SHAWORDS

hayaat ik silsila hai aashufta-jaaniyon kaa — Krishna Mohan

Home›Krishna Mohan›Ghazal
"hayaat ik silsila hai aashufta-jaaniyon kaa milaa mujhe khuub ye sila jaan-fishaaniyon kaa fareb-deh hai junun baqaa ki nishaaniyon kaa ye ‘aalam-e-aab-o-gil hai ijlaas faaniyon kaa nigaah-afroz kaif-andoz-o-‘aish-aamoz hai ek sail-e-nashaat uThti javaaniyon kaa junun-e-shaa'ir shu'ur-e-'aalim riyaaz-e-‘aabid hai sab ko andaaz apni apni ravaaniyon kaa bashar ke dil mein falak ki nilaahaTon ki aahaT zamin ki halchal fusun samundar ke paaniyon kaa mujhe ye Dar hai kahin na ho shahr-shahr charchaa tiri jafaa ki miri vafaa ki kahaaniyon kaa ye aadmi aadmi ke biich unch-nich yaarab banaa hai ye tafraqa tamaashaa jahaaniyon kaa visaal mein ham the itne madhosh jaante kyaa ki soz-e-hirmaan hai maa-hasal shaadmaaniyon kaa hayaat aur maut hain tiri dilbari ke ghamze tamaashaa-gah hai jahaan tiri dil-sitaaniyon kaa ye garm aansu ye sard aahein hazin nigaahein khayaal rakhnaa miri vafaa ki nishaaniyon kaa vo kaise mere dil-e-shikasta kaa dard jaanein hujum hai jin ki zindagi kaamraaniyon kaa kahaan hai chaahat ki dilkash-o-dil-navaaz ranjish hai tazkira har jagah tiri mehrbaaniyon kaa udaas hairaan shabaab meraa hadaf rahaa hai tumhaari raaton ki dil-shikan sargiraaniyon kaa vo shor uThaa laa-shu’ur ki nannhi bastiyon mein ghurur TuuTaa shu'ur ki raajdhaaniyon kaa panaah deti hai paap ko kyon vishaal dharti vichaar aisaa samajh kaa hai pher gyaaniyon kaa ye kaisi biptaa paDi hai sansaar par ki ai dil na dhiir qaaem na dhyaan baaqi hai dhyaaniyon kaa main us pe shaidaa huaa huun muddat se 'krishn-mohan' jo dil mein ras gholtaa hai shirin-bayaaniyon kaa jadid raahon kaa shokh raahi hai 'krishn-mohan' vo ham-navaa hai nae tamaddun ke baaniyon kaa"
Urdu

حیات اک سلسلہ ہے آشفتہ جانیوں کا ملا مجھے خوب یہ صلہ جاں فشانیوں کا فریب دہ ہے جنوں بقا کی نشانیوں کا یہ عالم آب و گل ہے اجلاس فانیوں کا نگاہ افروز کیف اندوز و عیش آموز ہے ایک سیل نشاط اٹھتی جوانیوں کا جنون شاعر شعور عالم ریاض عابد ہے سب کو انداز اپنی اپنی روانیوں کا بشر کے دل میں فلک کی نیلاہٹوں کی آہٹ زمیں کی ہلچل فسوں سمندر کے پانیوں کا مجھے یہ ڈر ہے کہیں نہ ہو شہر شہر چرچا تری جفا کی مری وفا کی کہانیوں کا یہ آدمی آدمی کے بیچ اونچ نیچ یارب بنا ہے یہ تفرقہ تماشا جہانیوں کا وصال میں ہم تھے اتنے مدہوش جانتے کیا کہ سوز حرماں ہے ماحصل شادمانیوں کا حیات اور موت ہیں تری دلبری کے غمزے تماشا گہ ہے جہاں تری دلستانیوں کا یہ گرم آنسو یہ سرد آہیں حزیں نگاہیں خیال رکھنا مری وفا کی نشانیوں کا وہ کیسے میرے دل شکستہ کا درد جانیں ہجوم ہے جن کی زندگی کامرانیوں کا کہاں ہے چاہت کی دل کش و دل نواز رنجش ہے تذکرہ ہر جگہ تری مہربانیوں کا اداس حیراں شباب میرا ہدف رہا ہے تمہاری راتوں کی دل شکن سرگرانیوں کا وہ شور اٹھا لا شعور کی ننھی بستیوں میں غرور ٹوٹا شعور کی راجدھانیوں کا پناہ دیتی ہے پاپ کو کیوں وشال دھرتی وچار ایسا سمجھ کا ہے پھیر گیانیوں کا یہ کیسی بپتا پڑی ہے سنسار پر کہ اے دل نہ دھیر قائم نہ دھیان باقی ہے دھیانیوں کا میں اس پہ شیدا ہوا ہوں مدت سے کرشن موہنؔ جو دل میں رس گھولتا ہے شیریں بیانیوں کا جدید راہوں کا شوخ راہی ہے کرشن موہنؔ وہ ہم نوا ہے نئے تمدن کے بانیوں کا

