khun-e-dil hai nikhaar kaanTon par — Abdur Rauf Urooj

"na jaane kyaa miri vahshat ne khvaab dekhaa hai tamaam shahr pe raaton kaa sakht pahraa hai khud aaj apni lakiron mein DhunDhtaa hai panaah vo ek haath jo taqdir ko badaltaa hai ma’ishaton ke jahannum mein jal rahe hain badan jahaan mein ruuh ki aasudgi kaa charchaa hai kisi ko sirf shagufe kisi ko sirf sharar na jaane ab ke bahaaron kaa faiz kaisaa hai nahin hai ham mein sulaimaan koi magar ham se zamaana qaaf ki pariyon ki baat kartaa hai kuchh ab ke aur bhi zakhmon ki aag tez hui 'uruj' un ke tabassum mein zahr kaisaa hai"

"chaand se pyaar sitaaron se shanaasaai bhi ham ne dekhi hai gham-e-dost ki rusvaai bhi jalva-e-shahr-e-nigaar aur nikhar aur sanvar ham mein divaane bhi maujud hain saudaai bhi jalva-e-shahr-e-nigaar aur nikhar aur sanvar ham mein divaane bhi maujud hain saudaai bhi zehn mein yuun tiri yaadon ke nashe lahraae ban gayaa giit sukut-e-shab-e-tanhaai bhi aao phir lahja-e-gul mein koi afsaana kahein salb hoti hai kahin quvvat-e-goyaai bhi ai gham-e-dost tiraa kaise buraa chaaheinge jin se dekhi na gai ghair ki rusvaai bhi hai vahi qaafila-e-fikr-o-nazar aur 'uruj' zindagi shaah-nashinon se utar aai bhi"

"ba-qadr-e-did na the teri anjuman ke charaagh miri nigaah farozaan hui hai ban ke charaagh hazaar baad-e-havaadis hazaar sarsar-e-gham jalaa rahaa huun magar azmat-e-chaman ke charaagh nuqush-e-shahr-e-nigaaraan ubhaarte hi rahe mire junun ke ujaale tiri lagan ke charaagh savaad-e-asr mein fardaa ki taabnaaki hai bujhaa diye gae andesha-e-kuhan ke charaagh hujum-e-gham mein huaa thaa ye kaun naghma-saraa jali hai tirgi-e-shaam dard ban ke charaagh na baad-e-dasht-o-bayaabaan na shaam-e-ranj-o-balaa lahu se apne jalaate hain ham-vatan ke charaagh jilau mein taabish-e-qindil-e-aagahi le kar bujhaa diye hain mohabbat ne ahrman ke charaagh zamaana shaam-e-balaa se savaal kartaa hai kidhar gae vo tire daur-e-pur-fitan ke charaagh sharaar-e-nutq huaa sarf-e-har-khayaal 'uruj' jale to bujh na sake shokhi-e-sukhan ke charaagh"

"chand paaband-e-salaasil hue aazaad ab ke jaane divaanon pe kyaa aaegi uftaad ab ke jin ki yak-jehti-e-ehsaas thi aain-e-junun hain vahi log to majmua-e-azdaad ab ke yuun uDaayaa gayaa arbaab-e-mohabbat kaa mazaaq ho gae ham havas-e-naam mein barbaad ab ke ham ne bedaari-e-tahrik-e-masarrat ke liye har rag-e-jaan pe rakhaa dashna-e-fariyaad ab ke in fazaaon mein bujhe saikDon khurshid magar khair se chup hain shab-e-marg ke naqqaad ab ke aur to kuchh na rahaa ahl-e-vafaa ke bas mein nazr ko laae hain bhuli hui ik yaad ab ke der se soch mein hai ishrat-e-parvez 'uruj' jaane kis tarh uThe tesha-e-farhaad ab ke"

"khamoshi meri lai mein gungunaanaa chaahti hai kisi se baat karne kaa bahaanaa chaahti hai nafas ke loch ko khanjar banaanaa chaahti hai mohabbat apni tezi aazmaanaa chaahti hai mabaadaa shahr kaa rasta koi rah-rah na paa le havaa qabron ki shamein bhi bujhaanaa chaahti hai gulaabon se lahu ristaa hai meri ungliyon kaa fazaa kaisi chaman-bandi sikhaanaa chaahti hai main ab ke us ki buniyaadon mein laashein chun rahaa huun imaarat koi qasr-e-dil-baraana chaahti hai jahaan patthar sahi lekin junun ki khud-numaai fareb-e-jalva-e-aaina-khaana chaahti hai"

"nazar mein loch na haijaan manzaron mein hai 'urus-e-subh abhi shab ki chaadaron mein hai na soch taajvaron kaa maaal kyaa hogaa ye dekh tesha-ba-kaf kaun pattharon mein hai bhaDak rahi hain kinaaron ki bastiyaan ab tak balaa ki aag hamaare samundaron mein hai nigaar-khaana-e-maa'ni se sarsari na guzar lahu kaa rang bhi do-chaar manzaron mein hai sukut-e-sang ko aasaaish-e-bayaan de de 'ajab kamaal-e-hunar aaina-garon mein hai gali ke moD pe kis ne diyaa jalaayaa thaa usi ki raushni taarik se gharon mein hai nigal na jaaein use bhi ye kaj-kulaah 'uruj' zaraa si aan jo baaqi sukhanvaron mein hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"