mujhe miTaataa rahaa hai ye aasmaan bahut — Badiuzzaman Khawar

"main jo duniyaa ki kahaani mein na khoyaa hotaa mere khaame ne musalsal mujhe likkhaa hotaa masala sakht sahi aur na uljhaa hotaa vaqt ne bhi jo mire zehn se sochaa hotaa us ne pyaaraa saa koi khat mujhe likkhaa hotaa kaash kuchh din ke liye mujh se vo bichhDaa hotaa niind aankhon se na uD jaati to achchhaa hotaa kam se kam khvaab mein us shokh ko dekhaa hotaa teri yaadon ne kisi raat ye mohlat hi na di ki main do-chaar ghaDi ko bhi akelaa hotaa itnaa naazuk thaa ki chhu lete agar ham us ko vo bhi shishe ki tarah farsh pe bikhraa hotaa kaaTte 'umr tire aane ki ummid mein ham tere raste mein agar vaqt bhi Thahraa hotaa kyaa buraa hai jo giraayaa hai havaaon ne use zard pattaa thaa kisi roz to TuuTaa hotaa kitni be-sud thi ye chup ki miri baaton ko sun bhi letaa to koi shakhs na samjhaa hotaa koi sikka to nahin the ki na milte 'khaavar' kho gae the to kisi ne hamein DhunDaa hotaa"

"siyaah naama-e-aamaal ik bahaana thaa kisi tariqe se maqsad mujhe jalaanaa thaa sunaa rahaa thaa har ik nakhl daastaan koi har ik makaan ke lab par koi fasaana thaa libaas mein vo hasin aur purkashish Thahre sharir nazron se jin ko badan chhupaanaa thaa jagaa diyaa thaa use bhi azaan ke Dar ne mujhe bhi subh-savere safar pe jaanaa thaa bichhaa huaa thaa samundar nigaah ke aage chamakti ret kaa manzar bhi kyaa suhaanaa thaa pahunch rahaa huun main taakhir se sar-e-manzil ki qaafile ko mujhe saath le kar aanaa thaa koi panaah mayassar hai aaj 'khaavar' ko na kal jahaan mein kahin qais kaa Thikaanaa thaa"

"kis liye dasht mein ghar koi banaayaa jaae paas kyaa hai jo fasilon mein chhupaayaa jaae main jazira huun miri pyaas bujhaane ke liye ik samundar mire atraaf bichhaayaa jaae kisi sahraa mein bahaa jaae nadi ki surat abr ban kar kisi kohsaar pe chhaayaa jaae roz chaTke kisi ummid kaa ghuncha dil mein roz palkon pe koi khvaab sajaayaa jaae dukh se jalte hue is daur mein jiine se baDaa mo'jiza kaunsaa duniyaa ko dikhaayaa jaae baat kyaa hai ki ba-in-khvaari-o-aashufta-dili chhoD kar ham se tiraa shahr na jaayaa jaae raushni huun to kahaa jaae charaagh-e-manzil sang huun to mujhe raste se haTaayaa jaae puchhte rahte hain ye log na jaane kyaa kyaa ham se to naam bhi apnaa na bataayaa jaae rah gai hai yahi ik ham-safari ki surat bojh ho khvaah kisi kaa bhi uThaayaa jaae haae ye dhuup machaataa huaa saavan jis se kisi chaTTaan pe sabza na ugaayaa jaae aaj mar jaaun agar main to 'ajab kyaa 'khaavar' sau baras baa'd miraa sog manaayaa jaae"

"gum huun khalaaon mein ki sar-e-aasmaan rahein bichhDe jo ham zamin se to jaane kahaan rahein haail hazaar raah mein sang-e-giraan rahein dariyaa hain ham to kyon na musalsal ravaan rahein ye chaahte hue bhi ki ban jaaein aaina aakhir badan ke parde mein kab tak nihaan rahein ghurbat ho ham pe sahl jo yaadon ke ruup mein tum bhi hamaare saath raho ham jahaan rahein ji chaahtaa hai raunaq-e-baazaar dekh kar is shahr hi mein koi banaa kar makaan rahein qurbat 'ajab nahin ki dilon ko nasib ho jismon ke faasle na agar darmiyaan rahein jab marhale varaa-e-takhayyul hain aur bhi ham kyon asir-e-manzil-e-vahm-o-gumaan rahein ham bhi hain phuul ham pe zamin-e-chaman ke saath faslon ke devtaa bhi zaraa mehrbaan rahein 'khaavar' hamaare baa'd bahut hai ki chaar din lauh-e-jahaan pe sabt hamaare nishaan rahein"

"jis taraf jaaoge ik shor sunaai degaa kahin lekin koi chehra na dikhaai degaa jaane kyaa haal nigaahon kaa vo lamha kar de jab na kuchh tere sivaa mujh ko dikhaai degaa Dubte vaqt ki aavaaz huun kar lo mahfuz phir mire baa'd ye naghma na sunaai degaa haath phailaate hue is liye Dar lagtaa hai kyaa karungaa vo agar mujh ko khudaai degaa raat ko pyaar ki saughaat mili hai jis se subh hogi to vahi zakhm-e-judaai degaa itnaa chup-chup jo paDaa hai to ghanimat jaano dil ko chheDoge to sau tarh duhaai degaa ruuh ke saath main uD jaaungaa jaane kis or jab mujhe qaid-e-badan se vo rihaai degaa haath khoe hain to kyon DhunD rahe ho 'khaavar' kyaa tumhein ghor andhere mein sujhaai degaa"

"kis aarzu mein nikle hain us paar kyaa kahein dekheinge jaa ke kyaa pas-e-divaar kyaa kahein kyaa ho gae tamaam kharidaar kyaa kahein kyon so gae hain shahr ke baazaar kyaa kahein sab log chal rahe the salibein liye hue thaa un mein kaun kaun gunahgaar kyaa kahein hai kaun jis ko chhaanv se hai itni dushmani rakkhe hain kis ne kaaT ke ashjaar kyaa kahein pindaar-e-dard kyaa hai ye jin ko nahin khabar un sar-khushon se lazzat-e-aazaar kyaa kahein rusvaaiyon se tujh ko bachaane ki fikr mein kyaa kyaa hue hain tere liye khvaar kyaa kahein 'khaavar' unhein ye zid hai sunaao nai ghazal ham soch mein paDe hain ki ash'aar kyaa kahein"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"