nasim-e-subh-e-bahaar aae dil-e-hazin ko qaraar aae — Hanif Fauq

"chashm-e-pur-nam abhi marhun-e-asar ho na saki zindagi khaak-nashinon ki basar ho na saki mai-kade ki vahi maanus fazaa aur dil-e-zaar ek bhi raat ba-andaaz-e-digar ho na saki gham-e-jaanaan gham-e-dauraan ki guzargaahon se guzre kuchh aise ki khud apni khabar ho na saki dhundle dhundle nazar aate to hain qadmon ke nishaan garche pur-nur abhi raahguzar ho na saki zindagi jaam-ba-kaf aai bhi mahfil mein magar shab ke matvaalon ko taufiq-e-nazar ho na saki kaise taabinda sitaaron kaa lahu jaltaa hai shab-e-taarik jo unvaan-e-sahar ho na saki"

"fazaaon mein kuchh aisi khalbali thi kaleja thaam kar vahshat chali thi kabhi us ki javaani manchali thi kabhi duniyaa bhi saanche mein Dhali thi yahi aaina-dar-aaina ulfat kabhi aks-e-khafi naqsh-e-jali thi na chhoDaa sard jhonkon ne vafaa ko jo shaakh-e-dard ki tanhaa kali thi bigaaDaa kis ne hai tab-e-jahaan ko kabhi ye rind-mashrab bhi vali thi muhit hangaama-e-aafaaq par hai sadaa-e-dard jo dil mein pali thi ghanimat jaaniye phir nim-raushan charaagh-e-raah se apni gali thi buraa ho aagahi kaa ziist varna guzar jaati buri thi yaa bhali thi hamin ne 'fauq' chaahaa zindagi ko hamin se kisht-e-gham phuli-phali thi"

"zaat kaa dasht-e-khatar yaad aayaa daf'atan auj-e-bashar yaad aayaa khaana-e-khvaab mein dam le lete kyaa karein apnaa hi ghar yaad aayaa sabz shaakhon pe dahakte hue phuul manzar-e-khvaab-asar yaad aayaa chand jhonke the havaaon ke magar phir na pattaa na shajar yaad aayaa aisaa aabaad thaa sahraa-e-junun kaisi divaar na dar yaad aayaa abr ne jab bhi uDaayaa aanchal apnaa hi daaman-e-tar yaad aayaa sard inkaar ke zindaanon mein garm khushbu kaa guzar yaad aayaa rang aur chehra-e-qaatil se khafaa koi 'unvaan-e-khabar yaad aayaa aasmaan chaahe gire yaa na gire dekhein kis kis ko hai sar yaad aayaa daa'vaa-e-zohd-o-'ibaadat se mujhe ik riyaa-kaar kaa shar yaad aayaa ji mein Thaani hai na bhuleinge kabhi vo agar baar-e-digar yaad aayaa gham ko baazaar dikhaanaa hi paDaa vaqt-e-'usrat ye hunar yaad aayaa us shab-e-zar ke andhere mein kise ashk-e-taabaan kaa guhar yaad aayaa gul khilaataa huaa har ek ravish phir miraa sho’la-e-fariyaad aayaa hai zamin jis ki haqiqat kaa suraagh 'fauq' vo khvaab-e-sahar yaad aayaa"

"aah-o-fariyaad se maamur chaman hai ki jo thaa maail-e-jaur vahi charkh-e-kuhan hai ki jo thaa husn paabandi-e-aadaab-e-jafaa par majbur ishq aavaara sar-e-koh-o-daman hai ki jo thaa laakh badlaa sahi mansur kaa aain-e-hayaat aaj bhi silsila-e-daar-o-rasan hai ki jo thaa Dar ke chaunk uThti hain khvaabon se naveli kaliyaan khanda-e-gul mein vahi saaz-e-mehan hai ki jo thaa shabnam-afshaani-e-gulshan hai dam-e-subh hanuz laala-o-gul pe vo ashkon kaa kafan hai ki jo thaa dil-e-be-taab pe maazi ki navaazish hai vahi shab-e-mahtaab pe yaadon kaa gahan hai ki jo thaa haath rakh detaa hai shaane pe tasavvur un kaa gham ki raaton mein koi jalva-figan hai ki jo thaa unhein kyaa fikr ki puchhein dil-e-bimaar kaa haal be-niyaazaana vo andaaz-e-sukhan hai ki jo thaa laakh badlaa sahi ai 'fauq' zamaana lekin tere andaaz mein be-saakhta-pan hai ki jo thaa"

"ye fazaa-e-nil-gun ye baal-o-par kaafi nahin maah-o-anjum tak miraa zauq-e-safar kaafi nahin ek saaat ik sadi hai ik nazar aafaaq-gir ab nizaam-e-gardish-e-shaam-o-sahar kaafi nahin phir junun ko vusat-e-aflaak hai koh-e-nidaa ai dil-e-divaana dasht-e-pur-khatar kaafi nahin ye havaa-e-nam ye siine mein sulagti aag si aah ye umr-e-ravaan ki rah-guzar kaafi nahin phir mashiyyat se ulajhti hai miri divaangi naala-e-shab-gir ashkon ke guhar kaafi nahin aarzu-e-be-karaan hai aur jism-e-naa-tavaan kyaa rag-e-jaan ke liye ye neshtar kaafi nahin khunki-e-shabnam se ghunche ko nahin taskin-e-qalb zakhm-e-gul ko ab nasim-e-chaara-gar kaafi nahin shisha-e-shab mein bhari hai 'fauq' jo sahbaa-e-kaif qatra qatra bhi piyun to raat bhar kaafi nahin"

"jism-o-jaan kis gham kaa gahvaara bane aag se nikle to angaara bane shaam ki bhigi hui palkon mein phir koi aansu aae aur taaraa bane lauh-e-dil pe naqsh ab koi nahin vaqt hai aa jaao shah-paaraa bane ab kisi lamhe ko manzil maan lein dar-ba-dar phirte hain banjaaraa bane kam ho gar jhuTe sitaaron ki numud ye zamin bhi anjuman-aaraa bane jurm-e-naa-karda-gunaahi hai bahut zindagi hi kyuun na kaffaara bane toD Daalein ham nizaam-e-khastagi ye jahaan kohna dobaaraa bane"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"