SHAWORDS

nigaah-o-dil kaa afsaana qarib-e-ikhtitaam aayaa — Anand Narayan Mulla

Home›Anand Narayan Mulla›Ghazal
"nigaah-o-dil kaa afsaana qarib-e-ikhtitaam aayaa hamein ab is se kyaa aai sahar yaa vaqt-e-shaam aayaa zabaan-e-ishq par ik chikh ban kar teraa naam aayaa khirad ki manzilein tai ho chukin dil kaa maqaam aayaa uThaanaa hai jo patthar rakh ke siine par vo gaam aayaa mohabbat mein tiri tark-e-mohabbat kaa maqaam aayaa use aansu na kah ik yaad-e-ayyaam-e-guzishta hai miri umr-e-ravaan ko umr-e-rafta kaa salaam aayaa zaraa lau aur dil ki tez kar siilaa saa ye shoala na raushan kar sakaa ghar ko na mahfil hi ke kaam aayaa nizaam-e-mai-kada saaqi badalne ki zarurat hai hazaaron hain safein jin mein na mai aai na jaam aayaa abhi tak said-e-yazdaan-o-sanam aulaad-e-aadam hai bashar insaan nahin rahtaa jahaan imaan kaa naam aayaa bahaar aate hi khun-rezi hui vo sehn-e-gulshan mein khajil kaanTe the yuun phulon ko josh-e-intiqaam aayaa bhulaae aabla-paaon ko baiThe the chaman vaale garajti aandhiyaan aaiin ki sahraa kaa salaam aayaa sahar ki huur ke kyaa kyaa ne dekhe khvaab duniyaa ne magar taabir jab DhunDi vahi ifrit-e-shaam aayaa kabhi shaayad usi se rang-e-firdaus-e-bashar paae abhi tak to lahu insaan kaa shaitaan hi ke kaam aayaa mukammal tabsira kartaa huaa ayyaam-e-rafta par nigaah-e-be-sukhan mein ek ashk-e-be-kalaam aayaa tavaanaa ko bahaana chaahiye shaayad tashaddud kaa phir ik majbur par shoridgi kaa ittihaam aayaa na jaane kitni shamein gul huiin kitne bujhe taare tab ik khurshed itraataa huaa baalaa-e-baam aayaa barahman aab-e-gangaa shaikh kausar le uDaa is se tire honTon ko jab chhutaa huaa 'mullaa' kaa jaam aayaa"
Urdu

نگاہ و دل کا افسانہ قریب اختتام آیا ہمیں اب اس سے کیا آئی سحر یا وقت شام آیا زبان عشق پر اک چیخ بن کر تیرا نام آیا خرد کی منزلیں طے ہو چکیں دل کا مقام آیا اٹھانا ہے جو پتھر رکھ کے سینہ پر وہ گام آیا محبت میں تری ترک محبت کا مقام آیا اسے آنسو نہ کہہ اک یاد ایام گذشتہ ہے مری عمر رواں کو عمر رفتہ کا سلام آیا ذرا لو اور دل کی تیز کر سیلا سا یہ شعلہ نہ روشن کر سکا گھر کو نہ محفل ہی کے کام آیا نظام مے کدہ ساقی بدلنے کی ضرورت ہے ہزاروں ہیں صفیں جن میں نہ مے آئی نہ جام آیا ابھی تک صید یزداں و صنم اولاد آدم ہے بشر انساں نہیں رہتا جہاں ایماں کا نام آیا بہار آتے ہی خوں ریزی ہوئی وہ صحن گلشن میں خجل کانٹے تھے یوں پھولوں کو جوش انتقام آیا بھلائے آبلہ پاؤں کو بیٹھے تھے چمن والے گرجتی آندھیاں آئیں کہ صحرا کا سلام آیا سحر کی حور کے کیا کیا نے دیکھے خواب دنیا نے مگر تعبیر جب ڈھونڈی وہی عفریت شام آیا کبھی شاید اسی سے رنگ فردوس بشر پائے ابھی تک تو لہو انساں کا شیطاں ہی کے کام آیا مکمل تبصرہ کرتا ہوا ایام رفتہ پر نگاہ بے سخن میں ایک اشک بے کلام آیا توانا کو بہانہ چاہیے شاید تشدد کا پھر اک مجبور پر شوریدگی کا اتہام آیا نہ جانے کتنی شمعیں گل ہوئیں کتنے بجھے تارے تب اک خورشید اتراتا ہوا بالائے بام آیا برہمن آب گنگا شیخ کوثر لے اڑا اس سے ترے ہونٹوں کو جب چھوتا ہوا ملاؔ کا جام آیا

