na koi harf-e-duaa arz-e-tamannaa bhi nahin — Mahmood Alam

"chikhte hain dayaar raaton mein le lo raah-e-faraar raaton mein roz hotaa hai maqbara kamra aur bistar mazaar raaton mein dhaDkanein gunjti hain siine mein baDhtaa hai iztiraar raaton mein mere shevan pe muskuraataa hai meraa parvardigaar raaton mein tirgi mere dil mein khanjar si ho rahi aar-paar raaton mein niind hai lais zer karne ko aur main hoshiyaar raaton mein mere rone se sab malak mujh par ho rahein jaan-nisaar raaton mein bain karti hain hurein sirhaane mere gird-e-mazaar raaton mein koi teri yahaan nahin suntaa apne rab ko pukaar raaton mein"

"hai meri ziist kaa sahaaraa gham jo milaa hai mujhe tumhaaraa gham ambiyaa par kitaab naazil ki aur dil par mire utaaraa gham yaar kaa gham bhi yaar hotaa hai yaar hotaa nahin khasaara gham husn sola singhaar kartaa hai aur kar aayaa hai aThaarah gham qalb raushan usi se hai 'aalam' hai tajalli kaa istiaara gham"

"lab-e-khaamosh kaa bayaan huun main kanz-e-makhfi hai vo ayaan huun main mere andar lahu-luhaan hai haq koi karbal si daastaan huun main boltaa huun main hai zabaan us ki mujh mein vo hai nihaan kahaan huun main puchh mujh se jo puchhnaa hai tujhe sirr-e-makhfi kaa raaz-daan huun main jiibh kaaTi ali ali naa rukaa ek misam saa be-zabaan huun main tur-e-dil jal gayaa miraa 'aalam' ik tajalli ki daastaan huun main"

"aziyyatein yuun baDhaa rahaa huun main dil ki gardan dabaa rahaa huun vo haath mein dil thamaa ke bole sambhaalo is ko main jaa rahaa huun khudaa alim-o-basir hai jab to haal-e-dil kyon sunaa rahaa huun nayaa nahin hai ye ishq meraa azal se hi mubtalaa rahaa huun mujhe farishta na bol pyaare jaa puchh un se main kyaa rahaa huun hijaab kaa hai azaab varna khudaa se kab main judaa rahaa huun"

"abhi zaraa si havaa lagi hai abhi mohabbat nahin hui hai kisi pe mar ke hai jiinaa sikhaa jo jaan de di to jaan bachi hai jo main ne puchhaa ki ishq hai kyaa vo hans ke bole ye zindagi hai jo qalb ko zindagi na bakhshe vo bandagi bhi kyaa bandagi hai yuun ilm maalum ko na samjho ye ilm maalum ki nafi hai ye ishq ki hai namaaz jis mein na to imaam aur na muqtadi hai tumhaari maulaa ki khoj 'aalam' ye haath kangan ko aarsi hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"murattab aur bhi ik goshvaara ho rahaa hai to kyaa hai gar abhi ham ko khasaara ho rahaa hai hamaare paas to ham se ziyaada tu nahin thaa so tu kyaa ab to khud se bhi kinaara ho rahaa hai hamaare khvaab mein ahmiyat-e-shab thi ziyaada so ab vo khvaab aankhon mein sitaara ho rahaa hai tumhaari aarzu hone se pahle bhi to ham the guzaara ho rahaa thaa so guzaara ho rahaa hai hayaa-aalud aankhein hain na aanchal hai na chilman ye kis viraan duniyaa kaa nazaara ho rahaa hai abhi ham faisla karne ki ujlat mein nahin hain magar lagtaa hai jiine se khasaara ho rahaa hai khalaa se is zamin par sang-rezo ki ye baarish kisi jaanib se kyaa koi ishaara ho rahaa hai"

"choT par choT khaa rahaa huun main 'aadatan muskuraa rahaa huun main us ke uupar to kuchh asar hi nahin apnaa dil kyon jalaa rahaa huun main aaj tanhaai mein jo baiThe ho kyaa tumhein yaad aa rahaa huun main kaun aaegaa mujh se milne ko apnaa ghar kyon sajaa rahaa huun main aaj ji bhar ke dekh lo mujh ko ab bahut duur jaa rahaa huun main kyaa tumhein ab bhi kuchh shikaayat hai ab to sab kuchh kamaa rahaa huun main haath mein Digriyaan sajaae hue Thokarein kitni khaa rahaa huun main ab mujhe peT in se bharnaa hai ye jo khanjar banaa rahaa huun main kal koi is ko bhi na chhoDegaa ye jo paudaa lagaa rahaa huun main"