur nain do jaadu bhare"

"phir shoala-e-gul mauj-e-sabaa chaahiye yaaro gulnaar gulistaan ki fazaa chaahiye yaaro pairaahan-e-jaan chaak rahe tez havaa mein tufaan mein jiine ki adaa chaahiye yaaro matlub ho gar shaahid-e-maani ki tajalli alfaaz ki sad-rang qabaa chaahiye yaaro shaadaab nai rut se hai gulzaar-e-adab bhi phulon ko tar-o-taaza havaa chaahiye yaaro jitne bhi dariche hain sabhon ko na karo band ik aadh daricha to khulaa chaahiye yaaro shishe ki koi chiiz salaamat na rahegi is daur mein patthar ki anaa chaahiye yaaro dil sang-e-malaamat se hinaa-rang hai lekin kuchh aur rifaaqat kaa sila chaahiye yaaro"

"shoalon se laala-zaar hai aatish-kada hai dil zakhmon ke shab-charaagh kaa ik silsila hai dil ashkon ke rang-o-nur se aankhein dhuli dhuli soz-o-farogh-e-karb se sad-sokhta hai dil naama mire vajud kaa do lafz mein asiir pahchaan meri ishq hai meraa pata hai dil sahnaa tamaam vaar muqaddar usi kaa hai aamaajgaah-e-ishq mein goyaa zaraa hai dil anjaan haadson se munavvar hai kaaenaat lekin sabhon mein sab se ajab haadisa hai dil aadam ki fard-e-jurm viraasat bani 'shahaab' jannat ke mai-kade se uDaayaa nasha hai dil"

"baahar hisaar-e-dard se aanaa na thaa kabhi jo dard ab milaa hai vo jaanaa na thaa kabhi iqraar-e-vaaqai se miraa dil saham gayaa apnaa qusur aap ne maanaa na thaa kabhi uljhi havaa charaagh se to jal gayaa badan maghrur sar kaa naaz uThaanaa na thaa kabhi ab ke lahu ki rut mein judaa shaakh se the phuul maqtal kaa rang itnaa suhaanaa na thaa kabhi fitrat ke ehtisaab mein hai zaafaraan kaa rang zaitun kaa sabz rang miTaanaa na thaa kabhi mahfuz kar liyaa hai adaalat ne faisla qaanun vaqf-e-uzr-e-zamaana na thaa kabhi Taanke 'shahaab' TuuT gae fart-e-dard se manzur dil kaa dard dikhaanaa na thaa kabhi"

"baais-e-qurb jafaa-kaar kaa ghussa to hai dil kashida hi sahi ghuur ke dekhaa to hai pau phaTe yaa na phaTe khalvat-e-dil mein lekin haan nahin aur nahin haan kaa dhundalkaa to hai munqataa kar ke sabhi silk-e-taalluq aksar meri divaar-e-anaa koi giraataa to hai umr ki shaam Dhale paikar-e-zebaa us kaa pahle jaisaa to nahin dil mein vo tanhaa to hai baa-vuzu dil pe likhi main ne hai tauba apni kuchh nahin zaad-e-safar hurmat-e-tauba to hai bujh gai aag magar raakh ke malbe ke tale ik sulagti hui fariyaad kaa lahraa to hai ye bhi mansuba-e-fardaa ki na saazish ho 'shahaab' haal majruh kaa talvaar ne puchhaa to hai"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"khel duniyaa-e-'aarzi kaa huun ek kirdaar zindagi kaa huun mujh ko rakkhaa gayaa andhere mein main bhi haqdaar raushni kaa huun intihaa ke qarib hai duniyaa aadmi aakhiri sadi kaa huun dil ko ehsaas ho gayaa teraa mo'tarif teri dosti kaa huun main ne ghurbat mein 'ilm sikhaa hai main to maqruz muflisi kaa huun pur na hogaa jo mere baa'd kabhi ek aisaa khalaa kami kaa huun meraa dushman nahin 'khayaali' koi dost bhi main kisi kisi kaa huun"

"nahin piitaa main par navaazish hui hai baDi mausamon ki sifaarish hui hai bahut din se sahraa ke jaisaa ye dil hai na baadal ghire hain na baarish hui hai yahaan hai bulandi jo kirdaar ki to vahaan khaal-o-khad ki numaaish hui hai tiri jhiil jaisi jo dekhi hain aankhein miri Duub jaane ki khvaahish hui hai chhalaktaa nahin khuun zakhmon se aise kahin naakhunon ki bhi kaavish hui hai hamein 'ishq mein mubtalaa kar rahe hain nazar aur dil mein ye saazish hui hai vahaan dushmanon ki baDi yaad aai jahaan doston ki navaazish hui hai vafaa-daariyon kaa sila mil rahaa hai hamaari sadaa aazmaaish hui hai pareshaaniyon mein jo ham mubtalaa hain yaqinan koi ham se laghzish hui hai vahin apni aankhon ko ham chhoD aae jahaan manzaron ki numaaish hui hai raqibon ko hai chhuT mahfil mein un ki mire aane jaane pe bandish hui hai ghazal kahnaa 'faaruq' main chhoD dungaa isi baat par un se ranjish hui hai"

"jab se aayaa huun tere gaanv mein rang hi rang hain fazaaon mein aa ki dukh sukh ki koi baat karein baiTh kar shishamon ki chhaanv mein main bhi kartaa huun zabt ki koshish to bhi takhfif kar adaaon mein vo tiraa dafatan bichhaD jaanaa vo miraa dekhnaa khalaaon mein ho agar koi gosh-bar-aavaaz ik khamoshi bhi hai sadaaon mein yahi mere liye ghanimat hai saans le luun khuli fazaaon mein"

"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"