Hindi

निगाह-ओ-दिल का अफ़्साना क़रीब-ए-इख़्तिताम आया हमें अब इस से क्या आई सहर या वक़्त-ए-शाम आया ज़बान-ए-इश्क़ पर इक चीख़ बन कर तेरा नाम आया ख़िरद की मंज़िलें तय हो चुकीं दिल का मक़ाम आया उठाना है जो पत्थर रख के सीने पर वो गाम आया मोहब्बत में तिरी तर्क-ए-मोहब्बत का मक़ाम आया उसे आँसू न कह इक याद-ए-अय्याम-गुज़िश्ता है मिरी उम्र-ए-रवाँ को उम्र-ए-रफ़्ता का सलाम आया ज़रा लौ और दिल की तेज़ कर सीला सा ये शो'ला न रौशन कर सका घर को न महफ़िल ही के काम आया निज़ाम-ए-मय-कदा साक़ी बदलने की ज़रूरत है हज़ारों हैं सफ़ें जिन में न मय आई न जाम आया अभी तक सैद-ए-यज़्दाँ-ओ-सनम औलाद-ए-आदम है बशर इंसाँ नहीं रहता जहाँ ईमाँ का नाम आया बहार आते ही ख़ूँ-रेज़ी हुई वो सेहन-ए-गुलशन में ख़जिल काँटे थे यूँ फूलों को जोश-ए-इंतिक़ाम आया भुलाए आब्ला-पाओं को बैठे थे चमन वाले गरजती आँधियाँ आईं कि सहरा का सलाम आया सहर की हूर के क्या क्या ने देखे ख़्वाब दुनिया ने मगर ता'बीर जब ढूँडी वही इफ़रीत-ए-शाम आया कभी शायद उसी से रंग-ए-फ़िरदौस-ए-बशर पाए अभी तक तो लहू इंसाँ का शैताँ ही के काम आया मुकम्मल तब्सिरा करता हुआ अय्याम-ए-रफ़्ता पर निगाह-ए-बे-सुख़न में एक अश्क-ए-बे-कलाम आया तवाना को बहाना चाहिए शायद तशद्दुद का फिर इक मजबूर पर शोरीदगी का इत्तिहाम आया न जाने कितनी शमएँ गुल हुईं कितने बुझे तारे तब इक ख़ुर्शेद इतराता हुआ बाला-ए-बाम आया बरहमन आब-ए-गंगा शैख़ कौसर ले उड़ा इस से तिरे होंटों को जब छूता हुआ 'मुल्ला' का जाम आया

Anand Narayan MullaAnand Narayan MullaYaadRaatMaaMohabbat
nigāh-o-dil kā afsāna qarīb-e-iḳhtitām aayā
Anand Narayan Mulla
Anand Narayan Mulla
Anand Narayan Mulla
poet94 quotes

