khvaab mein kal ye khvaab aaya hai — Ishrat Afreen

"'adaavatein nasib ho ke rah gaiin mohabbatein raqib ho ke rah gaiin parind hain na aanganon mein peD hain ye bastiyaan 'ajib ho ke rah gaiin taras rahi hain yuun bahaar ko rutein gharib kaa nasib ho ke rah gaiin bas ek pal dhanak ki saari shokhiyaan mire bahut qarib ho ke rah gaiin mire dukhon kaa zikr shahr shahr hai udaasiyaan naqib ho ke rah gaiin main khud se jab bichhaD gai to bas tiri du'aaein hi habib ho ke rah gaiin rivaayaton ki qatl-gaah-e-‘ishq mein ye laDkiyaan salib ho ke rah gaiin"

"kapaas chunte hue haath kitne pyaare lage mujhe zamin se mohabbat ke isti'aare lage tamaam raat jo laDte rahe the tufaan se 'ajib log the thak haar kar kinaare lage mujhe to baagh bhi mahkaa huaa alaav lagaa mujhe to phuul bhi Thahre hue sharaare lage vo ham na the jise aankhein nichoD kar di thiin vo tum na the jise ham apni jaan se pyaare lage us ek raat qayaamat ki baarishein TuTin miri shikasta haveli pe jab puchaare lage"

"laDkiyaan maaon jaise muqaddar kyon rakhti hain tan sahraa aur aankh samundar kyon rakhti hain aurtein apne dukh ki viraasat kis ko deingi sanduqon mein band ye zevar kyon rakhti hain vo jo aap hi puuji jaane ke laaeq thiin champaa si poron mein patthar kyon rakhti hain vo jo rahi hain khaali peT aur nange paanv bachaa bachaa kar sar ki chaadar kyon rakhti hain band haveli mein jo saanahe ho jaate hain un ki khabar divaarein aksar kyon rakhti hain subh-e-visaal ki kirnein ham se puchh rahi hain raatein apne haath mein khanjar kyon rakhti hain"

"miThi narm sajili dhuup saahil ki chamkili dhuup kab tak maayon baiThegi saavan ki sharmili dhuup ghuTnon ghuTnon dariyaa khet Daali Daali giili dhuup shokh pahaaDi doshiza chanchal tez nukili dhuup phulon phulon utregi uudi niili piili dhuup konpal konpal phuTegi komal surkh rasili dhuup basti ki viraan fazaa aur sailaab ki siili dhuup paani laash vabaa insaan bhuki aur zahrili dhuup"

"dil ne ik jashn manaayaa kal raat yaad koi bahut aaya kal raat duur tak chaand ki surat hamraah tu thaa yaa vo tiraa saaya kal raat chashm-e-giryaan ne to had hi kar di kis qadar hashr uThaayaa kal raat teri khushbu ki paziraai mein chaand ne giit sunaayaa kal raat niind ne niind ki saughaatein diin khvaab ne khvaab dikhaayaa kal raat"

"paani mein chhap-chhayyaa karti shor machaati shaam jaise mujh mein Thahar gai hai jal barsaati shaam giili lakDi jaisaa jivan dhuaan-dhuaan se khvaab saavan jaise dhuup chhaanv din aag jalaati shaam tanhaai ki shaal mein lipTe unche unche ghar aur gali mein nange paaon udham machaati shaam nange pairon kaajal Tiika tan par phaTi qamis tez havaa se laDte-bhiDte jashn manaati shaam ummidein TuTe-phuTe taaqon mein hanste phuul khvaahish suuni dargaahon mein diye jalaati shaam rail ki paTri jaisi yaadein uljhe-suljhe raste aadhi khuli hui khiDki se haath hilaati shaam"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"