majbur-e-iltifaat bhi honge jafaa ke baad — Jamil Nazar

"azm faani bhi laa-zavaal bhi hai aadmi hai to ye kamaal bhi hai aarzu mein halaavatein bhi hain aarzu markaz-e-khayaal bhi hai vaardaat-e-junun kaa zikr na chheD kuchh khushi bhi hai kuchh malaal bhi hai aaina hai javaab vahshat kaa aaina paikar-e-savaal bhi hai hai javaan fikr daur-e-haazir ki shiddat-e-hosh se niDhaal bhi hai khvaahish-e-zist aaj duniyaa mein jurm hai aur be-misaal bhi hai kitne suraj ubhar ke Duub gae ufuq-e-dil ko ye khayaal bhi hai apne maazi ko bhulne vaale tujh se vaabasta meraa haal bhi hai chaahtaa huun jise main us kaa 'nazar' dusraa naam laa-zavaal bhi hai"

"ahl-e-junun kaa jab bhi chaman mein guzar huaa arbaab-e-fikr ke liye ik dard-e-sar huaa unvaan har aarzu kaa ba-shart-e-nazar huaa afsaana khatm sab kaa tire naam par huaa naakaamiyon se hausle kuchh aur baDh gae sau dar khule hain band agar ek dar huaa meraa mazaaq tirgi-e-shab hai dosto vo koi aur hogaa jo vaqf-e-sahar huaa apnon hi ki harif-e-nazar khaa gai use paidaa jahaan chaman mein koi dida-var huaa tere hi iltifaat kaa mannat-guzaar hai jo haadisa bhi vaqt se kuchh peshtar huaa naa-pukhtagi-e-shauq ke aalam mein ai 'nazar' jo markaz-e-khayaal banaa muntashar huaa"

"kuchh na kuchh sochne pe huun majbur log samjhein agar mazaaq-e-shuur ek be-naam si talab ke liye sar-ba-sajda huun nafraton ke huzur dhaDkanein dil ki chaahti hain jumud bolne par na kijiye majbur ek ummid ke sahaare par ghup andheron ko kar rahaa huun ubuur raah-e-manzil kaa phir taayyun kyaa har musaafir kaa hai alag manshur main ne aksar taraash kar dekhaa husn detaa hai pattharon ko ghurur us ki khushbu ke daaere na khutut log alfaaz mein rahe mahsur saanehe kaa khayaal aate hi aadmi muD ke dekhtaa hai zarur kis fazaa mein kaTi ye umr 'nazar' saans lene kaa aa sakaa na shuur"

"judaai ruuh ko jab ishtiaal deti hai khunuk havaa bhi badan ko ubaal deti hai agar ho vaqt kaa ehsaas zindagaani mein har ek saans hamein ik savaal deti hai usi ke dam se to yaadon ke zakhm taaza hain yahi sabaa hai jo har ghar kaa haal deti hai fazaa mein rang tiri khushbuon ke phailaa ke dukhe dilon ko sabaa bhi malaal deti hai raqaabaton ke sabab se jo dhund chhaa jaae tiri nigaah vo manzar khangaal deti hai kudaal pahli chalaa kar rivaayaton pe 'nazar' kiyaa vo kaam ki duniyaa misaal deti hai"

"vo miri duniyaa kaa maalik thaa magar meraa na thaa main ne is andaaz par pahle kabhi sochaa na thaa ek muddat tak rahaa khush-fahmiyon mein mubtalaa aaine ke ru-ba-ru jab tak miraa chehra na thaa tohmaton ko ek aise ajnabi ki hai talaash jo kabhi ghar se nikal kar raah mein Thahraa na thaa ho chuki thiin shohratein rusvaaiyon se ham-kanaar bhuul jaataa main jise vo saaneha aisaa na thaa meri nazron mein hai khaaka vo bhi husn-e-dost kaa jis ko logon ne abhi tak zehn mein sochaa na thaa main uThun to rang laaein tazkaron ke silsile log itnaa to kahein ki aadmi achchhaa na thaa log is andaaz mein dete hain duniyaa ki misaal main to jaise tajrabon ke daur se guzraa na thaa ik nayaa ehsaas dete log ahl-e-sang ko aabru ke saath rahnaa shahr mein achchhaa na thaa kyaa asar-andaaz hotaa us pe afsaana 'nazar' lafz bhi maange hue mafhum bhi apnaa na thaa"

