is se pahle nazar nahin aayaa — Rasa Chughtai

"kahaan jaate hain aage shahr-e-jaan se ye bal khaate hue raste yahaan se vahaan ab khvaab-gaahein ban gai hain uThe the aab-dida ham jahaan se zamin apni kahaani kah rahi hai alag andesha-e-sud-o-ziyaan se inhin bante-bigaDte daaeron mein vo chehra kho gayaa hai darmiyaan se uThaa laayaa huun saare khvaab apne tiri yaadon ke bosida makaan se main apne ghar ki chhat par so rahaa huun ki baatein kar rahaa huun aasmaan se vo in aankhon ki mehraabon mein har shab sitaare Taank jaataa hai kahaan se 'rasaa' is aabnaa-e-roz-o-shab mein damakte hain kanval faanus-e-jaan se"

"miTTi jab tak nam rahti hai khushbu taaza-dam rahti hai apni rau mein mast o ghazal-khvaan mauj-e-havaa-e-gham rahti hai un jhiil si gahri aankhon mein ik lahar si har dam rahti hai har saaz judaa kyuun hotaa hai kyuun sangat baaham rahti hai kyuun aangan TeDhaa lagtaa hai kyuun paayal barham rahti hai ab aise sarkash qaamat par kyuun tegh-e-mizha kham rahti hai kyuun aap pareshaan rahte hain kyuun aankh 'rasaa' nam rahti hai"

"jab bhi teri yaadon kaa silsila saa chaltaa hai ik charaagh bujhtaa hai ik charaagh jaltaa hai shart-e-gham-gusaari hai varna yuun to saaya bhi duur duur rahtaa hai saath saath chaltaa hai sochtaa huun aakhir kyuun raushni nahin hoti daagh bhi ubharte hain chaand bhi nikaltaa hai kaise kaise hangaame uTh ke rah gae dil mein kuchh pata magar un kaa aansuon se chaltaa hai vo surud-e-kaif-aagin soz-e-gham jise kahiye zindagi ke naghmon mein Dhalte Dhalte Dhaltaa hai"

"sar uThaayaa to sar rahegaa kyaa khauf ye umr-bhar rahegaa kyaa us ne zanjir kar ke rakkhaa hai ham se vo be-khabar rahegaa kyaa paanv rahte nahin zamin pe tire haath dastaar par rahegaa kyaa vo jo ik khvaab ham ne dekhaa thaa khvaab hi umr-bhar rahegaa kyaa mar rahe hain firaaq mein tere tu hamein maar kar rahegaa kyaa ishq-e-khaana-kharaab tere baad koi aabaad ghar rahegaa kyaa ham na honge to ye jahaan-e-tilism ye fareb-e-nazar rahegaa kyaa teraa apnaa nahin tiraa saayaa tere zer-e-asar rahegaa kyaa mauj apni jagah kinaaraa hai ye kinaaraa magar rahegaa kyaa Dubnaa thaa jise vo Duub gayaa tu bhi ab Duub kar rahegaa kyaa aaj kyaa be-ufuq rahegi shaam be-sitaara safar rahegaa kiyaa dekh kar un pari-nizhaadon ko aaina khud-nigar rahegaa kyaa apne bas mein rahegi kyaa aandhi apne bal par shajar rahegaa kyaa shahr mein vo jidhar rahegaa rasaa shahr saaraa udhar rahegaa kyaa"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"choT par choT khaa rahaa huun main 'aadatan muskuraa rahaa huun main us ke uupar to kuchh asar hi nahin apnaa dil kyon jalaa rahaa huun main aaj tanhaai mein jo baiThe ho kyaa tumhein yaad aa rahaa huun main kaun aaegaa mujh se milne ko apnaa ghar kyon sajaa rahaa huun main aaj ji bhar ke dekh lo mujh ko ab bahut duur jaa rahaa huun main kyaa tumhein ab bhi kuchh shikaayat hai ab to sab kuchh kamaa rahaa huun main haath mein Digriyaan sajaae hue Thokarein kitni khaa rahaa huun main ab mujhe peT in se bharnaa hai ye jo khanjar banaa rahaa huun main kal koi is ko bhi na chhoDegaa ye jo paudaa lagaa rahaa huun main"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"