maanind-e-havaa pal mein guzar jaaegaa koi — Ghamgeen Qureshi

"duniyaa ki masarrat apnaa le zid chhoD de mahv-e-khvaab na ho main tere liye betaab sahi tu mere liye betaab na ho is pyaas ki shiddat ne mujh ko maikhaane mein azmat bakhshi hai allaah kare ye ruuh miri tishna hi rahe sairaab na ho didaar se jab mahrum rahaa tab mujh ko ye mahsus huaa phir dil se parastish kaun kare gar husn tiraa naayaab na ho hai sab se unchaa naam tiraa qismat kaa badalnaa kaam teraa tu jis pe inaayat farmaae vo zarra kyon mahtaab na ho hans kar na sahi aansu pi kar ye umr to kaT hi jaaegi par tujh ko log kaheinge kyaa 'ghamgin' agar shaadaab na ho"

"is TuuTe hue dil kaa sahaaraa hai tiraa gham hamdard haqiqat mein hamaaraa hai tiraa gham taufiq ataa kartaa hai rone ki har ik pal kyaa meri tarah dard kaa maaraa hai tiraa gham rukh moD diyaa karte hain tufaanon kaa vo log jin logon ki nazron mein kinaaraa hai tiraa gham barbaad kiyaa gulshan-e-hasti tire gham ne ai dost mujhe phir bhi gavaaraa hai tiraa gham jis phuul ki khushbu se mahak jaae gulistaan 'ghamgin' ko us phuul se pyaaraa hai tiraa gham"

"kyaa puchh rahe ho dil-e-bimaar ki baatein kambakht samajhtaa hi nahin pyaar ki baatein sayyaad ne sun li to baDhaa degaa sitam aur chheDo na qafas mein gul-o-gulzaar ki baatein aankhon se ravaan ho gayaa ashkon kaa samundar yaad aaiin jo bichhDe hue gham-khvaar ki baatein har Dubne vaale ke baDhaate hain maraatib tufaan ke qisse hon ki manjdhaar ki baatein 'ghamgin' mohabbat ki haqiqat ho vahaan kyaa unvaan hon jis bazm ke hathiyaar ki baatein"

"khayaal rakhnaa miraa zakhm bhar na jaae kahin havaadisaat kaa dariyaa utar na jaae kahin usi se zinda hai ehsaas aashiyaane kaa ye raakh tez havaa hai bikhar na jaae kahin bhaTakti phirti hai aavaara dar-ba-dar kab se shab-e-firaaq hamaare hi ghar na jaae kahin jo chal rahaa hai bagulon ki rahnumaai mein vo kaarvaan-e-mohabbat Thahar na jaae kahin vo zulm kiije ki hasrat na rah sake baaqi sahar se pahle hi 'ghamgin' mar na jaae kahin"

"tu jo mil jaae to Thukraa duun ye duniyaa kyaa hai maa-sivaa tere mire dil ki tamanna kyaa hai chand TuuTe hue shishon ke sivaa ai saaqi aur mai-khaana-e-hasti mein hamaaraa kyaa hai shauq se jaao magar vaqt-e-ghanimat samjho phir milein yaa na milein dam kaa bharosaa kyaa hai din nikal aayaa tiri yaad mein thamte hi nahin aaj ashkon kaa khudaa jaane iraada kyaa hai jab ki aaiin mashiyyat kaa badaltaa hi nahin phir shikaayaat se 'ghamgin' natija kyaa hai"

"shab-e-firaaq se maanus-e-gham kaa maaraa huun ubhartaa chaand nahin Dubtaa sitaaraa huun zamaane vaalo agar ho sake to rahm karo miri hansi na uDaao main be-sahaaraa huun navaazo daar-o-rasan se ki khaal khinchvaao bas ek baar ye kah do ki main tumhaaraa huun milegaa meraa taaaruf kahaan kitaabon mein main ahl-e-dard ke chehron se aashkaaraa huun vo jis se paai hai tanvir chaand suraj ne main us ke ishq mein 'ghamgin' dil ko haaraa huun"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"