"mohabbat ko jo zaahir kar rahi hai mire chehre pe vo tahrir bhi hai huiin sadiyaan nazar ke zalzalon ko abhi tak shahr ki haalat vahi hai ujaagar jab bhi us ke gham hue hain nae rukh se ghazal main ne kahi hai agar gahraa nahin hai zakhm-e-ehsaas hamaare sochne mein kuchh kami hai havaa-e-zulm ke jhonke idhar bhi mire dil mein bhi shauq-e-aagahi hai tire anjaan bhi tere shanaasaa hamaaraa aashnaa bhi ajnabi hai main tere zulm kaa radd-e-amal huun miraa paighaam sulh-o-aashti hai kahaavat ban chuki hai jis ki vahshat 'nazar' hi ek aisaa aadmi hai"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"nahin piitaa main par navaazish hui hai baDi mausamon ki sifaarish hui hai bahut din se sahraa ke jaisaa ye dil hai na baadal ghire hain na baarish hui hai yahaan hai bulandi jo kirdaar ki to vahaan khaal-o-khad ki numaaish hui hai tiri jhiil jaisi jo dekhi hain aankhein miri Duub jaane ki khvaahish hui hai chhalaktaa nahin khuun zakhmon se aise kahin naakhunon ki bhi kaavish hui hai hamein 'ishq mein mubtalaa kar rahe hain nazar aur dil mein ye saazish hui hai vahaan dushmanon ki baDi yaad aai jahaan doston ki navaazish hui hai vafaa-daariyon kaa sila mil rahaa hai hamaari sadaa aazmaaish hui hai pareshaaniyon mein jo ham mubtalaa hain yaqinan koi ham se laghzish hui hai vahin apni aankhon ko ham chhoD aae jahaan manzaron ki numaaish hui hai raqibon ko hai chhuT mahfil mein un ki mire aane jaane pe bandish hui hai ghazal kahnaa 'faaruq' main chhoD dungaa isi baat par un se ranjish hui hai"

"jab se aayaa huun tere gaanv mein rang hi rang hain fazaaon mein aa ki dukh sukh ki koi baat karein baiTh kar shishamon ki chhaanv mein main bhi kartaa huun zabt ki koshish to bhi takhfif kar adaaon mein vo tiraa dafatan bichhaD jaanaa vo miraa dekhnaa khalaaon mein ho agar koi gosh-bar-aavaaz ik khamoshi bhi hai sadaaon mein yahi mere liye ghanimat hai saans le luun khuli fazaaon mein"

"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"

"phir bahaar aai hai phir josh mein saudaa hogaa zakhm-e-derinaa se phir khuun Tapaktaa hogaa biiti baaton ke vo naasur hare phir honge baat niklegi to phir baat ko rakhnaa hogaa yurishein kar ke umanD aaeingi suuni shaamein laakh bhaTkein kisi unvaan na saveraa hogaa ji ko samjhaaeinge matvaali havaa ke jhonke phir koi laakh sambhaale na sambhalnaa hogaa kaisi rut aai havaa chalti hai ji Doltaa hai ab to hansnaa bhi taDapne kaa bahaanaa hogaa TuuT jaaegaa ye laachaari-e-daaem kaa fusun aur is tarah ki jaise koi aataa hogaa dil dhaDakne ki sadaa aaegi sune-pan mein duur baadal kahin parbat pe garajtaa hogaa"