kyaa muqaddar mein hai khudaa jaane — Mansoor Ejaz

"main vafaa ki aankh se Tapkaa huaa ek aansu thaa bahut rusvaa huaa par jhaTak kar ho gayaa hai taaza dam ik parinda qaid se chhuTaa huaa muddatein guzrin use bichhDe hue lamha lamha phir bhi hai Thahraa huaa pyaar bhi hotaa hai kyaa majbur kaa ek vaada ret par likkhaa huaa ajnabi tu bhi paraae des mein main bhi apne shahr mein bhaTkaa huaa main kisi muflis ke dar ki dhuul huun vo bhi ik patthar bahut puujaa huaa ik tiri divaangi 'mansur' kyaa is gali mein har koi rusvaa huaa"

"main bhi khaamosh ujaalon ki ziyaa huun jaise apni dharti pe khudaa teraa pataa huun jaise us ki aankhon mein qayaamat ki hayaa raushan hai niim khvaabida use soch rahaa huun jaise meraa maskan na Thikaana na koi raahguzar main koi sar-phiri aavaara havaa huun jaise meraa dar chhoD ke jaati hi nahin hai kam-bakht teri rusvaai ko ik main hi milaa huun jaise zindagi tu bhi to mujh se kabhi khul kar na mili ajnabi tere liye main bhi rahaa huun jaise khud se mil kar mujhe shiddat se lagaa hai 'mansur' ab talak murde zamiron mein rahaa huun jaise"

"sakht-jaan aur be-his huaa huun gham ke ehsaas se bach gayaa huun doston se bhi hairat-zada huun ajnabi dushmanon mein rahaa huun koi had bhi to ho sochne ki sochtaa huun to bas sochtaa huun mere qadmon se sar ko uThaa le main tire zulm ki intihaa huun tu ghazal hai saraapaa ghazal main aakhiri sher kaa qaafiya huun"

"aisaa hogaa vaisaa hogaa kyaa jaanun main kaisaa hogaa mere saamne baiTh ke ro le meraa gham bhi halkaa hogaa tu jo hansnaa bhuul gayaa hai teraa dil bhi TuuTaa hogaa ham donon mein rishta kyaa hai jag mein us kaa charchaa hogaa tu pardesi tu kyaa jaane main ne kyaa kyaa sochaa hogaa vo hai main huun tanhaai hai kaun bhalaa yuun tanhaa hogaa"

"chaand jab aasmaan pe chaltaa hai mere dil se koi guzartaa hai thartharaae hue labon se tire dekhnaa hai ki kyaa nikaltaa hai koi sahraa nahin saraab nahin teri aankhon mein kyaa chamaktaa hai phuul khilte hain jab bhi gulshan mein tu bhi aaegaa aisaa lagtaa hai log baiThe hain band kamron mein aur saDkon pe gham bhaTaktaa hai chaand raaton mein dard jaage to tanhaa kamron mein dam bhi ghuTtaa hai dil mein jal kar jo bujh gayaa 'mansur' zehn mein vo charaagh jaltaa hai"

"yunhi sote se kabhi jaag ke uThne kaa sabab shab to hogaa tumhein dil ke dhaDakne kaa sabab dil key raahon se khalaaon ke safar tak key ghuTan aur kuchh soch ke aaine ko takne kaa sabab is guzargaah se hargiz vo guzarne kaa nahin phir usi moD pe tanhaa tire rukne kaa sabab alvidaaa kahne jo aayaa thaa tiraa kyaa thaa bataa us se mil kar ye tere phuuT ke rone kaa sabab koi chehra koi khushbu na kahin koi saraab aisi tanhaai se 'mansur' ulajhne kaa sabab"

