judaa ho ke ham se buton se milaa dil — Abdul Ghafoor Nassakh

"jis ne tiri bebaak adaa ko nahin dekhaa vallaah ki aankhon se fazaa ko nahin dekhaa kyuun mujh ko sunaae na bhalaa qissa-e-jannat vaaiz ne tire mehr-o-vafaa ko nahin dekhaa afsos ki sun hi ke abhi hanste ho afsos tum ne jo agar aah-o-bukaa ko nahin dekhaa ghabraae hue phirti hai kyuun mere tarah se taasir ne kyaa meri duaa ko nahin dekhaa bebaakiyaan dekhin hain tiri bazm-e-adu mein aankhon mein tiri sharm-o-hayaa ko nahin dekhaa kahte hain ghalat hovegaa dushman kaa guzar khaak kuche mein tire baad-e-sabaa ko nahin dekhaa maalum nahin tum ko vafaa kahte hain kis ko tum ne abhi arbaab-e-vafaa ko nahin dekhaa kyaa khaak ho ummid mujhe us se vafaa ki main ne to kabhi us ki jafaa ko nahin dekhaa naazaan na hon kyuun khizar bhalaa umr pe apni hazrat ne tiraa zulf-e-rasaa ko nahin dekhaa parde se nikalte nahin aur kahte hain mujh se pahchaanoge kyaa ham ko khudaa ko nahin dekhaa aage tiri aankhon ke jhukaae hue aankhein kab aahu-e-baavar-ba-khataa ko nahin dekhaa kyuun hazrat-e-musaa ki tarah naash mein 'nassaakh' gar tum ne but-e-hosh-rubaa ko nahin dekhaa"

"naqsh-e-dil hai sitam judaai kaa shauq phir kis ko aashnaai kaa chakhte hain ab mazaa judaai kaa ye natija hai aashnaai kaa un ke dil ki kudurat aur baDhi zikr kijiye agar safaai kaa dekh to sang-e-aastaan pe tire hai nishaan kis ki jabha-saai kaa tere dar kaa gadaa jo hai ai dost aish kartaa hai baadshaai kaa dukhtar-e-raz ne kar diyaa baatil mujh ko daavaa thaa paarsaai kaa karte hain ahl-e-aasmaan charchaa mere naalon ki naa-rasaai kaa kaaT Daalo agar zabaan pe mire harf aayaa ho aashnaai kaa kar ke sadqe na chhoD dein 'nassaakh' dil ko dhaDkaa hai kyuun rihaai kaa"

"zaahiran maut hai qazaa hai ishq par haqiqat mein jaan-fazaa hai ishq detaa hai laakh tarah se taskin maraz-e-hijr mein davaa hai ishq taa-dam-e-marg saath detaa hai ek mahbub-e-baa-vafaa hai ishq dekh 'nassaakh' gar na hotaa kufr kahte be-shubah ham khudaa hai ishq"

"piiri mein shauq hausla-farsaa nahin rahaa vo dil nahin rahaa vo zamaana nahin rahaa kyaa zikr-e-mehr us ki nazar mein hai dil vo khvaar shaayaan-e-jaur-o-zulm dil-aaraa nahin rahaa jhagDaa miTaa diyaa but-e-kaafir ne diin kaa ab kuchh khilaaf-e-momin-o-tarsaa nahin rahaa ushshaaq-o-bul-havas mein nahin karte vo tamiz vaan imtiyaaz-e-nek-o-bad aslaa nahin rahaa kyuun bahr-e-sair aane lage gul-rukhaan-e-dahr piiri mein dil sazaa-e-tamaashaa nahin rahaa kah do ki qabr-e-naash bhi ki us ki paaemaal naam-o-nishaan-e-aashiq-e-rusvaa nahin rahaa ab tak yahaan hai ijz o niyaaz o vafaa ki dhuum vaan lutf o iltifaat o madaaraa nahin rahaa kashti baghair dasht-navardi ho kis tarah ashkon se bahr ho gayaa sahraa nahin rahaa masti mein raat vo na khule mujh se ham-nashin kuchh e'tibaar-e-nashsha-e-sahbaa nahin rahaa kyuun jaaein phir ke kaabe se 'nassaakh' dair ko vo sar nahin rahaa vo saudaa nahin rahaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"