kar rahaa hai qiyaam aankhon mein — Harshit Mishra

"sher-goi ke is aazaar mein shal hone tak mustaqil sochtaa rahtaa huun ghazal hone tak teri qurbat se kai raaz khule hain mujh par dil muamma thaa mujhe ishq mein hal hone tak bistar-e-marg pe huun aur ye puchhun sab se niind aa jaaegi kyaa subh-e-ajal hone tak dhundhle dhundhle se nazar aate the manzar mujh ko sinf-e-goyaai ko aankhon kaa badal hone tak khaak bas khaak hi hoti hai rag-e-jaan ke baghair hukm bas hukm hi rahtaa hai amal hone tak kitne haathon ko qalam kar diyaa jaataa hai yahaan turbat-e-ishq ko ik taaj-mahal hone tak kal mujhe vasl ke imkaan bahut hain 'harshit' umr lagti hai magar aaj se kal hone tak"

"lakhnau shahr mein sab kuchh hai dil-aavez yahaan fikr 'harshit' ki hui aur bhi zarkhez yahaan un ki takmil na ho paai alag baat magar kis ki aankhein na huiin khvaab se labrez yahaan us ne takhliq-e-sukhan ke liye bakhshaa hai qalam ham bhi karte nahin tanqid se parhez yahaan she'r kahnaa bhi to mushkil hai tire hijr ke baa'd pen kahin baks kahin lamp kahin mez yahaan vahshatein naach rahi hain yahaan chaaron jaanib shahr kaa shahr hi lagtaa hai junun-khez yahaan ham se sambhleinge nahin aap ki taa'rif ke pul aur chalti hain havaaein bhi bahut tez yahaan"

"khatm kar deti hai khud hi faasla mere liye us ki khushbu le ke aati hai havaa mere liye main ne jis jis kaa dukhaayaa dil vo sab jaate rahe ab nadaamat lafz kaa matlab bhi kyaa mere liye koi ab bhi dil ke mandir mein jalaataa hai diye koi to kartaa hai ab bhi ratjagaa mere liye haath ke chhaalon ne kar li aaj phir se khud-kushi mere bachchon ne kahaa jab kyaa kiyaa mere liye apni ulfat ke hazaaron rang bhar dungaa janaab jab koi tasvir bhejegaa khudaa mere liye kis liye duniyaa mein rahne aa gae jannat se ham koi to ban jaae ab uqda-kushaa mere liye azm-e-mohkam dekh kar is zindagi ki raah mein manzilein khud tai kareingi raasta mere liye main ne chhoDi hi nahin ab tak amal ki rassiyaan jo bhi hai achchhaa hai sab us kaa likhaa mere liye"

"phir vahi baam-o-dar ki tasvirein ghar ke baahar bhi ghar ki tasvirein ye hamaaraa kamaal hai varna kaun khinche hai Dar ki tasvirein kyaa koi jang hone vaali hai khvaab mein thiin sipar ki tasvirein baiThe baiThe banaa rahaa huun main uDti uDti khabar ki tasvirein khushk aankhon se main ne khinchi hain ek sukhe shajar ki tasvirein ik nayaa zaaviya talaash mein hai dekh lein har nazar ki tasvirein dil ke hujre mein Taang rakkhi hai 'mir' 'ghaalib' 'jigar' ki tasvirein aap gar khinch lein to main maanun is taraf se udhar ki tasvirein"

"musibat kaa ye lamha kaaTnaa hai mujhe auron se achchhaa kaaTnaa hai daraanti fikr ki paini karungaa mujhe misre ko thoDaa kaaTnaa hai abhi maidaan se baahar na honge hamein kuchh din to jalva kaaTnaa hai ghanim-e-mulk se jiteinge ham hi zaraa ik aadh dasta kaaTnaa hai bichhaD kar us se zinda huun abhi tak aziyyat kaa ye vaqfa kaaTnaa hai amal ke nit-nae teshe banaa kar mujhe qismat kaa likkhaa kaaTnaa hai buraa to kaaT leinge vaqt tanhaa tumhaare saath achchhaa kaaTnaa hai main us se muskuraa kar hi milungaa khushi se aaj ghussa kaaTnaa hai anaa ki tegh ko kuchh tez kar lo faqiro tum ko rutba kaaTnaa hai hamaaraa ishq ho paayaa na kaamil so ab auron kaa pattaa kaaTnaa hai"

"us ke dil tak nahin pahunchaa koi rasta sidhaa is liye kahne lagaa ishq ko ulTaa-sidhaa jis tarah se vo bataate hain tujhe uzr apne is kaa matlab to taghaaful hi hai sidhaa sidhaa ham agar tujh mein samaa jaaein to hairat kaisi aa ke girtaa hai samandar mein hi dariyaa sidhaa ham ne us naam ki hurmat ko bachaae rakkhaa log karte rahe jis naam pe paisaa sidhaa kyon mujhe biich mein khinchaa gayaa maalum nahin meraa khud se to nahin thaa koi jhagDaa sidhaa is zamaane ki mohabbat ke usulon pe chalein is zamaane mein bhalaa kaun hai itnaa sidhaa kis ke kirdaar ke azmat ki duhaai main duun nek laDki hai koi aur na laDkaa sidhaa main agar bhaag bhi niklun to bhaTak jaaungaa shahr-e-qaatil mein nahin ek bhi rastaa sidhaa bahr-o-bar mein vahi gum-gashta huaa hai 'harshit' ishq ki raah ko jis jis ne bhi samjhaa sidhaa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"