Hindi

हयात इक सिलसिला है आशुफ़्ता-जानियों का मिला मुझे ख़ूब ये सिला जाँ-फ़िशानियों का फ़रेब-देह है जुनूँ बक़ा की निशानियों का ये ‘आलम-ए-आब-ओ-गिल है इजलास फ़ानियों का निगाह-अफ़रोज़ कैफ़-अंदोज़-ओ-‘ऐश-आमोज़ है एक सैल-ए-नशात उठती जवानियों का जुनून-ए-शा'इर शु'ऊर-ए-'आलिम रियाज़-ए-‘आबिद है सब को अंदाज़ अपनी अपनी रवानियों का बशर के दिल में फ़लक की नीलाहटों की आहट ज़मीं की हलचल फ़ुसूँ समुंदर के पानियों का मुझे ये डर है कहीं न हो शहर-शहर चर्चा तिरी जफ़ा की मिरी वफ़ा की कहानियों का ये आदमी आदमी के बीच ऊँच-नीच यारब बना है ये तफ़रक़ा तमाशा जहानियों का विसाल में हम थे इतने मदहोश जानते क्या कि सोज़-ए-हिरमाँ है मा-हसल शादमानियों का हयात और मौत हैं तिरी दिलबरी के ग़म्ज़े तमाशा-गह है जहाँ तिरी दिल-सितानियों का ये गर्म आँसू ये सर्द आहें हज़ीं निगाहें ख़याल रखना मिरी वफ़ा की निशानियों का वो कैसे मेरे दिल-ए-शिकस्ता का दर्द जानें हुजूम है जिन की ज़िंदगी कामरानियों का कहाँ है चाहत की दिलकश-ओ-दिल-नवाज़ रंजिश है तज़्किरा हर जगह तिरी मेहरबानियों का उदास हैराँ शबाब मेरा हदफ़ रहा है तुम्हारी रातों की दिल-शिकन सरगिरानियों का वो शोर उठा ला-शु’ऊर की नन्ही बस्तियों में ग़ुरूर टूटा शु'ऊर की राजधानियों का पनाह देती है पाप को क्यों विशाल धरती विचार ऐसा समझ का है फेर ज्ञानियों का ये कैसी बिपता पड़ी है संसार पर कि ऐ दिल न धीर क़ाएम न ध्यान बाक़ी है ध्यानियों का मैं उस पे शैदा हुआ हूँ मुद्दत से 'कृष्ण-मोहन' जो दिल में रस घोलता है शीरीं-बयानियों का जदीद राहों का शोख़ राही है 'कृष्ण-मोहन' वो हम-नवा है नए तमद्दुन के बानियों का

Krishna MohanKrishna MohanZindagiDilRaatMaa
hayāt ik silsila hai āshufta-jāniyoñ kā
Krishna Mohan
Krishna Mohan
Krishna Mohan
poet39 quotes

