mulk ko aakhir mire ab ye huaa kyaa hai khudaa — Anmol Savaran Katib

"jaam-e-lab piine ki hasrat ab to mere dil mein hai par miraa saaqi to yaaron ghair ki mahfil mein hai qatl kar de jo nazar se vo hunar sab mein kahaan ye hunar to bas pari-vash dil-nashin qaatil mein hai hai nazaakat hai nazaafat har adaa mein us ke to is liye hi ab talak zinda vo mere dil mein hai ishq ki dariyaa mein ghote khaa rahaa huun main to ab vo lahar hai ab to manzil meri yaan saahil mein hai ho gayaa huun main pareshaan dil kahin lagtaa nahin ishq karne ki khataa se dil meraa mushkil mein hai jo khushi apni luTaa de ghair ke hi vaaste is jahaan mein is tarah ki aarzu aadil mein hai kaun teraa hai yahaan pe ye zaraa maalum kar rang mein chehre sane hain raaz mustaqbil mein hai thak gayaa huun zindagi ke is safar mein main to ab maut mil jaae safar mein bas yahi manzil mein hai sun liye jo sher 'kaatib' ke binaa ik daad ke ye gavaahi de rahaa tu mahfil-e-jaahil mein hai"

"jo chehra auron ki khaatir khabar mein rahtaa hai mire liye vahi chehra jigar mein rahtaa hai Thahar gayaa main to us husn ki gali mein ab sabab to har ghaDi meri nazar mein rahtaa hai jise bhi dekho kahe chaand hai meraa mahbub jahaan mein kyaa hai jo koi qamar mein rahtaa hai ajiib shahar hai teraa kisi ki suntaa nahin yahaan pe jhuTh kaa qissa safar mein rahtaa hai panaah dil mein hai le li sabhi ke 'kaatib' ne kalaam us kaa sabhi ke jigar mein rahtaa hai"

"bimaar hain go ishq mein to kyaa kare koi dil ke mariz ko yuun na kosaa kare koi zar ko jahaan mein le ke chukaate hain jaise sab ehsaan ko bhi aise chukaayaa kare koi daulat zaruri jaise samajhte hain sab yahaan rishte zaruri vaise hi samjhaa kare koi duniyaa mein gham ke bojh tale dab gayaa huun main jiine ki ek vajah bataayaa kare koi manzil talaashne mein ye jivan guzar rahaa himmat yahaan pe meri baDhaayaa kare koi naakaamiyon ki tirgi mein kho gayaa huun main ab raushni safar mein dikhaayaa kare koi gar mil gae khudaa to karun un se arz main gham aur dard se na sataayaa kare koi ikhlaas mein badan ki jagah ruuh ko milaa lab ki jagah jabin pe to bosaa kare koi is hijr mein talab meri pahle se baDh gai ab vasl ke fasaane sunaayaa kare koi ik arse se hansaa nahin gham ke sabab se main dair-o-haram mein us ko bataayaa kare koi vaalid khafaa hain naukri main kar nahin rahaa apne sukhan ko kaise khasaara kare koi har koi bhaagtaa hai guhar ki talaash mein 'kaatib' ke jaise naam kamaayaa kare koi"

"main kyaa thaa aur ab kyaa ho gayaa huun mohabbat karke tanhaa ho gayaa huun musalsal chashm tar rahti hai meri main yaadon kaa khazaana ho gayaa huun meri in chashm mein dekho zaraa saa tiri manzil kaa rasta ho gayaa huun mujhe to sunne de jhuTi tasalli bahaa ke aansu dariyaa ho gayaa huun ye dariyaa miThe paani kaa nahin hai main dard-o-gham se khaaraa ho gayaa huun mere zakhmon pe marham mat lagaao main zakhmon kaa sahaaraa ho gayaa huun shabon mein chikhtaa rahtaa hai 'kaatib' tere jaane se sahraa ho gayaa huun"

"aankhon mein tiri chaahat kaa aisaa nasha dekhaa maikhaane mein jaise main ne jaam bharaa dekhaa vo lab the tire yaa vo the mai se bhare pyaale piite hi use saari duniyaa kaa nasha dekhaa chehre pe tire bikhri zulfon ki ghaTaa aisi saavan mein qamar ke uupar abr ghiraa dekhaa auron ke liye jo bhi ho ishq ki taqdirein par main ne to is ke zariye apnaa khudaa dekhaa ik khvaab jo ham donon ne saath mein dekhaa thaa jab aankh khuli to main ne khud ko judaa dekhaa is hijr mein tanhaai se vasl kiyaa main ne is mein koi main ne dard-o-gham kaa maza dekhaa ye zakhm puraane hain lekin ye bhare kaise apnon ke sabab se har pal zakhm haraa dekhaa maut ek tamaashaa hai kirdaar baneinge sab duniyaa mein khudaa kaa bas ye ek vafaa dekhaa taftish mein 'kaatib' ne ye ziist guzaari par har ek qadam par khud kaa shauq nayaa dekhaa"

"dekh ke tujh ko main dekhtaa rah gayaa ishq karne ko ab kyaa bachaa rah gayaa chaand kyaa hai sanam aap ke saamne husn ye dekh kar sochtaa rah gayaa khvaab aankhon se mere guzarte gae niind mein bhi tujhe sochtaa rah gayaa mujh ko tere sivaa kuchh nahin chaahiye so main rab se tujhe maangtaa rah gayaa ruuTh jaati ho par lauT aati ho tum is liye main tumhein chaahtaa rah gayaa teri aaghosh jannat se kam bhi nahin is liye main khudaa se judaa rah gayaa husn par miTne vaalaa main aashiq nahin umr bhar main jabin chumtaa rah gayaa vasl ki yaad marham bani is liye hijr ke baad bhi hausla rah gayaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"