kaTaa na koh-e-alam ham se kohkan ki tarah — Athar Nadir

"raat aangan mein chaand utraa thaa tum mile the ki khvaab dekhaa thaa ab ki khud hain hisaar-e-zaat mein band varna apnaa bhi zor chaltaa thaa shisha-e-dil pe aisi choT paDi ek lamhe mein reza reza thaa us ke kuche ke ho liye varna raasta har taraf nikaltaa thaa rut jo badli to ye bhi dekh liyaa patta patta zamin pe bikhraa thaa ek khushbu hai jaani pahchaani is kharaabe mein kaun rahtaa hai mom ki tarah vo pighal saa gayaa vo jo patthar ki tarah lagtaa thaa ab ki sunte nahin ho baat magar phir kahoge ki koi kahtaa thaa raat sunsaan thi magar 'naadir' hashr saa dil mein ek barpaa thaa"

"ham ko maalum hai baaton ki sadaaqat teri log kyaa kyaa nahin karte hain shikaayat teri malka-e-husn nahin phir bhi tu ai jaan-e-vafaa achchhi lagti hai bahut hi mujhe surat teri koi mushkil bhi ho khaatir mein na laate the kabhi hausla kitnaa baDhaati thi rifaaqat teri tu hi batlaa ki bhalaa tujh ko bhulaaein kyuun kar saamne aankhon ke aa jaati hai surat teri kyaa kahein ham ki guzar jaati hai dil par kyaa kyaa yaad aati hai jo rah rah ke inaayat teri log kyaa saada hain ummid-e-vafaa rakhte hain jaise maalum nahin un ko haqiqat teri ab kahaan rahtaa hai kyaa kartaa hai 'naadir' mere muddaton baad nazar aati hai surat teri"

"main ki khud apne khayaalaat kaa zindaani huun teri har baat ko kis tarah gavaaraa kar luun sahraa sahraa jo phiraa kartaa hai teri khaatir haae vo shakhs jise kahti hai duniyaa majnun dil ne go laakh ye chaahaa ki bhulaa duun tujh ko yaad ne teri magar aaj bhi maaraa shab-khun kis kharaabe mein hamein laai hai vahshat ki jahaan koi divaar na dar hai na koi baam-o-sutun aap ghazlein jo kahaa karte hain 'naadir'-saahab kyaa milaa kartaa hai is tarah bhi kuchh dil ko sakun"

"kuchh is adaa se vo mere dil-o-nazar mein rahaa ba-qaid-e-hosh bhi main aalam-e-digar mein rahaa khud apni zaat pe mujh ko bhi ikhtiyaar na thaa tamaam-umr main ik halqa-e-asar mein rahaa vo ishq jis ki zamaane ko bhi khabar na rahi tire bichhaDne se rusvaa nagar nagar mein rahaa rah-e-hayaat mein teri rifaaqatein na sahi tiraa khayaal to har-dam mujhe safar mein rahaa gham-e-zamaana ne kis ko mafar hai ai 'naadir' sukun-e-qalb kahaan ab kisi hunar mein rahaa"

"gham ke maaron kaa hai sahaaraa chaand kitnaa achchhaa hai kitnaa pyaaraa chaand zard chehra hai chaandni phiki kahin furqat kaa ho na maaraa chaand tu har ik kaa hai aur kisi kaa nahin log kahte rahein hamaaraa chaand ham jahaan jaaein jis taraf jaaein saath rahtaa hai ye dil-aaraa chaand baDh gai aur dil ki betaabi jaane kyaa kar gayaa ishaaraa chaand ham tire paas khud chale aae teri duuri nahin gavaaraa chaand raat-bhar saath thaa magar 'naadir' subh-dam kar gayaa kinaaraa chaand"

"tu khush-nasib hai har shakhs hai asiron mein likhaa huaa hai tire haath ki lakiron mein jo ho sake to mujhe bhi kahin talaash karo main kho gayaa huun khayaalaat ke jaziron mein ye inqilaab-e-zamaana nahin to phir kyaa hai amir-e-shahr jo kal thaa vo hai faqiron mein hamein ye chaahiye hushiyaar rahbaron se rahein ki zahr bhi hain lage maslahat ke tiron mein saDak pe ho gayaa phir koi haadisa shaayad ik iztiraab saa lagtaa hai raahgiron mein khulus-e-fan hi to 'naadir' kaa hai ki shaamil hai ab us kaa naam bhi shahr-e-sukhan ke miron mein"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"

"jahaan-e-dard-o-gham hai aur main huun tiraa naqsh-e-qadam hai aur main huun kisi ki aankh nam hai aur main huun vufur-e-shauq kam hai aur main huun mujhe hai daulat-e-kaunain haasil mire rab kaa karam hai aur main huun main apne aap ko pahchaantaa huun miraa apnaa bharam hai aur main huun yahi kyaa kam hai duniyaa-e-vafaa mein mujhe ehsaas-e-gham hai aur main huun kisi ki yaad kaa ehsaan hai mujh par sukun-e-dil baham hai aur main huun mujhe 'mahmud' koi Dar nahin hai miraa apnaa qalam hai aur main huun"