hisaab-e-vahshat sukut-e-dasht-e-zavaal mein hai — Ain Tabish

"khaaksaari thi ki bin dekhe hi ham khaak hue aur kabhi maarka-e-fath-o-zafar dekh na paae us ne dekhaa hai to phir dekhnaa kyaa ho jaae dekhte rahnaa hai zaalim ko idhar dekh na paae be-hunar dekh na sakte the magar dekhne aae dekh sakte the magar ahl-e-hunar dekh na paae ho gae khvaahish-e-nazzaara se be-khud itne dekhnaa chaahte the us ko magar dekh na paae kab use lauT ke dekheinge ye dekhaa jaae ham ne duniyaa to bahut dekh li ghar dekh na paae log jab dekhne par aae to itnaa dekhaa aankh pathraa gai aur had-e-nazar dekh na paae vo bhi kyaa dekhnaa thaa dekhne vaale bole jalva har-chand rahaa pesh-e-nazar dekh na paae diip jalte rahe taaqon mein ujaalaa na huaa aankh paaband-e-tahayyur thi udhar dekh na paae ye tayaqqun nahin hotaa thaa kidhar dekh sake ye ta'ayyun nahin hotaa thaa kidhar dekh na paae vo taghaaful thaa ki us ne hamein dekhaa hi nahin vo tasaahul thaa ki ham us ki nazar dekh na paae is qadar tez chali ab ke havaa-e-naa-bud chaah kar shahr-e-tamannaa kaa khanDar dekh na paae yuun huaa dil-zadagaan lauT gae aakhir-e-shab raat to jaag ke kaaTi thi sahar dekh na paae kis ne dekhi hai ujaalon se sulagti hui raat aur jo dekh sake khvaab-e-sahar dekh na paae"

"ab to vo zamin hai na zamaana hai udhar kaa bas ham hain idhar aur fasaana hai udhar kaa jo kuchh hai muqaabil vo muqaabil kaa nahin hai jo kuchh hai mayassar vo khazaana hai udhar kaa ik jaan jo mire paas hai nazr-e-digaraan hai ik dil jo idhar hai vo divaana hai udhar kaa tu sar pe kafan baandh ke niklaa hai udhar ko ye sheva magar jaadu-garaana hai udhar kaa ai sokhta-jaan kuchh to idhar ki bhi khabar rakh ye kyaa tujhe le de ke bahaana hai udhar kaa ab aisaa tarah-daar idhar to nahin koi dastaar bataati hai gharaanaa hai udhar kaa"

"ai mire 'aks-e-ziyaan-kaar ye ji chaahtaa hai aaina toD duun is baar ye ji chaahtaa hai ji bahut chaahtaa hai toD duun sab divaarein khuub maa'lum hai be-kaar ye ji chaahtaa hai phir vahi khvaab ki taa'bir ho jis ki naapaid aur vahi dida-e-khun-baar ye ji chaahtaa hai chahl-khaana koi aur ganj-e-giraan-maaya koi raat ho darpae-aazaar ye ji chaahtaa hai dil pe jab ranj-e-giraan-baar ziyaada ho jaae khiDkiyaan khol mire yaar ye ji chaahtaa hai aisaa saudaa ho ki ham apne hi haathon bik jaaein ham hi baazaar-o-kharidaar ye ji chaahtaa hai subh hone mein bahut der agar hoti hai toD dein raat ki divaar ye ji chaahtaa hai"

"dariyaa-e-dil mein ashk-ravaani yahi to hai yaa'ni ki is safar ki kahaani yahi to hai yak ranj-e-intizaar tamaashaa-e-be-shumaar sad be-karaani sokhta-jaani yahi to hai aakhir ko aa ke kaund gayaa barq ki tarah harf-e-vidaa' us ki nishaani yahi to hai ik raat jaise Thahri rahegi tamaam 'umr anjaam-kaar dil pe giraani yahi to hai yaa'ni bichhaDte vaqt hamein chain aa gayaa divaar-e-ehtiyaat uThaani yahi to hai"

"ghazaal ko jaantaa hai vahshat ko jaantaa hai ye dasht teri miri mohabbat ko jaantaa hai hazaar ghar ki udaasiyon ko na jaantaa ho charaagh paagal havaa ki himmat ko jaantaa hai ye aakhir-e-shab ki hichkiyaan jaanti hain sab kuchh guzarne vaalaa khumaare-rehlat ko jaantaa hai vo aazmaaish hai jaan kar kaun jaan paae vo jaantaa hai jo vajh-e-rukhsat ko jaantaa hai ye baat ghar ki hai ahl-e-duniyaa ko kyaa khabar ho ye dil hi kuchh teri meri kulfat ko jaantaa hai"

"kai mausam andheri raat ke album se nikle to ham bhi haath baandhe ik hisaar-e-gham se nikle 'ajab hairat mein the khvaabon nahaae phuul chehre bhari barsaat mein jab girya-e-paiham se nikle rakhaa thaa aatish-e-sayyaal par namnaak manzar vo bas ik vahm thaa jis huzn ke 'aalam se nikle dam-e-rukhsat bahut ashkon ne ki thi chaara-saazi tilism-e-aab jaise qatra-e-zamzam se nikle sukut-e-shab mein ik hangaama barpaa ho gayaa thaa puraane kuchh dar-o-divaar jab album se nikle sukut-e-vaqt ne hangaama barpaa kar diyaa thaa puraane gumbad-o-mehraab jab album se nikle"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"