More by Anand Narayan Mulla

View all →
Quote
"ab apne dida-o-dil kaa bhi e'tibaar nahin usi ko pyaar kiyaa jis ke dil mein pyaar nahin nahin ki mujh ko tabi'at pe ikhtiyaar nahin har ek jaam se pi luun vo baada-khvaar nahin har ek gaam pe kaanTon ki hain kamin-gaahein shabaab aah shagufon ki rahguzaar nahin bhari hui hai vo kaam-o-dahan mein talkhi-e-zist ki lab pe jaam-e-mohabbat bhi khush-gavaar nahin na mere ashkon se daaman pe tere aaegi aanch ye shoala-ru hain magar fitrat-e-sharaar nahin kahin chhupaae se chhupti bhi hai haqiqat-e-gham vo gham hi kyaa jo masarrat se aashkaar nahin main teri yaad se bahkaa chukaa huun yuun dil ko ki ab mujhe tiri furqat bhi naagavaar nahin mire sukun ke liye kyuun ye koshish-e-paiham qaraar chhinne vaale tujhe qaraar nahin jahaan-e-aql ke nafrat-kadon mein baT jaataa hazaar shukr mohabbat pe ikhtiyaar nahin kisi ki luuT ke raahat khushi nahin milti khizaan ke haath mein sarmaaya-e-bahaar nahin nigaah-e-dost ko is ki bhi hai khabar lekin vo raaz jis kaa abhi dil bhi raazdaar nahin tavajja-e-nigah-e-yaar kaa sabab maa'lum dil-e-girafta-e-'mullaa' abhi shikaar nahin"
Anand Narayan MullaAnand Narayan Mulla
YaadMaa
Quote
"jaan-e-afsaana yahi kuchh bhi ho afsaane kaa naam zindagi hai dil ki dhaDkan tez ho jaane kaa naam qatra qatra zindagi ke zahr kaa piinaa hai gham aur khushi hai do ghaDi pi kar bahak jaane kaa naam aaj tu kal koi aur hogaa sadr-e-bazm-e-mai saaqiyaa tujh se nahin ham se hai mai-khaane kaa naam intizaar-e-fasl-e-gul mein kho chuke aankhon kaa nuur aur bahaar-e-baagh leti hi nahin aane kaa naam taab-e-naakaami nahin to aarzu kartaa hai kyaa saaqiyaa tujh se nahin ham se hai mai-khaane kaa naam vaaqif-e-'mullaa' na thi bazm-e-khirad ye tai huaa ho na ho ye hai kisi mashhur divaane kaa naam"
Anand Narayan MullaAnand Narayan Mulla
SadZindagi
Quote
"hijr ki shab ghaDi ghaDi dil se yahi savaal hai jis ke khayaal mein huun gum us ko bhi kuchh khayaal hai haae-ri bebasi shauq-e-dil kaa ajiib haal hai us kaa javaab sun chukaa phir bhi vahi savaal hai khvaab-o-fusun nahin to kyaa dil ye junun nahin to kyaa khalvat-e-dost aur tu teraa kahaan khayaal hai main tire dar ko chhoD duun shart-e-vafaa ko toD duun sonch khud apne dil mein tu kyaa ye miri majaal hai sharm si nazar dil ki hai uThti nahin nigaah-e-shauq ishq ki manzilon mein ik manzil-e-infiaal hai chaaheinge gar to dil ki baat aap hi jaan leinge vo munh se kahun to kyaa kahun shakl miri savaal hai baat unhin ki maan li jaise main hi khataa pe thaa un ko kahin ye shak na ho dil mein mire malaal hai ab tiri justuju hui himmat-e-dil ke hasb-e-zauq tu ne ye jab se kah diyaa ye talab muhaal hai sath-e-mazaaq-e-bazm par 'mullaa' utar ke aanaa to auron kaa jo kamaal hai tere liye zavaal hai"
Anand Narayan MullaAnand Narayan Mulla
DilMaa
Quote
