jab ghar se vo baad-e-maah nikle — Mushafi Ghulam Hamdani

"narmi-e-baalish-e-par ham ko nahin bhaati hai dam-e-shamshir pe sar rakkhein to niind aati hai kyaa buri khu hai miri bhi ki ba-in daava-e-aql main bhi jaataa huun vahaan jaan jahaan jaati hai naa-qubul itnaa huun murde ko mire baad-az-marg gor mein rakkhein to miTTi bhi nahin khaati hai husn dekhaa hai magar hind ki tasvirein kaa lailaa baazaar mein shakl apni jo badlaati hai na bachegaa koi hargiz jo hai rukh ki ye safaa na jiyegaa koi mutlaq jo ye khush gaati hai khair-sallaa se nasim-e-sahari ghar jaave kar ke zikr-e-rukh-e-gul kyuun mujhe piTvaati hai sitam-baad-e-khizaan se jo koi gul ki kali shaakh par khushk ho rah jaati hai murjhaati hai be-kasi apni kaa aalam mujhe aa jaae hai yaad ki garebaan mein miraa sar yunhi jhukvaati hai 'mushafi' ki koi ummid to bar laa yaa-rab! muddaton se ye tire dar kaa munaajaati hai"

"munh mein jis ke tu shab-e-vasl zabaan detaa hai subh tak maare maze hi ke vo jaan detaa hai bosa dene ko to kahtaa hai vo mujh se lekin main jo chaahun ki abhi de so kahaan detaa hai naaqa-gar gum na kare raah to khud reg-e-ravaan ustukhvaan reza-e-majnun kaa nishaan detaa hai subh-khezon ko bhi maut aa gai kyaa hijr ki shab murgh bole hai na mullaa hi azaan detaa hai kuchh to jagah hai miri dil mein bhi us ke varna ghairon ko yuun koi pahlu mein makaan detaa hai dil o jaan mujh se vo maange hai bahaa-e-bosa hai to saudaa bahut achchhaa pe giraan detaa hai ye dam-e-sard hai kis kaa ki har ik nakhl-ba-baagh yaad-e-be-bargi-e-ayyaam-e-khizaan detaa hai phuul jhaDte hain munh us ke se hazaaron mujh ko gaaliyaan gar kabhi vo ghuncha-dahaan detaa hai jaan darvaaze par us ke hi main jaa kar dungaa iztiraab-e-dil agar mujh ko amaan detaa hai 'mushafi' main hadaf-e-naaz huun aur vaan ghamza dam-ba-dam dast-e-taghaaful mein kamaan detaa hai"

"jaane de Tuk chaman mein mujhe ai sabaa sarak kyuun chheDti hai tu mujhe naa-aashnaa sarak jaise andheri raat mein bijli chamak gai us rukh se shab gai jo vo zulf-e-dotaa sarak aasaar-e-marg mujh mein huvaidaa hue magar jab paas se gae mire sab aashnaa sarak kahtaa hai vaqt-e-nazaa mariz us kaa us se yuun lagne de meri aankh tu is dam zaraa sarak mayyat se meri guzre hai jis dam vo baad-e-qatl laasha kahe hai khuun se daaman bachaa sarak poron pe Dore baandhe hain us par shuur ne taa us ke funduqon ki na jaave hinaa sarak shab ikhtilaat se vo mire kyaa khafaa huaa had se gai ziyaada jo angusht-e-paa sarak dhaDke hai be-tarah se ye pahlu mein raat din Dartaa huun zakhm-e-dil ki na jaave davaa sarak karne de mere khuun ko aaraam khaak mein ai shor-e-hashr us ko abhi mat jagaa sarak ye kyaa ghazab huaa ki na khanjar lagaa na tiir pahlu se aaphi aap miraa dil gayaa sarak khvaab-e-adam se main abhi chaunkaa huun duur ho ai subh-e-gham na apnaa mujhe munh dikhaa sarak pichhe mire paDaa hai tu kyuun ghar ki raah le rusvaa kare gaa kyaa mujhe bahr-e-khudaa sarak kyaa be-hayaa hai jo nahin Taltaa tu 'mushafi' sau baar main ne tujh ko divaane kahaa sarak"

"ne zakhm-e-khun-chakaan huun na halq-e-burida huun aashiq huun main kisi kaa aur aafat-rasida huun hasti se apni mujh ko nahin mutlaq aagahi umr-e-guzishta yaa ki ghazaal-e-ramida huun nikle hai meri vaza se ik shorish-e-junun dariyaa nahin main sail-e-girebaan-darida huun murghaan-e-baagh mein mire naale kaa shor hai har-chand main abhi nafs-e-naa-kashida huun pahunche sazaa ko apni jo munh par mire chaDhe main dast-e-rozgaar mein tegh-e-kashida huun jaataa hai jald qaafila-e-umr kis qadar mohlat nahin hai itni ki Tuk aarmida huun kaun uTh gayaa hai paas se mere jo 'mushafi' rotaa huun zaar zaar paDaa aab-dida huun"

"kyaa khinche hai khud ko duur allaah allaah-re tiraa ghurur allaah husn aisaa kahaan hai mahr-o-mah mein kuchh aur hi hai ye nuur allaah ham ne to ba-chashm-e-khvesh dekhaa har shai mein tiraa zuhur allaah ham hain tire bande mere saahib go shaikh ko deve huur allaah pahlu se mire nikal gayaa but kyaa mujh se huaa qusur allaah jis dam mein karun huun naala dil se uThtaa hai kitnaa shor allaah ai 'mushafi' haq nahin samajhtaa kitnaa huun main be-shuur allaah"

"dil siine mein betaab hai dildaar kidhar hai koi mujh ko bataa do vo miraa yaar kidhar hai ham kab ke chaman-zaar mein behosh paDe hain maa'lum nahin gul kidhar aur khaar kidhar hai us gul kaa pataa gar nahin dete ho to yaaro itnaa to bataa do dar-e-gulzaar kidhar hai dil chinne vaale koi ghar baiTh rahein hain puchhein hain yahi rasta-e-baazaar kidhar hai dekhaa mujhe kal us ne to ghairon se ye bolaa laao bhi shitaabi miri talvaar kidhar hai yaan ho rahaa hai siina miraa aagu hi chhalni DhunDe hai kahaan tiir ko sofaar kidhar hai ahvaal nipaT tang hai bimaar kaa tere is vaqt tu ai aaina-rukhsaar kidhar hai shirin-sukhanaan sab hi shakar bechein hain lekin insaaf karo josh-e-kharidaar kidhar hai barson na mile us se to us shokh ne ham ko puchhaa na kabhi 'mushafi'-e-zaar kidhar hai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"