main khud ko har ik samt se gher kar — Manmohan Talkh

"kholegaa raaz kaun tiri kaaenaat ke laale paDe hue hain yahaan apni zaat ke yuun ruui se khayaal ko rakhtaa huun kaat ke uDte phirein roein na kahin meri baat ke sab muntazir hain aisi kisi apni maat ke khul jaaein sab bharam kisi raah-e-najaat ke suntaa huun mujh se maangti hai maut bhi panaah vo parkhachche uDaae hain main ne hayaat ke khud ko sameTne ke bakheDe mein kyuun paDe kaahe ko ho ke rah na gae haadsaat ke in aandhiyon pe zor chaman kaa to kuchh na thaa qisse bikhar gae hain magar paat paat ke kam ye bhi to khalaaon mein takhliq se nahin jaise mahal kiye hain khaDe mushkilaat ke is se ziyaada ret ke tufaan tujh mein hain jharne tiri nigaah mein jitne hain zaat ke nauha-kunaan azal se andheron mein hain sadaaein ye dukh to hain sadaaon ki bas ek raat ke Takraao be-sabab jo nazar aur dil kaa thaa afsaane sab ne ghaD liye ek raat ke sach sach bataa ki 'talkh' ye dil ki navaa mein yuun kaise kiye hain jam' ye dukh kaaenaat ke"

"yunhi nahin ham bolte jaate ye apni majburi hai junhi kuchh kah chukte hain lagtaa hai baat adhuri hai sab apni afvaah bane hain asl mein kyaa the bhuul gae jiine ki jo surat hai so ye bhi aaj zaruri hai duniyaa meri zindagi ke din kam karti jaati hai kyuun khuun pasina ek kiyaa hai ye meri mazduri hai apne baad hi duniyaa mein Thahraao jo aae to aae jab tak ham zinda hain tab tak har ik daur uburi hai DhunD rahe hain kis ko log shikaari jaisi nazron se saf-dar-saf maujud huun main to har ik saf to puuri hai sab ik dusre ko nazron se bas ye dilaasa dete hain hain to ham sab paas hi bas andar ki ye ik duuri hai itni saari aavaazon mein shaayad sunne vaale ko bas itnaa hi yaad rahegaa meri baat zaruri hai koi bahaanaa mil jaae to haath nahin ham aane ke der ye hai chal dene mein tayyaari to puuri hai 'talkh' hamaare hosh ke aalam kaa hai rang-e-sukhan kuchh aur jis par vajd mein hai ik duniyaa vo to ghair-shuuri hai"

"kis liye sab ko ajab bojh lagaa sar apnaa le ke mahfil mein jo pahunchaa main kaTaa sar apnaa haath lapke to bahut pahunche na gardan tak bhi na magar ahl-e-nazar the na jhukaa sar apnaa rasm phir rasm hai Thahraa hai lahu hi jo suhaag chamak ai tegh-e-havaa le ye rahaa sar apnaa sab havaa bhuul gai sarkashi-o-sha-zori ik zaraa dosh-e-havaa par jo uDaa sar apnaa ham ne Thokar bhi agar khaai to ghar aa kar hi apni dahliz hi se jaa ke lagaa sar apnaa bas ki ab dekhnaa hai apne lahu se rishta khvaab mein dekhtaa huun tan se judaa sar apnaa kam se kam bhuul gae vaar to shamshiron ko 'talkh' jaane do bhulaa do jo gayaa sar apnaa"

"kuchh der to sab kuchh TuTne kaa maahaul rahaa mat puchh ki phir is dil par kaisaa haul rahaa jab chaahaa us mein khud ko chhupaa lete hain sab aavaazon kaa har zaat pe koi khol rahaa yuun lagtaa thaa jo baat hai ulTi paDti hai ab kyaa hi kahein tab haul saa koi haul rahaa ab kaun kahaan aayaa ki gayaa maalum nahin bas qadmon ki aahaT kaa ik maahaul rahaa kah bhi na sakaa main us mein shaamil thaa ki nahin bas ek chhalaave saa maston kaa ghol rahaa aavaaz-e-faqiraana kashkol ummidon kaa ab ye to rahi aavaaz vahaan kashkol rahaa ham 'talkh' faqat us daur ki ab kuchh yaadein hain jab dard bhi thaa kahne kaa bhi maahaul rahaa"

"koi chehra jo mire saamne laayaa hai mujhe yahi har haal mein kyaa dekhtaa aayaa hai mujhe sa'i ye thi kisi kandhe pe khaDaa ho jaaun bhaag niklaa huun ki har ik ne giraayaa hai mujhe na kabhi baat hui us se na pahchaan kabhi hai magar koi yahaan tak vahi laayaa hai mujhe muntazir jo bhi the ye kah ke lapak nikle hain ye jo aayaa hai bulaavaa faqat aayaa hai mujhe baahar aataa huun to uThti hai mujhi par har aankh jaane kis khauf ne is ghar mein basaayaa hai mujhe ek hi lamhe mein suntaa huun main do aavaazein yaad ye kis ne kiyaa kis ne bulaayaa hai mujhe haan ye sach hai ki ba-sad jabr main ghar lauTaa huun kis ne is haal mein lekin kahin paayaa hai mujhe 'talkh' main ne jo laDi jang laDi phir kis se apne kandhon pe sabhi ne to uThaayaa hai mujhe"

"thoDi der ko ham jo kahin ruk jaate to ye mumkin thaa mil hi jaataa vo jo apne ilaaqe kaa ik saakin thaa kuchh bhi yaad nahin ab paDtaa kab pardes ko nikle the shaayad shaam lagi thi Dhalne yaa shaayad chaDhtaa din thaa ham ne jatan to laakh kiye the vaqt ne aisi karvaT li apni jaDon se ham juD paate ek yahi naa-mumkin thaa vo ik saaneha ham na jise kah paae ab tak guzraa jab kaise kaise dil se chaahaa thaa ki na sach ho lekin thaa 'talkh' nahin thaa sahl ye lahja jivan bhar ki tapasyaa hai har jazbe ke ham zaamin the dard hamaaraa zaamin thaa"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"

"tire jamaal se ham runumaa nahin hue hain chamak rahe hain magar aaina nahin hue hain dhaDak rahaa hai tu ik ism ki hai ye barakat vagarna vaaqiye is dil mein kyaa nahin hue hain bataa na paaein to khud tum samajh hi jaao ki ham bilaa javaaz to be-maajraa nahin hue hain tiraa kamaal ki aankhon mein kuchh zabaan pe kuchh hamein to moajize aise ataa nahin hue hain ye mat samajh ki koi tujh se munharif hi nahin abhi ham ahl-e-junun lab-kushaa nahin hue hain ba-naam-e-zauq-e-sukhan khud-numaai aap karein ham is maraz mein abhi mubtalaa nahin hue hain hami vo jin kaa safar maavaraa-e-vaqt-o-vajud hami vo khud se kabhi jo rihaa nahin hue hain khud-aagahi bhi khaDi maangti hai apnaa hisaab junun ke qarz bhi ab tak adaa nahin hue hain kisi ne dil jo dukhaayaa kabhi to ham 'irfaan' udaas ho gae lekin khafaa nahin hue hain"