kuchh karne ki mohlat kam hai — Hafeez Momin

"un ke honTon kaa vo andaaz kahin uf jaise aur tasvir musavvir kaa tasavvuf jaise itne Thahraav se vo baat kiyaa karte hain ek se dusre sajde mein tavaqquf jaise is tarah khud ko zamaane se bachaa rakhaa hai un ko manzur nahin khud mein tasarruf jaise yuun huaa aa ke mire dar se palaT jaati hai kuchh bataane mein ho zaalim ko takalluf jaise har taraf shor hai khaamosh khaDaa hai koi ho rahaa ho use hone kaa taassuf jaise is tarah vaqt ne badnaam kiyaa hai 'momin' koi mahfil mein karaataa ho ta'aaruf jaise"

"shokhi adaa ghurur sharaarat kharidiye chaandi uchhaaliye to qayaamat kharidiye aslaaf ke nuqush kitaabon mein band hain baazaar se kisi ki shabaahat kharidiye aTki hui hai ruuh puraani taraash mein kis dil se asr-e-haal ki jiddat kharidiye ahl-e-jahaan kaa aur badalne lagaa mazaaq fikr-o-nazar bhi hasb-e-zarurat kharidiye zaahir bahut hasin hai baatin ghinaavnaa pachhtaaiyegaa aap mujhe mat kharidiye quraan kholne key zarurat nahin rahi bikti hai subh-o-shaam tilaavat kharidiye pak jaaegaa to aap Tapak jaaegaa janaab aangan mein shaakh aai hai phal mat kharidiye"

"takallufaat ke sahraa mein kho gayaa koi qarib aa ke bahut duur ho gayaa koi sivaae apne hamein kuchh nazar nahin aataa hamaari aankh mein suraj samo gayaa koi lagaaein baagh phalon ke hui na ye taufiq use bhi chaaT gae ham jo bo gayaa koi zamin oDh ke sonaa sabhi ko hai lekin 'hafiz' vaqt se pahle hi so gayaa koi"

"jise hai zoam ki us ne havaa ke par baandhe agar hai dam to hamaari duaa ke par baandhe uThaae haath azaab-o-balaa ke par baandhe ye kis duaa ne kisi badduaa ke par baandhe hui na aaj bhi tauba ke TuTne ki sabil khudaa ne aaj bhi kaali ghaTaa ke par baandhe koi to ho jo use rok le tabaahi se koi to ho jo dil-e-mubtalaa ke par baandhe hamaari soch ki parvaaz roknaa thaa muhaal hamin ne jaan key baazi lagaa ke par baandhe kai dinon se kisi kaa salaam hai na payaam mire adu key baazi lagaa ke par baandhe shifaa key aas lagaae mariz baiThaa hai duaa ko haath uThaae davaa ke par baandhe 'hafiz' maut se luqmaan bach sake kab tak baDe hakim the kab tak qazaa ke par baandhe"

"kaisaa chakkar kaaT ke aanaa paDtaa hai tere mere biich zamaana paDtaa hai phir ashkon ki qismat jaage yaa soe pahle to aankhon mein aanaa paDtaa hai meri maano mat is darja khvaab buno khvaabon kaa mahsul chukaanaa paDtaa hai khaamoshi to mar jaane kaa haasil hai zinda rahne shor machaanaa paDtaa hai tum bai-raagi tum kyaa jaano 'momin' ji ulfat mein kyaa kar jaanaa paDtaa hai"

"anokhaa ruup dhaaraa hai niraalaa qad nikaalaa hai zaraa si shaakh ne kaisaa baDaa bargad nikaalaa hai khushaamad karne vaale ke hukumat haath aai hai jo apni jaan par khelaa use sarhad nikaalaa hai hazaaron mein kisi ik aadh ko duniyaa ataa key hai hamaare vaaste us ne yahi fisad nikaalaa hai ki us ko sujhti rahti hai apni si chalaane ki kahin tabrez bhejaa hai kahin sarmad nikaalaa hai bahut aasaan hai allaah ko manzar badal denaa abhi masnad-nashini hai abhi masnad nikaalaa hai ahad mein miim rakhaa hamd se pahle alif rakhaa ajab andaaz se allaah ne ahmad nikaalaa hai kamaanaa aur khaanaa aish karnaa aur mar jaanaa nahin 'momin' agar jiine kaa ye maqsad nikaalaa hai"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"doshiza zaminein hain mamnu'a 'ilaaqa hai us baagh-e-tamannaa se kyaa apnaa 'ilaaqa hai har saans mein shaamil hai khushbu-e-nafas us ki us baagh-e-tamannaa se kyaa apnaa 'ilaaqa hai dil haath mein le kar ham duniyaa se nikal aae ab dil ke tasarruf mein duniyaa kaa 'ilaaqa hai baDhtaa huun agar aage vaapas bhi palaTtaa huun mulhaq kahin khvaabon se yaadon kaa 'ilaaqa hai ai baanu-e-be-parvaa aa dil ki taraf bhi aa ye meri mohabbat hai ye teraa 'ilaaqa hai"