"miri baat kaa jo yaqin nahin mujhe aazmaa ke bhi dekh le tujhe dil to kab kaa main de chukaa use gham banaa ke bhi dekh le ye to Thiik hai ki tiri jafaa bhi ik 'ataa mire vaaste miri hasraton ki qasam tujhe kabhi muskuraa ke bhi dekh le miraa dil alag hai bujhaa saa kuchh tire husn par bhi chamak nahin kabhi ek markaz-e-zist par unhein saath laa ke bhi dekh le mire shauq ki hain vahi zidein abhi lab pe hai vahi iltijaa kabhi is jale hue tuur par mujhe phir bulaa ke bhi dekh le na miTegaa naqsh-e-vafaa kabhi na miTegaa haan na miTegaa ye kisi aur ki to majaal kyaa use khud miTaa ke bhi dekh le kisi gul-fasurda-e-baagh huun mire lab hansi ko bhulaa chuke tujhe ai sabaa jo na ho yaqin mujhe gudgudaa ke bhi dekh le mire dil mein tu hi hai jalva-gar tiraa aaina huun main sar-basar yunhi duur hi se nazar na kar kabhi paas aa ke bhi dekh le mire zarf-e-ishq pe shak na kar mire harf-e-shauq ko bhuul jaa jo yahi hijaab hai darmiyaan ye hijaab uThaa ke bhi dekh le ye jahaan hai ise kyaa paDi hai jo ye sune tiri daastaan tujhe phir bhi 'mullaa' agar hai zid gham-e-dil sunaa ke bhi dekh le"
Anand Narayan MullaAnand Narayan Mulla
DilMaa
Quote
"zindagi go kushta-e-aalaam hai phir bhi raahat ki umid-e-khaam hai haan abhi teri mohabbat khaam hai tere dil mein kaavish-e-anjaam hai ishq hai main huun dil-e-naakaam hai is ke aage bas khudaa kaa naam hai aa kahaan hai tu fareb-e-aarzu aaj naakaami se lenaa kaam hai main vahi huun dil vahi armaan vahi ek dhokaa gardish-e-ayyaam hai apne ji mein ye ki duniyaa chhoD dein aur duniyaa ko hamin se kaam hai jal chuke chashm-e-aizzaa mein charaagh so bhi jaa 'mullaa' ki vaqt-e-shaam hai"
Anand Narayan MullaAnand Narayan Mulla
ZindagiMaa
Quote
"nazar khamosh hui arz-e-naa-tamaam ke baa'd kuchh aur kah na sake ashk-e-be-kalaam ke baa'd ye mughbache tire saaqi abhi hain khira bahut har ek jaam-e-tahi aur salaa-e-aam ke baa'd bas itni baat ke kyaa kyaa hain bazm mein charche vo muskuraa se diye the mire salaam ke baa'd namaaz-e-jaam paDhi shaikh ne nahin lekin 'ajab saa nuur hai rukh par tulu-e-shaam ke baa'd har ik nazaaa kaa hal intiqaam hi hai abhi magar savaal to ye hai ki intiqaam ke baa'd ye lag rahaa hai ki jaise bichhaD rahi hai hayaat palaT palaT ke nigaahein hain gaam gaam ke baa'd kisi mahal kisi vaadi kisi chaman mein nahin vo gul jo dil mein mahaktaa hai nek kaam ke baa'd ghurur-e-tishna-saaqi bhi hai koi shai saaqi taqaazaa ham nahin karne ke jaam jaam ke baa'd ye sach nahin ki mire dil mein aur naam nahin magar ye sach hai ki ye sab hain tere naam ke baa'd hai ziist ziist usi ki ki jis ke baazu ko urush-e-subh bhi DhunDe nigaar-e-shaam ke baa'd badalti qadron mein kuchh huun ki kuchh nahin 'mullaa' savaaliya saa nishaan huun khud apne naam ke baa'd"
Anand Narayan MullaAnand Narayan Mulla
DilMaa

More on Yaad

View all →
Quote
"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"
Mahmood NashtariMahmood Nashtari
YaadDil
Quote
"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"
N
Naeem Sameer
YaadKhudi
Quote
"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"
Anees QalbAnees Qalb
ZindagiYaad
Quote
"jahaan-e-dard-o-gham hai aur main huun tiraa naqsh-e-qadam hai aur main huun kisi ki aankh nam hai aur main huun vufur-e-shauq kam hai aur main huun mujhe hai daulat-e-kaunain haasil mire rab kaa karam hai aur main huun main apne aap ko pahchaantaa huun miraa apnaa bharam hai aur main huun yahi kyaa kam hai duniyaa-e-vafaa mein mujhe ehsaas-e-gham hai aur main huun kisi ki yaad kaa ehsaan hai mujh par sukun-e-dil baham hai aur main huun mujhe 'mahmud' koi Dar nahin hai miraa apnaa qalam hai aur main huun"
Mahmood NashtariMahmood Nashtari
YaadDil