hirmaan ke daaere se nikal jaanaa chaahiye — Ayaz Azmi

"tum ho qatra to qadam had se na baahar rakhnaa dil magar saat samundar ke baraabar rakhnaa zeb deti to hai dastaar magar sarv-qado sar zaraa turra-e-dastaar se baahar rakhnaa justuju apni zarurat hai talab apni gharaz kaam apnaa hai to kyon baar kisi par rakhnaa zahr-e-ehsaas ki talkhi liye ghar mat jaanaa din to kajlaayaa magar raat munavvar rakhnaa chaarpaai ke baraabar bhi faraakhi na mili paanv phailaanaa kahaan aur kahaan sar rakhnaa mauj-e-khun shoala-numaa shahr chaTakhti laashein haae kis tarah se aankhon mein ye manzar rakhnaa sehn-e-jaan taaza havaa se na ho mahrum 'ayaaz' ek divaar uThaanaa to kai dar rakhnaa"

"dhuaan dhuaan hai gham-e-gardish-e-safar se charaagh ajiib sahme hue hain havaa ke Dar se charaagh ajab tilism-kada hai ye jabr fitrat kaa ki raushni mein rahe raushni ko tarse charaagh ye khaamushi kaa bayaabaan ye shab kaa koh-e-sukut ye khvaab khvaab saa manzar ye be-khabar hai charaagh ye vaqt aisaa samundar ki jis ke daaman mein sadaf sadaf si hain raatein guhar guhar se charaagh miri ragon mein lahu ki shuaa ho ki na ho hazaar-haa hain farozaan mire hunar se charaagh main kyaa dikhaaun urus-e-ghazal kaa rang-e-jamaal abhi 'ayaaz' bahut duur hai nazar se charaagh"

"muntashir muntashir hain khvaab bahut raushni ban gai azaab bahut dil salaamat to raushni ke liye aaftaab aur maahtaab bahut qatre qatre mein hai tilism hazaar zarre zarre mein hai sairaab bahut ishrat-e-taabish-e-guhar na sahi imbisaat-e-sarishk-e-naab bahut ik hamin to nahin hain khaak-basar ham se hain khaanumaan-kharaab bahut dhuup se tamtamaa rahaa hai vajud hai abhi tez aaftaab bahut"

"na havaa-e-jaah-e-sikandari na havas ki mahfil-e-jam mile mire dost tere dayaar ki mujhe khaak zer-e-qadam mile sar-e-bazm un ki janaab mein kise taab-e-did-e-jamaal thi vo to kahiye khalvat-e-naaz mein baDi ehtiyaat se ham mile kise ab sunaaein hadis-e-gham kise dil ke daagh dikhaaein ham thi karam ki jin se umiid kuchh vahi mahv-e-kaar-e-sitam mile yahi mai-kade kaa nizaam hai yahi tarz-e-gardish-e-jaam hai ki bajaae baada-e-mushk-bu kabhi tishnagi kabhi sam mile jo nigaah zarf-shanaas ho to ye farz pir-e-mughaan kaa hai na kisi kaa jaam chhalak paDe na kisi ko zarf se kam mile vahi bazm-gah ke charaagh the thi unhi se shaukat-e-razm-gah magar aah banda-e-maslahat vahi ahl-e-saif-o-qalam mile vahaan chaak parda-e-raaz thaa baDi go-mago mein 'ayaaz' thaa jinhein apne zohd pe naaz thaa vo asir-e-zulf-e-sanam mile"

"zahr-e-gham be-mazaa nahin hotaa phir bhi kyon hausla nahin hotaa dekh letaa hai mujh mein aks apnaa aur vo khud aaina nahin hotaa saare rishte charaagh jalne tak phir koi aashnaa nahin hotaa maslahat ban gai hai mohr-e-sukut ab koi lab-kushaa nahin hotaa lab na kholo ki log kahte hain is zamaane mein kyaa nahin hotaa kyaa hanse koi muskuraae kyaa raqs-e-gul be-sabaa nahin hotaa kyaa kahein vaqt ki kamaan ko 'ayaaz' tiir koi khataa nahin hotaa"

"suraj sar ke uupar hai qadmon mein apnaa sar hai aankhein nam daaman tar hai dil ki pyaas samundar hai hangaama sab andar hai manzar phir bhi manzar hai chikhte dariyaaon kaa junun apni had se baahar hai fitrat kaa hai sehr ki dil aaina hai patthar hai ham bhi ek parinde hain barg-e-shajar apnaa ghar hai izzat shohrat rusvaai jo bhi hai jurat bhar hai dil mein uThe kyaa lahr 'ayaaz' ye bhi khushk samundar hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"