phir huaa saudaa dil-e-naashaad kyaa — Nashad Kanpuri

"mili fursat agar ranj-o-balaa se kaheinge ham bhi kuchh apne khudaa se khudaa-naa-khvaasta tum se gila ho shikaayat hai hamein apni du'aa se yunhi rabt un se mujh se har-nafas hai ho jaise ghuncha-o-gul kaa sabaa se koi maange to kyaa duniyaa se maange mile kyaa khaak be-barg-o-navaa se kabhi 'naashaad' ko dekhaa to bole nazar aate hain surat-aashnaa se"

"husn husn-e-sifaat kyaa jaane aashiqi ke nikaat kyaa jaane ho gayaa jo kisi kaa saudaai vo hayaat-o-mamaat kyaa jaane dil kaa imaan aur hi kuchh hai aashiqi zaat paat kyaa jaane baada-e-dil-faroz se tauba shaikh raaz-e-hayaat kyaa jaane haan lagaa di hai jaan ki baazi ishq 'naashaad' maat kyaa jaane"

"kaun hai raaja kaun hai raani jhuTi hai sab prem-kahaani kyaa kahiye ab prem-kahaani haae zamaana haae javaani husn javaani donon faani ek fasaana ek kahaani teri haqiqat raaz hai ab tak kis ne apni zaat hai jaani kyaa hai baatin kyaa hai zaahir kaun hai baaqi kaun hai faani amrit-ras hain un ki baatein madiraa kaa madh un ki javaani muddat guzri dil ko luTaae kyaa chheDein ab baat puraani murda dil mein kyon aas aae kyaa dein sukhe dhaan ko paani jaisi guzri achchhi guzri kyaa dohraaein raam kahaani de hi diyaa 'naashaad' unhein dil tum ne kisi ki ek na maani"

"jhuTi duniyaa jhuTi maayaa kaun hai apnaa kaun paraayaa umr ganvaai thaah na paai ishq mein kuchh bhi haath na aaya prem-nagar ki riit nai hai jis ne khoyaa us ne paayaa un ki khushi hai yaad na aaein ham ne kab un ko dil se bhulaayaa TuuTe dil ko joD na paae is ko dikhaayaa us ko dikhaayaa de hi diyaa dil un ko aakhir baiThe biThaae rog lagaayaa gham ke maare aise soe jaag na paae laakh jagaayaa kaun kisi kaa tere sivaa thaa tu ne beDaa paar lagaayaa jaan gae ham 'naashaad' aakhir jhuTe jag ki jhuTi maayaa"

"khushaa-nasib ki hai dil mein aarzu teri mashaam-e-jaan hai moattar basi hai bu teri vo aur honge jinhein hai najaat ki khvaahish shahid-e-husn-e-azal ko hai aarzu teri gharaz har ek ko teraa hi khosha-chin paayaa gulon ne rang uDaayaa sabaa ne bu teri tire jamaal kaa kuchh aisaa roab taari thaa sabaa bhi chhu na saki zulf-e-mushkbu teri fareb-khurda-e-divaar-o-dar nahin 'naashaad' kare vo dair mein kyon jaa ke justuju teri"

"zindagi be-sabaat kitni hai chand roza hayaat kitni hai partav-e-husn-e-yaar hai varna dil ki kul kaaenaat kitni hai dard-e-dil uTh ke tu bataa de zaraa puchhte hain vo raat kitni hai aadmi mar rahaa hai jiine ko imbisaat-e-hayaat kitni hai bazm-e-duniyaa mein aae aur chale daastaan-e-hayaat kitni hai baat 'naashaad' ki bhi sun lete ik zaraa si hai baat kitni hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"