"aaina huun ki main patthar huun ye kab puchhe hai ziist mujh se mere jiine kaa sabab puchhe hai munkashif hone lage jab se rumuz-o-asraar kuchh savaal ab dil-e-maasum ajab puchhe hai maqsad-e-zist, koi khvaab yaa khvaahish koii? ham ne jab si liye lab apne vo tab puchhe hai har koi apni tag-o-dau mein hai masruf yahaan kaun ab kis ki udaasi kaa sabab puchhe hai vahshat-e-dil mein kami ho bhi to kyaa, haal-e-darun aur baDh jaati hai kuchh, ham se vo jab puchhe hai jis ne barbaad kiyaa khaana-e-dil rah rah kar kyaa qayaamat hai, vahi is kaa sabab puchhe hai koi bhi rishta nikaltaa nahin ham donon mein phir bhi kyuun ham se hamaaraa vo nasab puchhe hai saath guzre the kabhi arsa huaa, mujh se magar aaj bhi teraa pataa raah-e-talab puchhe hai ik nidaa jis ko samajhte hain zamir apnaa sabhi qabl-e-laghzish hamein is shakl mein rab puchhe hai ab ye aalam hai ki khud vahshat-e-dil bhi 'khaalid' ghar mire der se aane kaa sabab puchhe hai"

"khud ko kyaa khuun rulaaoge bataao to sahi tum mujhe kaise bhulaaoge bataao to sahi aise chup-chaap tumhein main nahin jaane dungaa tum kabhi lauT ke aaoge bataao to sahi muddat-e-hijr mukarrar mujhe manzur magar apne siine se lagaaoge bataao to sahi yaad mein meri sabhi kaam se ghaafil ho kar chaar aansu bhi bahaaoge bataao to sahi ratjage mere muqaddar mein likhe hain tum ne aur khud khvaab sajaaoge bataao to sahi tum se pahle bhi kai log mujhe chhoD gae main jo ruThungaa manaaoge bataao to sahi tum kisi ko jo kabhi meraa havaala doge meri ghazlein bhi sunaaoge bataao to sahi jab davaa kaam na kar paaegi mujh par 'aarif' tum masihaai ko aaoge bataao to sahi"

"shabnam-aalud palak yaad aai gul-e-aariz ki jhalak yaad aai phir sulagne lage yaadon ke khanDar phir koi taak-e-khunak yaad aai kabhi zulfon ki ghaTaa ne gheraa kabhi aankhon ki chamak yaad aai phir kisi dhyaan ne Dere Daale koi aavaara mahak yaad aai phir koi naghma gulu-gir huaa koi be-naam kasak yaad aai zarre phir maail-e-ram hain 'naasir' phir unhein sair-e-falak yaad aai"

"zehn-o-dil mein basi hain divaarein jaane kab se khaDi hain divaarein dhuup utre bhi kaise aangan mein har taraf to khaDi hain divaarein sahn mein ek bhi nahin divaar zehn mein uTh rahi hain divaarein do sage bhaaiyon kaa jhagDaa hai faisla kar rahi hain divaarein meraa chehra mujhe dikhaati hain aaina ban gai hain divaarein kachchi miTTi ke mere ghar ke liye aandhiyon se laDi hain divaarein kaan dhar kar suno ki sadiyon ki daastaan kah rahi hain divaarein aisi divaarein saamne hain mire jin ke pichhe khaDi hain divaarein meraa qad bhi bahut baDaa hai magar mere qad se baDi hain divaarein 'aabid' uDne kaa khvaab kyaa dekhein har taraf to khaDi hain divaarein"