is raaste mein jab koi saaya na paaegaa — Azhar Inayati

"qayaamat aaegi maanaa ye haadisa hogaa magar chhupaa huaa manzar to runumaa hogaa musaahibon mein ghire honge zill-e-subhaani ghanim shahr ko taaraaj kar rahaa hogaa abhi fazaa mein thi ik tez raushni ki lakir na jaane TuuT ke taaraa kahaan giraa hogaa aziiz mujh se thaa inaam mere sar kaa use raiis ek hi shab mein vo ho gayaa hogaa hui jo baat to vo aam aadmi niklaa gumaan thaa ki nae rukh se sochtaa hogaa rahegaa saamne kab tak ye nilgun manzar ye aasmaan kahin khatm to huaa hogaa ajab safar hai mujhe bhi pataa nahin 'azhar' ki agle moD pe kirdaar meraa kyaa hogaa"

"kitaabein jab koi paDhtaa nahin thaa fazaa mein shor bhi itnaa nahin thaa ajab sanjidgi thi shahr bhar mein ki paagal bhi koi hanstaa nahin thaa baDi maasum si apnaaiyat thi vo mujh se roz jab miltaa nahin thaa javaanon mein tasaadum kaise ruktaa qabile mein koi buDhaa nahin thaa puraane ahd mein bhi dushmani thi magar maahaul zahrilaa nahin thaa sabhi kuchh thaa ghazal mein us ki 'azhar' bas ik lahja mire jaisaa nahin thaa"

"abhi bichhDaa hai vo kuchh roz to yaad aaegaa naqsh raushan hai magar naqsh hai dhundlaaegaa ghar se kis tarah main niklun ki ye maddham saa charaagh main nahin hungaa to tanhaai mein bujh jaaegaa ab mire baad koi sar bhi nahin hogaa tulua ab kisi samt se patthar bhi nahin aaegaa meri qismat to yahi hai ki bhaTaknaa hai mujhe raaste tu mire hamraah kidhar jaaegaa apne zehnon mein rachaa lijiye is daur kaa rang koi tasvir banegi to ye kaam aaegaa itne din ho gae bichhDe hue us se 'azhar' mil bhi jaaegaa to pahchaan nahin paaegaa"

"kyaa kyaa navaah-e-chashm ki raanaaiyaan gaiin mausam gayaa gulaab gae titliyaan gaiin jhuTi siyaahiyon se hain shajre likhe hue ab ke hasab-nasab ki bhi sachchaaiyaan gaiin kis zehn se ye saare mahaazon pe jang thi kyaa fath ho gayaa ki saf-aaraaiyaan gaiin karne ko raushni ke taaaqub kaa tajraba kuchh duur mere saath bhi parchhaaiyaan gaiin aage to be-charaagh gharon kaa hai silsila mere yahaan se jaane kahaan aandhiyaan gaiin 'azhar' miri ghazal ke sabab ab ke shahr mein kitni nai puraani shanaasaaiyaan gaiin"

"diyon se aag jo lagti rahi makaanon ko mah o nujum jalaa dein na aasmaanon ko mire qabile mein kyaa shahr bhar se mil dekho koi bhi tiir nahin detaa be-kamaanon ko shikastagi ne giraa diin saron pe divaarein mukhaasimat thi makinon se kyaa makaanon ko ye sochtaa huun vo kyaa husn-kaar tesha thaa jo aaise naqsh ataa kar gayaa chaTaanon ko yahi karegi kisi samt kaa taayyun bhi isi havaa ne to kholaa hai baadbaanon ko jahaan zidein kiyaa kartaa thaa bachpanaa meraa kahaan se laaun khilaunon ki un dukaanon ko"

"is bulandi pe kahaan the pahle ab jo baadal hain dhuaan the pahle naqsh miTte hain to aataa hai khayaal ret par ham bhi kahaan the pahle ab har ik shakhs hai ezaaz talab shahr mein chand makaan the pahle aaj shahron mein hain jitne khatre jangalon mein bhi kahaan the pahle log yuun kahte hain apne qisse jaise vo shaah-jahaan the pahle TuuT kar ham bhi milaa karte the bevafaa tum bhi kahaan the pahle"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"