More by Krishna Mohan

View all →
Quote
"yaas-o-gham mein ai milan ki aas ke aansu chamak 'aql ki zulmat mein ai ehsaas ke jugnu chamak dil rahin-e-yaas hai mahsus hoti hain udaas chaandni shokhi hayaa shabnam adaa khushbu chamak phiki phiki be-maza be-nur si hai zindagi 'aql ki shokhi damak ai husn ke jaadu chamak apni chanchaltaa se mere pyaar ko chamkaa gai tere albele nashile ruup ki dil-ju chamak haar kar tadbir ne taqdir se kah hi diyaa maan bhi jaa main to chamki huun bahut ab tu chamak zindagi mein ho kabhi to koi hangaama bapaa jazba-e-aavaara-o-shokh-e-dil-e-yaksu chamak aise chamkaataa hai qalb-e-zaar ko teraa khayaal jaise dasht-e-tira ko de dida-e-aahu chamak chirnaa hai be-hisi ki gahri zulmat ko tujhe aur abhi is taur se ai dashna-e-abru chamak tere tevar zevar-e-ehsaas hain almaas hain yaad ke kohre mein soz-o-kaavish-e-pahlu chamak ai fusun-e-raaz jalvat-saaz ai khalvat-navaaz pyaar ki aavaaz paa-e-naaz ke ghunghru chamak 'krishn-mohan' ke dukhi man par andheraa chhaa gayaa ruup ki dhuup ai birah ke dard ki daaru chamak"
Krishna MohanKrishna Mohan
ZindagiYaad
Quote
"milaa ek guuna sukun hamein jo tumhaare hijr mein ro liye zaraa baar-e-qalb subuk huaa kai daagh dard ke dho liye ho nashaat-e-dil ki malaal-e-dil hamein pesh karnaa jamaal-e-dil kabhi hans ke phuul khilaa liye kabhi roke moti piro liye hai rahin gham miri justuju ye hai kaisaa gulshan-e-rang-o-bu yahaan kuchh gulo ki talaash mein kai khaar main ne chubho liye kai umr dauDte-bhaagte rahe yuun to shab ko bhi jaagte kabhi thak gae to Thahar gae kabhi niind aai to so liye sabhi log mast-e-shuur hain ki khudi ke nashshe mein chuur hain koi gham-shanaas nahin yahaan gham-e-dil kisi pe na kholiye ye unhin kaa nuur hai jis mein ham chale hausle se qadam qadam jo sarishk gham ke bahaa liye jo diye vafaa ke sanjo liye"
Krishna MohanKrishna Mohan
KhudiMaa
Quote
"maddham ho gae apne sapne be-dam ho gaiin apni talaashein viraan dil mein dafn hain kitni rangin ummidon ki laashein paiham apne ashk bahe hain dil ne kyaa kyaa jaur sahe hain aafaat-e-naagaah ke charke logon ke taa’non ki kharaashein har jaa zikr miri nikhat kaa har jaa mahrumi kaa charchaa duniyaa mein badnaam hui hain qismat se meri parkhaashein husn kaa josh na 'ishq ki garmi mahv hue saare hangaame be-jaan murda sard fasurda ziist ke lamhe barf ki qaashein kis ne meri biptaa rad ki kis ne meraa haath haTaayaa ab kyon sab apne begaane taa'ne dein ilzaam taraashein"
Krishna MohanKrishna Mohan
DilIshq
Quote
"dui kaa naqsh fanaa ho to lutf aa jaae anaa mein rang-e-ghinaa ho to lutf aa jaae hamaare jazb-e-darun ke liye dil-e-dauraan tamaam madh-o-sanaa ho to lutf aa jaae umang sang rahe zindagi mein rang rahe zamaana dost banaa ho to lutf aa jaae shab-e-visaal ba-roab-e-jamaal kaafir kaa anaa mein siina tanaa ho to lutf aa jaae milan ki shaam badan jaam kaam-ras ho tamaam vo ruuTh kar jo manaa ho to lutf aa jaae ghurur-e-husn mire shoK-e-fitna-saamaan kaa fanaa na ho jo fanaa ho to lutf aa jaae kaDaa safar hai kaDi dhuup hai umangon ki kahin jo saaya ghanaa ho to lutf aa jaae kisi bhi desh mein dharti ne ranj-o-gham sah kar jo koi viir janaa ho to lutf aa jaae khirad kaa ghor andheraa hai man ki chilman mein junun kaa nuur chhanaa ho to lutf aa jaae junun-taraaz koi sher 'krishn' mohan kaa fusun-e-raaz banaa ho to lutf aa jaae"
Krishna MohanKrishna Mohan
ZindagiDil
Quote
"ai asir-e-yaas kasrat ki hai tujh ko ehtiyaaj khubsurat auraton kaa qurb hai teraa 'ilaaj kaisi mushkil mein hai duniyaa-daar insaan kyaa kare ik taraf khvaahish ki shiddat ik taraf hai lok laaj dosto is haal mein jiinaa paDegaa kab talak zehn-o-dil par ek muddat se hai maayusi kaa raaj ham to us ko maante hain jaante hain us ko mard jo ki dushman se bhi le tausif-o-tahsin kaa khiraaj 'krishn-mohan' hiddat-e-gham se phunkaa hai tan-badan aur mere haal par hanstaa hai ye zaalim samaaj"
Krishna MohanKrishna Mohan
DilMaa

More on Zindagi

View all →
Quote
"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"
Farooque AdilFarooque Adil
ZindagiMaa
Quote
"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"
Ata AbidiAta Abidi
ZindagiMaa
Quote
"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"
Anees QalbAnees Qalb
ZindagiRaat
Quote
"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"
Anees QalbAnees Qalb
ZindagiYaad