saamne ik kitaab adh-khuli aur main — Aslam Haneef

"har ik kitaab nujumi ghalat bataataa hai miri hayaat kaa jab zaaicha banaataa hai kisi haveli mein jab vahshatein panapti hain badan pe sabza-e-nau-rasta lahlahaataa hai hamaari niind mein girdaab banne lagte hain udaas kamra ajab qahqahe lagaataa hai muhib tiira guphaa mein badan hai sahmaa huaa bas ek jugnu hai jo hausla baDhaataa hai na jaane kitne nae khauf Dasne lagte hain vo mujh se milne kaa jab silsila baDhaataa hai use harif kaho vasl-rut ke naghmon kaa darakht se jo parinde uDaae jaataa hai"

"khuun viraasat kaa ragon mein fakhr ke qaabil huaa jab mire hi khaak-daan se meraa sar haasil huaa har jazira barf kaa meri anaa ki mumlikat raah mein phir koh-e-naa-maalum kyuun haail huaa ret ke dariyaa se qaaem thi ummid moajiza tishnagi mein jo qadam aage baDhaa haasil huaa saaya paani mein chalaa jab mujh ko tanhaa chhoD kar meraa manzar hi mire ehsaas kaa qaatil huaa phir havaa ki muTThiyon se ret barsi sahn mein phir bikharne kaa nazar ko zaaiqa haasil huaa tum anaa ke zoam mein inkaar-e-fan karte to ho aur agar is ahd kaa main hi had-e-faasil huaa"

"zakhm kuchh aise de ke gayaa daaraai kaa karb bhog rahaa huun muddat se tanhaai kaa karb ye to surkh sulagtaa suraj hi jaane hai kitnaa bhayaanak hotaa hai tanhaai kaa karb tez havaa mein taali bajaane vaale patto baanjh na kar de peDon ko shahnaai kaa karb zehn kaa mere roz badal detaa hai mausam shaam Dhale saundhaa saundhaa angnaai kaa karb rah jaa kar be-chehra logon ki basti mein maskh-shuda aankhon mein rakh binaai kaa karb toD rahaa hai kyuun mutahayyar aaine 'aslam' ghaur-talab hai teri khud-aaraai kaa karb"

"jashn ham yuun bhi manaaein der tak aaj ki shab khud se uljhein der tak saathiyon mein jab faraasat hi nahin ik paheli kyaa bujhaaein der tak guftugu kaa ik tariqa ye bhi hai aao ham khaamosh baiThein der tak ye tumhaare zulm ki tauhin hai shahr mein chikhein na gunjein der tak raat ki baanhein hamein bhinche rahin aur phir ham khud ko sochein der tak ham khud apne khvaab ki taabir hain aaina phir kyuun na dekhein der tak raah-giron ke liye phaili rahin buDhe bargad teri shaakhein der tak"

"rafiq dost muhib mujh ko shaaq sab hi the agarche kahne ko ye ham-mazaaq sab hi the main imtihaan ki copy ko saada chhoD aayaa dimaagh mein to siyaaq-o-sabaaq sab hi the tamaam raat rahaa dil mein habs kaa manzar khule hue to dar-e-ishtiyaaq sab hi the usi mahal se thi vaabasta shahr ki azmat shikasta yuun to dar-o-baam-o-taaq sab hi the hamaaraa gaanv fasaadon ki zad se duur rahaa agarche log sharaarat mein taaq sab hi the"

"saamne shaah-e-vaqt ke 'aslam' kaun kahe ye baat chor na the fankaar the ham phir kaaT liye kyuun haat us kaa sheva us ki fitrat rishton ki tauhin nang-e-insaaniyyat hain sab us ke ehsaasaat kunDli maare baiThaa huaa thaa us ki zaat mein khoT aa kar vaapas ho jaati thi rishton ki saughaat meri khamoshi par taari hai kaisaa aalam-e-kashf dasht-e-badan par hone lagi hai rangon ki barsaat jaise ye bhi paaT rahi hon shakhsiyyat kaa jhol rauzon ki divaaron par yuun kanda hain aayaat jaane kis aavaaz ki khushbu sungh rahe hain kaan saare badan mein Dol rahaa hai ik kaif-e-lazzaat"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"khel duniyaa-e-'aarzi kaa huun ek kirdaar zindagi kaa huun mujh ko rakkhaa gayaa andhere mein main bhi haqdaar raushni kaa huun intihaa ke qarib hai duniyaa aadmi aakhiri sadi kaa huun dil ko ehsaas ho gayaa teraa mo'tarif teri dosti kaa huun main ne ghurbat mein 'ilm sikhaa hai main to maqruz muflisi kaa huun pur na hogaa jo mere baa'd kabhi ek aisaa khalaa kami kaa huun meraa dushman nahin 'khayaali' koi dost bhi main kisi kisi kaa huun"

"nahin piitaa main par navaazish hui hai baDi mausamon ki sifaarish hui hai bahut din se sahraa ke jaisaa ye dil hai na baadal ghire hain na baarish hui hai yahaan hai bulandi jo kirdaar ki to vahaan khaal-o-khad ki numaaish hui hai tiri jhiil jaisi jo dekhi hain aankhein miri Duub jaane ki khvaahish hui hai chhalaktaa nahin khuun zakhmon se aise kahin naakhunon ki bhi kaavish hui hai hamein 'ishq mein mubtalaa kar rahe hain nazar aur dil mein ye saazish hui hai vahaan dushmanon ki baDi yaad aai jahaan doston ki navaazish hui hai vafaa-daariyon kaa sila mil rahaa hai hamaari sadaa aazmaaish hui hai pareshaaniyon mein jo ham mubtalaa hain yaqinan koi ham se laghzish hui hai vahin apni aankhon ko ham chhoD aae jahaan manzaron ki numaaish hui hai raqibon ko hai chhuT mahfil mein un ki mire aane jaane pe bandish hui hai ghazal kahnaa 'faaruq' main chhoD dungaa isi baat par un se ranjish hui hai"

"jab se aayaa huun tere gaanv mein rang hi rang hain fazaaon mein aa ki dukh sukh ki koi baat karein baiTh kar shishamon ki chhaanv mein main bhi kartaa huun zabt ki koshish to bhi takhfif kar adaaon mein vo tiraa dafatan bichhaD jaanaa vo miraa dekhnaa khalaaon mein ho agar koi gosh-bar-aavaaz ik khamoshi bhi hai sadaaon mein yahi mere liye ghanimat hai saans le luun khuli fazaaon mein"

"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"