"taavil-e-ahd-e-fan hi to vahshat kaa hal nahin pesh-e-nazar junun hai yaaro ghazal nahin ab is ke baad ahd ki taarik raat hai ye ikhtitaam-e-shaam hai subh-e-azal nahin ai dost ishq mansab-e-fahm-o-shuur hai ye irtiqaa hai zehn kaa koi khalal nahin ik umr ratjagon ki aziyyat mein kaaT di ab mere khvaab niind kaa radd-e-amal nahin kyaa kyaa ataa-e-neamat-e-rabb-e-karim hai lekin 'samir' dard kaa nemul-badal nahin"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"jab tak mizaaj-e-dost mein kuchh barhami rahi goyaa bujhi bujhi si miri zindagi rahi jis par nigaah-e-lutf-e-karam aap ki rahi hairat se har nigaah use dekhti rahi go main rahaa kashaakash-e-dauraan se ham-kanaar lekin mire labon pe hansi khelti rahi laayaa hai ishq ne mujhe aise maqaam par khud-aagahi rahi na khudaa-aagahi rahi josh-e-junun ne manzil-e-maqsud paa liyaa aql-e-salim dekhti hi dekhti rahi sab kuchh mujhe 'khayaal' ki duniyaa mein mil gayaa lekin tumhaare husn-e-nazar ki kami rahi"

"bahut shaadaab ho lekin bayaabaani nahin jaati ki baam-e-auj chhune se bhi arzaani nahin jaati kai chehron ne aavaazon ne dil aabaad rakkhaa hai magar aankhon mein raqsaan hai jo viraani nahin jaati mujhe apni numu ke vaaste tum se bichhaDnaa hai tumhaare saath rahne se tan-aasaani nahin jaati main is dil ki sabhi sachchaaiyaan taslim kartaa huun magar ik baat aisi bhi hai jo maani nahin jaati hujum-e-shor-o-ghul mein kaun thaa kis ne pukaaraa thaa yahaan to apni bhi aavaaz pahchaani nahin jaati 'samir' is ishq mein insaan kyaa itnaa badaltaa hai main khud par ghaur kartaa huun to hairaani nahin jaati"

"vo tijaarat mein kahaan koi ziyaan chhoDtaa hai ruuh le letaa hai aa'saab yahaan chhoDtaa hai hai ye patthar miraa shishe se tire baalaa-tar kam se kam zulm ke maathe pe nishaan chhoDtaa hai bazm-e-anjum mein uThaa laae ho ye kis kaa diyaa nuur to kuchh nahin detaa hai dhuaan chhoDtaa hai ham se khud-sar su-e-maidaan-e-vighaa jaate hue ye nahin sochte hain kaun kahaan chhoDtaa hai 'ishq vo mo'jiza-e-kun hai nishaan jo apne jahaan hoti nahin ummid vahaan chhoDtaa hai qasr-e-fir'aun idhar aur udhar vaadi-e-misr dekhnaa ye hai kidhar aab-e-ravaan chhoDtaa hai ai khirad-baakhta shaddaad iram par tiri tuf itne saste mein koi baagh-e-jinaan chhoDtaa hai vahshatein khinch liye jaati hain sahraa mein 'safar' apni marzi se bhalaa kaun makaan chhoDtaa hai"

"ba-zom-e-aql ye kaisaa gunaah main ne kiyaa ik aainaa thaa usi ko siyaah main ne kiyaa ye shahr-e-kam-nazaraan ye dayaar-e-be-hunaraan kise ye apne hunar kaa gavaah main ne kiyaa harim-e-dil ko jalaane lagaa thaa ek khayaal so gul use bhi ba-yak sard aah main ne kiyaa vahi yaqin rahaa hai javaaz-e-ham-safari jo gaah us ne kiyaa aur gaah main ne kiyaa bas ek dil hi to hai vaaqif-e-rumuz-e-hayaat so shahr-e-jaan kaa use sarbaraah main ne kiyaa har ek ranj usi baab mein kiyaa hai raqam zaraa saa gham thaa jise be-panaah main ne kiyaa ye raah-e-ishq bahut sahl ho gai jab se hisaar-e-zaat ko paivand-e-raah main ne kiyaa ye umr ki hai basar kuchh ajab tavaazun se tiraa huaa na hi khud se nibaah main ne kiyaa khirad ne dil se kahaa tu junun-sifat hi sahi na puchh us ki ki jis ko tabaah main ne kiyaa"