jaur-e-zamin na thaa sitam-e-aasmaan na thaa — Mirza Altaf Husain Alim Lucknowi

"main shama-e-bazm-e-aalam-e-imkaan kiyaa gayaa insaaniyat ko dekh ke insaan kiyaa gayaa ab mere imtihaan kaa saamaan kiyaa gayaa yaani supurd-e-aalam-e-imkaan kiyaa gayaa mahfuz main ne rakkhe junun ke tabarrukaat daaman agar phaTaa to garebaan kiyaa gayaa tai kar ke irtiqaa ke manaazil ko shauq se pahunchaa jab apne had pe to insaan kiyaa gayaa sach puchhiye to kyaa thaa faqat ek khaar-zaar mere liye jahaan ko gulistaan kiyaa gayaa dariyaa to aur bhi the zamaane mein be-shumaar aab-e-hayaat chashma-e-haivaan kiyaa gayaa kuchh aur raushni kaa baDhaa husn yaa nahin faanus mein jo shoale ko pinhaan kiyaa gayaa"

"sar-o-gardan ki judaai dekho tegh-e-qaatil ki safaai dekho tegh lachkaa ke uThaai dekho na muDak jaae kalaai dekho mujh se kahtaa hai lahu mal ke miraa ye mire dast-e-hinaai dekho mahfil-e-yaar talak pahunchaayaa meri qismat ki rasaai dekho TuuT jaae na hamaari tauba phir ghaTaa charkh pe chhaai dekho main kahaan aur kahaan rifat-e-arsh magar aahon ki rasaai dekho kyuun bigaDte ho kisi se 'aalim' apni qismat ki buraai dekho"

"myaan se teraa agar khanjar nikal kar rah gayaa mere bhi dil mein baDaa armaan sitamgar rah gayaa kyaa faqat kuche mein tere meraa bistar rah gayaa balki mujh se chhuT kar dil hi kahin par rah gayaa mai-kashon ke daur mein baiThe the ham bhi baa-nasib ab to khaali haath mein saaqi ke saaghar rah gayaa mere kis armaan ne mere qatl se rokaa tujhe jo kamar se tere yuun khanjar nikal kar rah gayaa dar tak us ke main pahunch jaaungaa ye kahtaa huaa tere kuche mein miraa bhule se bistar rah gayaa maut aai hai mujhe lene ko ye kah de koi rahne vaalaa mar gayaa ujDaa huaa ghar rah gayaa vaae-naakaami ki uDne bhi na paayaa thaa abhi baandhte hi naama baazu-e-kabutar rah gayaa dil ki maayusi na puchho jab vo pahlu se uThe kar hi kyaa saktaa thaa taDpaa aur taDap kar rah gayaa sab ko lauh-e-qabr meraa bhi yuun hi degi nishaan aaine se jis tarah naam-e-sikandar rah gayaa ishq us ke gesuon kaa kyaa huaa 'aalim' mujhe saare aalam kaa jo saudaa thaa mire sar rah gayaa"

"ghir ke ghabraate na the hijr ke aazaaron mein jab ki taaqat thi kabhi aap ke bimaaron mein le ke ham dil gae kahte ye jafaa-kaaron mein kaun letaa hai ise itne kharidaaron mein di rihaai mujhe sayyaad ne ai vaae nasib dakhl jab fasl-e-khizaan kaa huaa gulzaaron mein mere marne kaa huaa ranj har ik qaidi ko ki hai kohraam bapaa tere giraftaaron mein dast-e-naazuk se mujhe jaam diyaa saaqi ne aabru baDh gai aur aaj se mai-khvaaron mein aatish-e-hijr se kyaa Dar jo tiri marzi se raat kar deinge basar loT ke angaaron mein pheink denaa na kahin bhuul ke hangaam-e-sahar dil bhi lipTaa hai inhin sukhe hue haaron mein naala-e-bulbul-e-shaidaa na jise phaand sake ye bulandi to nahin baagh ki divaaron mein niklaa vo tir-e-nigah bhi to ye kah kar niklaa meraa daaman na ulajh jaae kahin khaaron mein yuun sunaai gai hai us ko khabar 'aalim' ki mar gayaa koi tire taaza giraftaaron mein"

"lijiye khatm huaa gardish-e-taqdir kaa rang aaiye dekhiye miTti hui tasvir kaa rang ham ne jheli hain zamaane mein kashish ki kaDiyaan ham se puchhe koi bigDi hui taqdir kaa rang zikr-e-tadbir abas fikr-e-rihaai be-sud jab ki miTtaa nazar aane lagaa taqdir kaa rang ham bhi aae hain kafan baandh ke sar se qaatil dekhnaa hai tiri chalti hui shamshir kaa rang kyaa bataaun main tumhein soz-e-darun ki had ko din mein sau baar badal jaataa hai zanjir kaa rang uf re vo zor-e-javaani ki ilaahi tauba aaina toD ke niklaa tiri tasvir kaa rang ham samajhte hain zamaane ki ravish ko 'aalim' ham ne dekhaa hai badalte hue taqdir kaa rang"

"daad milti nazar-e-ahl-e-nazar se pahle maut aati jo kahin dil ko jigar se pahle tasfiya karte na hangaam-e-sahar se pahle puchh lete kisi maayus nazar se pahle meraa marnaa tumhein ho jaaegaa khud hi maalum dil taDap uTThegaa siine mein khabar se pahle tum to kahte the ki main dard kaa qaail hi nahin kaun chikhaa mire naalon ke asar se pahle naam jis chiiz kaa hai maut jahaan mein mashhur vaaqia ye to huaa dard-e-jigar se pahle aaj ki raat to kuchh aur khabar deti hai ho munaasib to chale aanaa sahar se pahle ek bijli si miri aankhon ke andar kaundi aur iraada jo huaa azm-e-safar se pahle roi majburiyon par chaaragaron ki qismat mar gayaa aap kaa bimaar sahar se pahle main bhi samjhaa huun tire naqsh-e-qadam kaa matlab main bhi guzraa thaa isi raahguzar se pahle"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"