mustaqil mahv-e-gham-e-ahd-e-guzishta honaa — Nadeem Sirsivi

"giraft-e-karb se aazaad ai dil ho hi jaaungaa abhi rasta huun main ik roz manzil ho hi jaaungaa utar jaane de vahshat mere sar se habs-e-khalvat ki main bit-tadrij phir maanus-e-mahfil ho hi jaaungaa gire gar mujh pe barq-e-iltifaat-e-chashm-e-tar har dam to main bil-jabr teri samt maail ho hi jaaungaa ba-sad tarkib rakkhe hain qadam tartib se main ne agar tartib ye bigDi main zaail ho hi jaaungaa mataa-e-jaan to meri zaat kaa hissa hai ik din main tu mil jaaegaa to insaan-e-kaamil ho hi jaaungaa miri mazlumiyat ki raushni har-su bikharne de sar-e-maqtal main pesh-e-tegh-e-qaatil ho hi jaaungaa zaraa saa Thahar jaaein be-khudi ki muztarib maujein ai dasht-e-gham main ik khaamosh saahil ho hi jaaungaa payambar dard kaa ban ke tu gar duniyaa mein aaegaa sahifa ban ke ashkon kaa main naazil ho hi jaaungaa kahaa us ne qarib aa kar 'nadim' ashaar ki surat rag-e-afkaar mein teri main shaamil ho hi jaaungaa"

"jaise hon laashein dafn puraane khanDar ki buniyaad tale ehsaas dabe hain kitne hi miri naa-gufta rudaad tale vo zaat to ek hi zaat hai na har lamha jis ko DhunDhtaa hai momin nur-e-imaan tale kaafir sang-e-ilhaad tale imroz-o-fardaa karte rahe tum aur yahaan ahl-e-hasrat kitne hi kuchle jaate rahe baar-e-yaum-e-miaad tale kal tak naara aazaadi kaa jin ke honTon ki zinat thaa vo itminaan se baiThe hain ab khud daam-e-sayyaad tale kar zulm bapaa lekin taarikh kaa ye sach apne zehn mein rakh kitne hi zaalim dafn hue mazlumon ki fariyaad tale ham gharb-zada zahrili fazaa ki zad mein aa hi sakte nahin ham karte hain taamir-e-tamaddun tahzib-e-ajdaad tale vo aql-garaan ham ishq-garaan donon mein taqaabul kaisaa 'nadim' donon hi azal se rahte hain jab fehrist-e-azdaad tale"

"zinda rahne ki talab is liye pyaari na rahi koi vaq'at dil-e-qaatil mein hamaari na rahi mai-kashi chhoD di is vaaste ham ne saaqi pahle jaisi tiri aankhon mein khumaari na rahi niind kaa zahr nigaahon mein samaayaa jab se ratjagon se miri baa-zaabta yaari na rahi aakhirash aa hi gayaa kushta-e-hasrat ko qaraar 'umr-bhar lazzat-e-aavaargi taari na rahi sikhtaa kis tarah aain-e-junun ke aadaab mujh pe maail ba-karam diid tumhaari na rahi shiddat-e-zabt se pathraa gaiin aankhein bhi 'nadim' gham rahaa saath mein par girya-o-zaari na rahi"

"saraab-e-dil se musalsal fareb khaa rahaa huun main ek umr se apne khilaaf jaa rahaa huun yaqin-o-shak ki ajab kaifiyat se huun do-chaar bichhaa rahaa huun musallaa kabhi uThaa rahaa huun miraa ghurur hai ye khaak-zaadgi meri main phir farishto tumhein baat ye bataa rahaa huun tilism-e-lafz-o-maaani ke pher mein phans kar ba-shakl-e-nazm-o-ghazal khun-e-dil bahaa rahaa huun khiyaam-e-ashk mein jhulsi paDi hai koi mushk main apni pyaas kaa qissa use sunaa rahaa huun bhulaa ke saare taqaaze radif-e-maut ke main faqat hayaat kaa har qaafiya nibhaa rahaa huun"

"ik zamin-doz aasmaan huun main haan miri jaan be-nishaan huun main mujh ko tauhid ho chuki azbar laa-makaan kaa nayaa makaan huun main dast-e-qudrat ki shaah-kaari kaa khud mein aabaad ik jahaan huun main kab se aamaada sajda-rezi par aab-o-gil hi ke darmiyaan huun main maut se kahiye aae fursat mein abhi masruf-e-imtihaan huun main kis tarah se bane ziyaada baat zarra-e-kun huun kam-zabaan huun main lau se bahti hui ziyaa ho tum lau se uThtaa huaa dhuaan huun main jaise tu meraa raaz-e-pinhaan hai aise hi teraa raaz-daan huun main jis se larzaan hai pattharon kaa vajud aaina-zaad vo fughaan huun main maut to kab ki mar chuki lekin bazm-e-imkaan mein jaavedaan huun main tum tasalsul nai bahaaron kaa aur ujDi hui khizaan huun main teri yaadon kaa is mein dosh nahin be-sabab aaj nim-jaan huun main"

"arsa-e-khvaab se uTh halqa-e-taabir mein aa gum-shuda roab-e-junun kaasa-e-tashhir mein aa intihaa mabdaa-e-hasti ki fanaa hai yaa baqaa ghaur se dekhte hain bakht ki tasvir mein aa ai kharaabaat-e-tanaffur ke pareshaan makin gar sukun chaahtaa hai ishq ki taa'mir mein aa hiddat-e-did nigaahon ki 'ibaarat se nikal aur yakh-basta mire rauzan-e-tahrir mein aa chaDh ke phir sar pe mire bole asiri kaa khumaar qaid kar le mujhe phir zulf ki zanjir mein aa 'ahd-e-maazi ke khush-aaind bhaTakte lamhe vaqt aa pahunchaa hai ab haal ki jaagir mein aa jal-bujhe garmi-e-anfaas se donon kaa vujud gholne khud ko mire qurb ki taasir mein aa lazzat-e-vasl ko haasil ho zamin ki jannat mujh se milne ke liye vaadi-e-kashmir mein aa zer-e-paa rakh ke sabhi aks-e-fusun-e-taqdir phir javaan hone ko gahvaara-e-tadbir mein aa ai khizaan-zaad agar chaahtaa hai rizq-e-bahaar daaman-e-zist liye rauza-e-shabbir mein aa 'aajizi kahne lagi gar ho bulandi ki talab dil jhukaa daaira-e-naara-e-takbir mein aa diyaa ugte hue suraj ne ye paighaam 'nadim' in andheron se nikal khema-e-tanvir mein aa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"